الثلاثاء، ٢٤ نوفمبر ٢٠٠٩

مطعم ليل نهار + فيلم طير انت + عصر الحب لنجيب محفوظ = طلعة الويك اند

السلام ..
شلونكم..
لي ياني وياكم خير لفاني ولفاكم وشر تعداني وتعداكم << متى تنقال هالعباره :)
المهم يوم السبت طلعنا طلعه اخواتيه بحته من زمان ماصارت ..
اول شي حسنا ندور مطعم وي نسيت احط كيكه اللي جربته يالبوست الياي ان شاءالله ..
رحنا صوب النافوره برا سراي كان مسكر مانبي ستار بوكس رحنا الصوب الثاني كافيه بلان زحمه و الباجي مانعرفهم عاد صعدنا فوق واستقرينا ع ليل نهار اول تجربه له ..

غيرنا مكان فيه 3 مرات مره نبي طاوله اكبر ومره لانه اختي تبي داخل ..


اهو لبناني بس في وايد اكلات لبنانيه مو موجوده مثل التبوله ..


انا طلبت سيزر .. طعهما زين مو وااو..



معجنات لاختي الكبيره استغفرالله عينتهم مو شي وجيكو ع البتزا تذكرت تعليق اختي الوسطيه عليها :)



فتوش ماقدرت اكله لانه في خضرا وفجل وبصل وهالسوالف ماكلها واخبز بعد شكله غريب ..

صاج لبنه وزعتر لاختي الصغيره جنه او الوسطيه اهو 4 قطع كل وحده فينا كلت قطعه هم ماحبيته حسيت في نعناع وانا ماحبه ..
وهم طلبنا صمونه ستيك بيروت اسمه شي جذي لاختي يالصغيره او الوسطيه اهي وحده طلبت صاج والثانيه صمونه واهم الصمونه 4 قطع كلنا ذقناها اختي الكبيره حبتها انا عادي بس احس مو ستيك ريحت الستيك المقصد انه الستيك جنه حالفين عليه ..



ببروني مالتي طبعا كلنا كليناه والباجي تيك اوي ماحبيت طعم الطماط واضح حيل استغفرالله هم ماحب طعم معجون الطمام خخ انا شاحب!!
واختي الكبيره هم حبتها..


وي نسيت احط صورة عصير اختي :\
________________________________________________________
عقب قعدنا نتمشى لي 2 وشي بس كنا كل 2 مع بعض الصغيره والكبيره دشوا اتش اند ام وانا والوسطيه رحنا بيمنكي بول اند بير كليرز ناين وست ومانغو و استرادي وقالوا القروب ال2 انهم بيردون البيت جان احنا نروح نحجز السينما ماوعينا الا اهما بويهنا قلنا لهم انه حجزنا لما دروا انه طير انت جنه يبون بس يبيله دزه عشان يقتنعون مع حنتنا اقتنعوا راحوا اهما يصلون وانا مع الصغيره هالمره رحنا حجزنا لهم ..
والفيلم كان طير انت طبعا ماشفت لادعايته ولا قريت عنه شي بس شفت بوستره ..

وقبل لايبدي الفيلم بدقيقه يو اشوه ..
طبعا خذينا ناتشوز ونفيش وبيبسي لهم وماي لي وانا اطلب اللي وراي كانت لابسه كمام انا لا ارادين غطيت خشمي وعقب الكبيره اللي معاه تقولي اختي ترا احنا طلبنا ناتشوز اخر مره ولقينا فيه دوده طلبي نفيش او اي شي 2 بس ناتشوز لا ..
جان اقولها وي عاد طلبنا وابتسمت وقلت لها مشكوره جان ترد لي ورا وتلف ويها وتقول كيفج بس الدين نصيحه قلت لها بالعكس ماتقصرين استغربت من ردة فعلها اخاف بجت عقب خخ ..
المهم نرد للفيلم ..

بطولة

أحمد مكي , دنيا سمير غانم

المخرج

أحمد جندي

النوع

كوميدي

مدة الفيلم

122 min

>> مو كاتبين التاليف لعمر طاهر ..

القصة
شاب منطوي يحب فتاة ويظهر له جني يحوله لعدة شخصيات لتتناسب مع ذوق الفتاة، وكل مرة من المرات يحدث موقف طريف يؤدي الى الفشل في الوصول لقلب الفتاة.
الحلو انه كل مره شخصيه غير.. واهما 7 شخصيات للبنت والولد ..
الولد اسمه بهيج والبنت ليلى ..
1- اهو كول وعضلات ورياضي واهي كول بس محافظه يعني لبس وفريبس ماترافج وبس تصافح خخ بس ضحكني قاعده معاه ع البحر وتقوله انا مارافج صبيان عيل اهو شنو@@
2- اهو صعيدي و قوي و ظالم واهي صعيديه كول عندها نت و تحب مهند..
3- اهو حساس ورقيق وغبي خخ واهي لبنانيه وتحب الريال الدفش ..
4-اهو غني وفسقان واهي مندوبة تجميل << بس مضبطه الستايل ..
5- روش << توهقت وسالت اختي قالت لي يمكن جذي خخ اهو اللي يطلع بستايل السبعينات واهي بعد مثله..
6- ومره صار مدرب منتخب واهي مشجعه ..
7- فيلم هندي ..
حلو انه في رساله بالفيلم انه كل شخ يرضى بنفسه يدور مميزات اللي تبرزه ..
وانه الريال ماينحب عشان شكله ولا افلوسه انه مو مهم غني بس المهم يكون زين معاه ومايقصر عليه وانه ريال بدون مره ولا شي ..
وبس..
دعايته :


_________________________________________________________
هالكتاب قعدت يمكن اسبوع فيه ..
اهو للاديب الكبير نجيب محفوظ ..
وطلع مسوينه فيلم ..

الشخصيات :
1- الست عين : ارمله في الخمسين رزقت بطفل ع كبر يدعى عزت واهي امراه كريمه معطاءه..
2- عزت عبدالباقي : ابن الست عين الذي تتمركز حوله الروايه وتدور الاحداث من طفولته الى ان يصل تقريبا الى الخمسينات من عمره..
3- حمدون عجرمه : صديق عزت منذو الكتاب وحت ال 18 ثم يختفي ليعود بمنتصف العشرينات تقريبا ثم يختفي مجبر هذه المره ليعود بعد ربع قرن ليتلقى ..
4- سيدة : زوجة عزت ورزق منها بطفل واحد يدعى سمير..
5- بدريه المناوشي : زوجة حمدون وحبيبة عزت .
الكتاب جيد بس كنت افضل اشاهده كفيلم لانه عندي قراتي له احسست انني اقرا سيتاريو لفيلم :\
اي خل اقولكم شكو اهو بالموضوع انا كنت اقرا بالسياره و بالمطعم عاد اختي تتحلط وتتطنز علي تقولي خلي كتابج يعني يابانيه بتسثنر وقتها اهي اهي..

هناك ١٢ تعليقًا:

  1. خوش طلعة عليكم بالعافية
    انا من زماااان مقاطعة الافلام المصرية
    بس اخوي قالي عن هالفيلم انه غير ويضحك
    وذاك اليوم عاد المود ما كان زود
    بس اختي حنت الا بتروح
    ورحنا وفطسنا عليه من الضحك
    صج بدعو
    ولا سالفة ال sms والفيلم الهندي
    لووووول
    وشفتي دينا سمير غانم؟
    امبيه حدها ضعفانه
    يوم شفتها قلت خلاااااااص ببدي ريجيم من اليووووم وبشترك بنادي D:

    ردحذف
  2. هلا سي لافي..

    الله يعافيج يارب مشكوره..

    زين سويتي اي انا احبه الكاتب ..

    خخ اي عجيب الفيلم الهندي ..

    انا استغربت لما دريت انها متينه كانت انا من شفتها واهي زينه تدرين حسبالي متنانه خخ بس رفيجتي تقول وايد نزلت يبيله اسوي سيرج ع صورها ..

    خخ انا حسبالي انتي عصله بس زين تسوين الرياضه بتعطيج لياقه اما الرجيم ماحبذه حلاته تخفيف..

    وحياج الله..

    ردحذف
  3. احب هالمكان بالأفنيوز خاصة في الفترة الصباحيه وتقدين بره تجابلين النافوره

    ماجربت المطعم والمطاعم اللبنانيه زايده بالكويت واغلب الي يفتحون مو شي

    وبالعافيه :)

    ذاك اليوم رحت مع رفيجتي نشتري افلام جان يقولي الهندي تبين فلم طير انت جان اقول لا يبا انت الي طير هههههه توقعت من اسمه انه بكون حده سخيييف ... بس شوقتيني ودي اشوفه انشالله بشتريه لما يخلصون الافلام الي شريتهم

    قريت قصة الفلم مال نجيب محفوظ شكله حلو شوقني ... ما تدرين وين نحصله؟


    شكرا :)

    ردحذف
  4. هلا جاي..

    اي حلوو ..

    انتي جربتي اي المطاعم بهالمكان ؟؟

    عاد هذا مو ذاك الزود التوب باللي جربتهم ليلى من لبنان واتوقع اللي محليه انه الخدمه لبنانين ففهمين عدل بهالشي عكس الباجي كله فلبن وهنود..

    انا ودي اجرب بعد من المطاعم لبنانيه (فيلا فيروز = صبح ومسا)..

    وايد يمدحونه واخوي يمدحه بعد..

    الله يعافيج يارب..

    خخ لا فكرته حلو له هدف ..

    ان شاءالله ومشاهده ممتعه ..

    جيكت بالسايت اللي كل اطلب منه مافي عيب الافلام القديمه مو متوفره بكل مكان :(

    العفو ولو..

    حياج الله..

    ردحذف
  5. انا اكثر شي اقعد بستار بكس الي اهناك ومره مع رفيجاتي قعدنه في كافي بلان احلى شي عندهم عصير الليمون بالنعناع والعرايس

    فيلا فيروز جربته حلو ... وعندج بعد الي بالكوت ميجنا بعد حلو .. صبح ومسا ما جربته

    ويييه حسافه ... انا دورته بالنت لقيته بجم سايت بس الي تنزلينهم بفلوس ماعرف حق هالسوالف

    بشوف عند الهنود بعد اذا لقيته اقولج

    -----------------

    لووووووووووووووووول تدرين اني كاتبه التعليق قبل ساعه بس نسيت اضغط على كتابة تعليق توني قاعده اسكر السايتات جان اشوفه لووووووووووول

    ردحذف
  6. هلا جاي..

    اها مرسي ..

    يقولون اهما كلهم نفس الشي بس الاسم غير ..

    اي ان شاءالله..

    خخ عادي وايد تصير فيني وساعات البلوق يتنح بعد..

    ردحذف
  7. رورو عطيني ايميلج بدزلج الكود :)

    ردحذف
  8. شلون ادزه لج عشتو اخاف ينباق خخخ ..

    ردحذف
  9. سلام ...
    هالمطعم كلش طاح من عيني و السبة اللي ذكرتيه

    يسلمووو على موافاتنا بكل جديد
    و عيدج مبارك و عساج دوم بخير أنتي و اللي تحبينهم

    ردحذف
  10. السلام عليكم
    كل عام و انت بخير :)

    ردحذف
  11. هلا خاتون ..

    وعليكم السلام والرحمه ..

    خخخ انا ماحبيته اختي عجبها ..

    الله يسلمج يارب..

    ومرسي ع المرور..

    ايامج سعيده وتسلمين واجمعين يارب ..

    حياج الله..

    ردحذف
  12. هلا اخوي احمد..

    وعليكم السلام والرحمه ..

    وانت بخير يارب..

    مشكور..

    ردحذف

دوركم تشخبطون :)