السبت، ٢١ نوفمبر ٢٠٠٩

جوله ممتعه بربوع المركز العلمي :)

السلام..
الخميس اللي فات رحت المركز العلمي امم ليش :
1- شوقتني ع الاكواريوم جاي الضحى :)
2- مليت من السوق وابي اروح اي مكان اغير فيه جو واستانس والاختيار كان اهو ..
كل يوم احب النت اكثر لانه يسهلي وايد اشياء ..
عرفت كل شي عن المركز وانا بيتنا ..
سويت سيرج طلع عندهم سايت عرفت فيه كل شي ابيه عنه ..
كا وصلنا :)
وحجزنا التذاكر اللي يصير 3 مع بعض الاستكشاف+ اي ماكس+ الاكواريم ..
احنا وصلنا تقريبا 11 الا ربع فكان باجي ساعه الا ربع ع عرض فيلم ودوني القمر واهو باباي ..
هذا البوستر ..
وهذي نبذه عنه من السايت ..
يقدم للمشاهدين اللحظة التاريخية التي وحدت العالم عندما هبطت أبولو 11 على سطح القمر و الخطوة الأولى لإنسان على سطحه التي نقلت مفهوم استكشاف الفضاء إلى أفق جديد ، و يأخذ المشاهدين إلى عالم لم يزوروه من قبل و يشعرهم بأنهم فعلاً جزء من هذه الرحلة التاريخية. و الجديد في هذا الفيلم هو أن الرحلة إلى القمر تكون من منظور ثلاث ذبابات ، تأثر أحدهم ، نات ، بجده البطل الذي أنقذ اميليا ايرهارت (و التي كانت أول من عبر المحيط الأطلسي بطائرة) و أصبح يحلم بأن يعيش دور البطولة الذي عاشه جده. قام نات بإقناع اثنين من أصدقائه بالذهاب إلى القمر و تسللوا إلى داخل البدلة الفضائية لرواد الفضاء نيل آرمسترونج و بز ألدرين (الذي شارك بالفيلم) و مايكل كولينز. قبل الإقلاع ، و أثناء تصوير الكاميرات التلفزيونية لهذا الحدث التاريخي الذي تابعه العالم أجمع ، شاهدت الذبابات حول العالم نات و رفاقه و هم يلوحون للكاميرات معلنين بداية رحلتهم التاريخية.
وع مايبدي الفيلم رحنا تمشينا برا ..
وكان الجو براد وناسه ..
هذي جم صوره وكالعاده في صوره اختفت @@






ولما رحنا صوب البوم لقينا سمج ويهال يوكلونه نفيش وبطاط وماوعينا الا القوطي بكبره بالبحر @@







قرب موعد الفيلم ودشينا داخل..



شريت هذا الله يزيد النعمه ..


وخلص الفيلم ورحنا الدسكفري وكانت حدها وناااااااااااااااااااااااسه..
اول لعبه بويهنا كان فيها هالسوال ..




وحسافه اختي ماصورتها كلها اهو في نفس قضبه تفرينها وهذي النتيجه ..



شكلها مو واضحه :( بس اهي فلوس تطير..
حزتها كان في هنود معانا عاد احنا مندمجين فيها ماوعينا الا الشايب الهندي يمنا عاد قعدت اشرح له ع ابو فاهمه واهو وقف يسوف معاي ياحليله وعقب هم وقف ماراح خخ اثر بيجرب ينطرنا نخلص :)
وعقب رحنا لعبه اسمها غرفة اخبار البيئة ..
جنها استديو اخبار فيها مايك وكاميرا و اخبار وشاشه وخلفيه شغل عدل :)

وهذا النص والمايك..


ها اوضح صور لها ..


وفي شاشه يمج جنه وشاشه تلفزيون حق اللي بيشوقج احنا ماانتبهنا له الا لما ضحك الموظف ويقول شوفوها بالشاشه اشوه مو انا اللي كنت قاعده العب خخخخ..
وعقب رحت العب بهالكرسي تضغطين زر يرتفع فيج انا جربته بس ماعرفت له السيكورتيه ساعدتني ..



هذي اللعبه جربتها مرتين ولا عرفت لها :(


هذي بعد تونس شلون الهوا يطير الكوره تقعد فتره بالجو تصدقو جنه ينفع استشوار :)



عقب واحنا نحوس بالقاعه نادتنا موظفه تقول في عرض اسمه عرض النجوم جنه ورحنا بهالقاعه ..


شرحت لنا عن النجوم والوانها واشكالها :
الوانه :
1- بالبدايه ابيض مزرق..
2- اصفر..
3- برتقالي محومر..
وقالت لنا اذا نشوف نجوم الصبح قلت اي الشمس قالت صح وعقب قالت انه الشمس لونها افر يعني توها بمنتصف العمر ..
وروتني اشكال النجوم نجمة الشمال و مجموعة الصياد وقالت انه بحزامه 3 نجوم تحتهم بالضبط الاهرامات وانه الفراعن هم اول من اهتم بالنجوم ..
وقالت لنا عن نجمة سهيل وخواته والسباع والخ ..

واكمل لكم العاب اللي لعبنها ..

ممتعه كل سكان يحرك عجله والمطلوب تنقلين الدائرة الخضرا بينهم ليما توصلينها لي الزحلاقيه الحديد ..


هذي اللعبه عاد غير امبيه ذكرتني بالروضه بس هذي وقلفي وناسه كانت زين قدروا ينزلوني منها خخخ..


هاللعبه مدتها دقيقه جنه قاري و كثر ماتبذلين طاقه تخلصين قطعة السكر اللي محطوطه جدامج ع الشاشه لما نزلت منها اريولي وظهري عوروني لانه شديت حيلي خخخخ ..


هذول اكثر من بلاك كل ماتركبين بلاك 1 ولازم 3 يحركونه عشان تشغلون جهاز بس جنه الراديو خربان خربوه طلبة المدارس@@


في مكان تصورون صوره ع ابو ليسن لطياره احنا صورنا 3 مع بعض عقب انا واختي ,,
وفي لعب الكترونيه طيارات ..
وعقب رحنا الزوايه وكان فيه العاب وهدوم تنكر وباروكات و كتب ..
انا صورت بهذول :)




وي وين الصوره @@
وصورنا صور عبط بالبواريك اشوه احنا متحجبات ولا البواريك معفنه بس الحجاب كان حاجز بينا خخ انا مارينز اسود واختي شعر احمر شاب ورفيجتها ثلجي ..
ولما خلصنا طلعنا رحنا الاكواريم ..







لو بتدققون في حيوان داخل :\ وهذا طبعا من القسم البري..

وعقب رحنا ..


البطاريق ..


شكلها غريب ..


مثل الباباي ..
حصان البحر






السلاحف الطائرة..


اللخمه والقرش بس جيكو ع اللخمه كشخه تايغر ..




وهذا القرش من تحت انا لما كنت عند الحوض كنت اسوالف مع اختي مر يمي قرش اخترعت حسبلي برا الحوض ماشاءالله ذكائي خارق خخخ ورقتي ذباحه @@

كسرت خاطري جنه زكريا زكرتا ..

خلصنا من الاكواريم ..


ولقينا هالصوره عندا الباب الله يرحمه يارب..


وعقب الغدا الصور تحت له ..
رحنا المحل كنت ابي شي ع الفيلم ماكو الا تيشرتا ت ..
انا خذيت الوان ..
لولد اختي ..


واختي خذت سكارف تسويه << لعبه..
اما غدانا فكان في بيتزا ..






وخلاص طلعنا ..



حاولت اختصر كثر ماقدرت ..

هناك ١٦ تعليقًا:

  1. يه يه

    ماخليتي زاوية ماشالله (حطي حقوق الملكية والتصوير)

    تشوق الرحلة .. شكلي بودي اليهال معاي

    رورو .. دامج سهرانه .. ودامج قارئة ممتازة .. شوفي هاللنك .. حاستج بتحبينه

    http://lightreiki.net/vb/index.php

    علميني برايج :)

    ردحذف
  2. يا الخااااااااينه ما تمريني؟! :(

    على كثر روحاتي للمركز العلمي والأكواريوم والآي ماكس ولا مره دشيت قاعة الاستكشاف

    اذكر اول ما فتح المركز العلمي كنه بندش جان يقول لنا الي يشتغل انه ممنوع لازم يكون معاكم طفل او اي احد اقل من 14 سنه

    من بعدها ما فكرنه ندش مع اني احب هالسوالف ليلحين فيني طفوله هههههه

    والكاكاو الي طلبتيه خواتي بعد جربوه يقولون مو حلو انا ما فكرت اجربه ماحب شي فيه وايد كاكاو

    عيبهم ما يغيرون افلامهم بسرعه هذا من الصيف كل مره اقول ودي اروح بس لما ادش على سايتهم ما القى شي يديد

    كل يوم لما امشي يم المركز العلمي اطل على مكان فيه مثل طيارات ومادري شنو بعد بس شكله يونس شفتيه؟؟

    القسم البري ذكرني بزعفرانه كانت تخاف من الوشق لوووووووول

    البطاريق يونسون اختي الكبيره تموت عليهم بس مارحنه شفناهم

    يونس الهاند برينت .. انا احب محلهم في شغلات تونس وكله اشتري خواتم ههههههه

    وبالعافيه عليكم الغدى والطلعه :)


    يعطيج العافيه :*

    ردحذف
  3. ماشاء الله عليج

    والله رايحله أكثر من 7 مرات

    ما دخلت كل الاماكن الي دخلتيها خاصه مال الاختراعات هذا احسه مايسوى ادخله

    بس شكله حلو طلع

    المره يايه باخذ المدام وفلان وبقزه قز باذن الله

    وبالعافيه بيتزا

    ردحذف
  4. هلا والله

    خبري بالمركز العلمي من سنتين اذا مو اكثر يبيله روحه ..والقاعه تونس انا ولا مره دخلتها بس من بره

    وعلييكم بالعافية خوش طلعه

    ردحذف
  5. هلا الوتين ..

    التصوير تصوير اختي و وايد ور كنسلتهم :)

    حطيت اللنك واحس مو من حلاته عشان ينباقون خخخ..

    اي حلو انصحج تودين اليهال هناك في شغلات مفيده ..


    مشكوره ع اللنك حسبالي موضوع طلع منتدى عجبني قسم الفلسفة احس نادر مو موجود باي منتدى ..

    وحياج الله اخيتي ..

    ردحذف
  6. هلا جاي..

    عاد طول مانا العب بالاكتشاف افكر فيج اقول لو معانا اتوقع بتفصل مثلنا :)

    مي تو هذي اول مره اروح له لا وكنت بكنسلها بس اشوه دشيتها وناسه ..

    اها الحين اتوقع لا عادي ..

    اي وناسه احب جذي وانا من النوع ليندمجت انسى اللي حولي خخخ..

    انا احب الككاو بس الكورن فلكس طعمه مو حلو ولا الككاو الله يزيد النعمه ..

    وافلامهم شويه بالنسبة لي كل المعروض يديد بس صح لانه رحلة مكة من زمان موجوده ولي الحين..

    اتوقع بالاستكشاف لانه في مكان العاب طيارات وتصورين نفس ليسن للطياره ..
    وترا في شغلات خربانه ماقدرنا نجربها :(

    خخ الصراحه اغلب اللي فيه يخوف ..

    حاطين جدام البطاريق نفس مدرج تقعدين تجابلينهم قعدت شوي انطره يطلعون من الحوض ماطلعوا جطع ..

    اي يونس وايد اليها حلو كذكرى ..

    الله يعافيج يارب ومشكوره..

    حياج الله ..

    ردحذف
  7. هلا اخوي بو فلان..

    انا جم مره اروح له بس كل ادش الاي ماكس بس ومره الاكواريم وحتى تعبت وطلعت ماشفت شي هالمره شطبته اشوه :)

    ان شاءالله و اي انصحك تروح له وناسه حده وفي بعد عرض الدمى لليهال واتوقع في شغلات 2 لهم ..

    الله يعافيك يارب..

    مشكور..

    وحياك الله..

    ردحذف
  8. هلا والله ميد..

    اي حلوه والجو عجيب بعد لتمشي والاستكشاف تونس فيها شغلات حلوه بس اخي معاج ناس فصله خخ..

    الله يعافيج يارب كانت ناقصتنج وبتصير وااو..

    حياج الله اخيتي..

    ردحذف
  9. لو انا معاكم جان عفست المكان لوووووووول ;q

    ردحذف
  10. ولكم باك جايونه..

    خخ بس وناسه بيكون..

    ردحذف
  11. حلوووووة ودني القمر هههههههههه
    لا بس خوش رحلة شوقتيني اروح من زمان
    مو رايحله عجبوني الصور داخل الاكواريم
    تسلم ايدج

    ردحذف
  12. هلا اخوي نمول..

    اي خخ ع قولت اختي ترجمه كويتيه..

    مشكور اي حلوه تغير جو ..

    عاد الاكواريم مو ايد ممتع ملل حسيت بسرعه خلص ..

    الله يسلمك يارب مشكور..

    وحياك الله اخوي..

    ردحذف
  13. والله وناسه شي حلو ويونس

    واهم شي الاكلللللللل ادوووخ على الاكل لووووول

    يعطيج العافيه وتغطيه ولا ارووع ننتظر رحلالالاتج الاخرى كككك .

    ردحذف
  14. هلا اخوي محمد..

    اي وناسه ..

    مشكور..

    الله يعافيك يارب..

    وحياك الله اخوي..

    ردحذف
  15. وناسة صج تعرفين تحللين الطلعة

    يللا استكشفي الكويت علشان نتعلم منج فنون الطلعات

    أنا كواريم مليت منه و بعد ما شفت صور الكواريمات اللي بره طاح من عيني

    أستلافيستا حبابة ^_^

    ردحذف
  16. هلا خاتون..

    خخ ترا اول مره لانه مخططه لها عدل العاده ع البركه وبسرعه بسرعه..

    اي مسويه مخطط وكل طلعة تضبط بنزلها ان شاءالله..

    الاكواريم ماحبيته اللي حبيته الدسكفري بس الحلو بالاكواريم انه نستعبط ..

    مرسو..

    حياج الله..

    ردحذف

دوركم تشخبطون :)