معتوق في بانكوك + ريوقي +شمس الليل لنبيل فاروق

السلام..

رديت للبوستات المزدوجه من كل بستان زهره << شخباري مجلة ماجد :)

اليوم رحت لفيلم معتوق في بانكوك والحمدالله انه التذكره بدينار ونص:p

اللي ما عجبني فيه:

-طارق العلي وايد ماخذ راحته مع هالتايلانديات :\

- الفيلم يبيله بطله اصغر من عمو طارق :p

- مادري شعلاقته بتايلند 2مره يسوي شي فيه عدل !!

- ماكو قصه احس ميمعين جم فكره من افلام قديمه ودامجينها ..(النصب بالسفر- العصابه- الاشخاص متشابهين)

احلى شي في جم موقف بسيط بس يضحكون ..

دعايته :

http://www.youtube.com/watch?v=DD14sVEpdgM&feature=related

_________________________________________________________

ريوقي العاده يكون من كاريبو ..

وهذي جم لقطه لطلباتي منهم ..

سيزر و اخليهم يخلطونها وساعات يحطون فيها خبز وساعات لا..

صمونة تركي ذوقته 3 وعجبتهم :)

هوت شوكلت هاليوم كان احلى هوت شوكلت ذقته عندهم كانت الكريمه وايد ونوعيه الككاو مغيرينها :)


طبعا مو كلهم اطلبهم مره وحده..

وهم اطلب كرواسان جبن مره خذيت ساده كرهت عمري خخخ..

وايام الجامعه كنت اطلب منهم براوني لذيذه وصولص الكاكو سايح ايباااه خخخ ..

وهم عندهم كيك انجلش جنه كان حلو بس من حبيته طلبته جم مره وقطعوه @@

____________________________________________________

هالروايه قريتها من زمان قبل معرض الكتاب ..



اسمها :شمس الليل ..

مؤلفها : د. نبيل فاروق ..

القصه عباره عنمجموعه من الرسائل البريديه من البطله صفاء لصديقتها في مدينتها السابقه تروي فيها تفاصيل حياتها واهم الاحداث التي تمر بها هي حبها لجارها الشاب الكفيف .


وبس سلامتكم :)

بافلوز + امير البحار + crumbs

السلام عليكم..

وكل عام وانتوا بخير يارب..

واجازه سعيده :)

امس الله يسلمكم رحت الافنيوز خخ المهم وكنت ابي هالكافيه و فيلم امير البحار

المنيو :

بطاط مثل فكرة تويستر بس عيبه مكان الكريمه وايد ومكان شويه ..

بس لذيذ هجمنا عليه خخخ..

في كالعاده صوره مختفيه اهي كانت هالمره لسلطة السيزر و عجبتني حموضتها واختي حبت الدياي..

وهذا باستا عيبه ماصخ :\

اختي زادت ملح وعجبها ..

ملحوظه صغيره احنا اللي عندنا عادي عند الناس مالح :)

همبرغه نايس احلى من مالت فرايديز..

وحلينا بهالحلو اسمه شي جذيبافلوز صنداي براوني..

عباره عن براوني ساخنه مع برد فانيليا وفوق عليها كريمه و كاجو وكوكيز وصولص ككاو ..

واكلهم زين وسعرهم رخيص كل هذا ب11 دينار بس,,

والاهم اختي عجبها المطعم :)
***************************************

عقب رحت فيلم امير البحار للهندي كنت ناطرته من العيد وقبل يومين نزل ..

لما شفت دعايته:

http://www.youtube.com/watch?v=ViGKahqSO2w

قلت عسى مايقلد اسماعيل ياسين بالبحريه :\

بس طلع لا..

معلومات عنه من سايت السينما وغريبه ليش ما يحطون اسم المؤلف !!

عموما اهو من تاليف يوسف معاطي ..

القصة
تدور احداث الفيلم حول الطالب أمير الذي يفشل كل عام من التخرج من الكلية البحرية وعن حبه لجارته سلوي(ابنه عميد الكلية)ولكن عند تخرجه من الكليه البحرية بعد ثالثة عشر سنة يأخذ سفينة أبيه الخاصة ويخرج بها في البحر مع امه واخوته وسلوي (التي هربت من حفل خطوبتها) و ينفذ منهم الوقود وبعدها يأتي القراصنة ويخطفوا السفينة ومن عليها ويطالبون بفدية مالية كبيرة. وتدور الاحداث الكوميدية.

جنه كاتبين الفيلم كله خخخ ..

رايي فيه يضحك بس توقعته احلى اخر فيلم للهنيدي رمضان مبروك ابو العلمين حموده كان احلى لانه في رساله وركز على قضيه مهمه اهي التعليم ..

وهذا تحسون احداثه معروفه خصوصا عقب ماقريتوا قصه اللي بسايت السينما :p

**********************************************
وطبعا فترينا شوي في جم محل مسوي تنزيلات بس مانغو كان حايشه زلزال خخخخ..

وقبل لانطلع اختي كانت تبي باسكن فشفت هالكشك ..

وخذيت منه كب كيك ..

عجبتني علبته من داخل في شي يقضب الكيكه عساس تثبت ..

لانه قبل هالمره كنت ماخذه كب كيك من دين اند ديلوكا وكان القوطي كبير لمافتحته باكلها توقعت الكيكه مختربه بس اللي لقيته انه متكوكسه ومسويه وقوف ع الراس وثابته على هالوضعيه..

وهذا النوع اللي خذيته :
red velvet cupcakes

وكالعاده لما نجرب الشغله اكثرمن مره نقارن بينهم :

هذي الكيكه ماعجبتني وايد عيبها ماصخه اما الكريمه حلاها زايد و ناشفه :\

كيكه دين اند ديلوكا حلوه و الكريمه ماصخه بس فيها نقط طعمهم حالي وايد بسهذاحبيتها اكثر من اولى ..

اطالب المطاحن يسون لنا هالنوع :)

وخذيت هذابعد اللي لونها وردي ::

وهذا سايتهم :

http://www.crumbs.com.kw/site/

فيلم ولاد العم + مطعم رايس+ طلقه في الصدر الشمال = جولتي امس

السلام ..

امس رحت فيلم ولاد العم وكنت من زمان ابيه :\

بطولة

كريم عبدالعزيز , منى زكي


النوع

حركي, درامي

مدة الفيلم

125 min



القصة
دور احداث الفيلم حول المخابرات والجاسوسية من خلال أحد ضباط المخابرات المصريين الذين يحاولون استعادة فتاة مصرية، اختطفها جاسوس إسرائيلى بعد أن تزوجته دون أن تعلم هويته.

http://webserver2.kncc.com/arabic_synopsis.php?mv=2834

رايي :

اول شي من العنوان توقعت انهم عيال عم بس واحد مع اسرائيل وال2 مع مصر طلع لا@@

والفيلم عباره عن استخبارات وجواسيس يعني طقني واطقك واحد يكفخ 10 و يطولون يالله يموتون :\

وتوقعته احلى لاني احب تمثيل كريم عبد العزيز ..

وطلعت راسي يعورني :(

دعايته :

http://www.youtube.com/watch?v=I7QOznhUXXE

****************************************************

وبالطريج كنت اقرا هالكتاب ..

وهو عباره عن مجموعة قصصيه كان محورها الاساسي بندقيه ب9 طلقات عاصرت فترة التهدايدات العراقيه (عبد الكريم قاسم)وانتقلت لتستخدم في الغزو العراقي الغاشم (حسبي الله عليهم) .

كل طلقة تمثل بطولة تمت بها سواء من شاب او فتاة او حتى طفل ممن تعرضوا وعاصروا ابشع الجرائم و رفضوا الهروب .

رايي :

حبيتها فكرتها حلوه تمثل فتره صعبه مرت فيها الكويت مستحيل ننساها .

والله يحفظ الكويت يارب..

************************************************

وعقب ماخلص الفيلم رحت صليت عقب تغدينا بمطعم رايس واهو من اختيار اختي لاني انا اللي اخترت الفيلم فالمطعم دورها تختار:)

المقابلات خبز يابس وزبدة ..

هاللقطة الوحيده للديكور ..

كلشي عليه حبات عيش..

والطلب بصينيه انا كان برياني لحم ومعاه دقوس وسلطة الروب واجار ..

واكثر شي حبيته السلطه ..

واخترت مع طبقي لبن اهو يخيرونكم بينه وبين االمشروبات الغازيه ..



طلب اختي مربين والباجي مثلي بس غير فيه غندور صغير اتوقع صبار واهي سلطتها سلطة الملفوف جنه ..



وعقب يابولنا الحلو المهلبيه ماحبها ولا اختي اهي مو ع كيفنا نختاره ع كيف الشيف خخخ..

وكريم كراميل انا احبه بس طعمه كان عادي..

والحلو طولوا فيه عكس العيش بسرعه وصل..

عقب يابولنا قوري جاي انا مو وايد احبه واهو فيه مروره شوي..

رايي بالمطعم زين مو وااو بس فكرتهم حلو بس حلاته احنا نختار الحلو :)

مطعم ليل نهار + فيلم طير انت + عصر الحب لنجيب محفوظ = طلعة الويك اند

السلام ..

شلونكم..

لي ياني وياكم خير لفاني ولفاكم وشر تعداني وتعداكم << متى تنقال هالعباره :)

المهم يوم السبت طلعنا طلعه اخواتيه بحته من زمان ماصارت ..

اول شي حسنا ندور مطعم وي نسيت احط كيكه اللي جربته يالبوست الياي ان شاءالله ..

رحنا صوب النافوره برا سراي كان مسكر مانبي ستار بوكس رحنا الصوب الثاني كافيه بلان زحمه و الباجي مانعرفهم عاد صعدنا فوق واستقرينا ع ليل نهار اول تجربه له ..

غيرنا مكان فيه 3 مرات مره نبي طاوله اكبر ومره لانه اختي تبي داخل ..


اهو لبناني بس في وايد اكلات لبنانيه مو موجوده مثل التبوله ..

انا طلبت سيزر .. طعهما زين مو وااو..



معجنات لاختي الكبيره استغفرالله عينتهم مو شي وجيكو ع البتزا تذكرت تعليق اختي الوسطيه عليها :)

فتوش ماقدرت اكله لانه في خضرا وفجل وبصل وهالسوالف ماكلها واخبز بعد شكله غريب ..

صاج لبنه وزعتر لاختي الصغيره جنه او الوسطيه اهو 4 قطع كل وحده فينا كلت قطعه هم ماحبيته حسيت في نعناع وانا ماحبه ..

وهم طلبنا صمونه ستيك بيروت اسمه شي جذي لاختي يالصغيره او الوسطيه اهي وحده طلبت صاج والثانيه صمونه واهم الصمونه 4 قطع كلنا ذقناها اختي الكبيره حبتها انا عادي بس احس مو ستيك ريحت الستيك المقصد انه الستيك جنه حالفين عليه ..

ببروني مالتي طبعا كلنا كليناه والباجي تيك اوي ماحبيت طعم الطماط واضح حيل استغفرالله هم ماحب طعم معجون الطمام خخ انا شاحب!!

واختي الكبيره هم حبتها..

وي نسيت احط صورة عصير اختي :\

________________________________________________________

عقب قعدنا نتمشى لي 2 وشي بس كنا كل 2 مع بعض الصغيره والكبيره دشوا اتش اند ام وانا والوسطيه رحنا بيمنكي بول اند بير كليرز ناين وست ومانغو و استرادي وقالوا القروب ال2 انهم بيردون البيت جان احنا نروح نحجز السينما ماوعينا الا اهما بويهنا قلنا لهم انه حجزنا لما دروا انه طير انت جنه يبون بس يبيله دزه عشان يقتنعون مع حنتنا اقتنعوا راحوا اهما يصلون وانا مع الصغيره هالمره رحنا حجزنا لهم ..

والفيلم كان طير انت طبعا ماشفت لادعايته ولا قريت عنه شي بس شفت بوستره ..

وقبل لايبدي الفيلم بدقيقه يو اشوه ..

طبعا خذينا ناتشوز ونفيش وبيبسي لهم وماي لي وانا اطلب اللي وراي كانت لابسه كمام انا لا ارادين غطيت خشمي وعقب الكبيره اللي معاه تقولي اختي ترا احنا طلبنا ناتشوز اخر مره ولقينا فيه دوده طلبي نفيش او اي شي 2 بس ناتشوز لا ..

جان اقولها وي عاد طلبنا وابتسمت وقلت لها مشكوره جان ترد لي ورا وتلف ويها وتقول كيفج بس الدين نصيحه قلت لها بالعكس ماتقصرين استغربت من ردة فعلها اخاف بجت عقب خخ ..
المهم نرد للفيلم ..

بطولة

أحمد مكي , دنيا سمير غانم

المخرج

أحمد جندي

النوع

كوميدي

مدة الفيلم

122 min

>> مو كاتبين التاليف لعمر طاهر ..

القصة
شاب منطوي يحب فتاة ويظهر له جني يحوله لعدة شخصيات لتتناسب مع ذوق الفتاة، وكل مرة من المرات يحدث موقف طريف يؤدي الى الفشل في الوصول لقلب الفتاة.

http://webserver2.kncc.com/arabic_synopsis.php?mv=2818

الحلو انه كل مره شخصيه غير.. واهما 7 شخصيات للبنت والولد ..

الولد اسمه بهيج والبنت ليلى ..

1- اهو كول وعضلات ورياضي واهي كول بس محافظه يعني لبس وفريبس ماترافج وبس تصافح خخ بس ضحكني قاعده معاه ع البحر وتقوله انا مارافج صبيان عيل اهو شنو@@

2- اهو صعيدي و قوي و ظالم واهي صعيديه كول عندها نت و تحب مهند..

3- اهو حساس ورقيق وغبي خخ واهي لبنانيه وتحب الريال الدفش ..

4-اهو غني وفسقان واهي مندوبة تجميل << بس مضبطه الستايل ..

5- روش << توهقت وسالت اختي قالت لي يمكن جذي خخ اهو اللي يطلع بستايل السبعينات واهي بعد مثله..

6- ومره صار مدرب منتخب واهي مشجعه ..

7- فيلم هندي ..

حلو انه في رساله بالفيلم انه كل شخ يرضى بنفسه يدور مميزات اللي تبرزه ..

وانه الريال ماينحب عشان شكله ولا افلوسه انه مو مهم غني بس المهم يكون زين معاه ومايقصر عليه وانه ريال بدون مره ولا شي ..

وبس..

دعايته :

http://www.youtube.com/watch?v=vfkK1EZQO0Q

_________________________________________________________

هالكتاب قعدت يمكن اسبوع فيه ..

اهو للاديب الكبير نجيب محفوظ ..

وطلع مسوينه فيلم ..

http://www.aa4l.com/vb/showthread.php?t=124047

الشخصيات :

1- الست عين : ارمله في الخمسين رزقت بطفل ع كبر يدعى عزت واهي امراه كريمه معطاءه..

2- عزت عبدالباقي : ابن الست عين الذي تتمركز حوله الروايه وتدور الاحداث من طفولته الى ان يصل تقريبا الى الخمسينات من عمره..

3- حمدون عجرمه : صديق عزت منذو الكتاب وحت ال 18 ثم يختفي ليعود بمنتصف العشرينات تقريبا ثم يختفي مجبر هذه المره ليعود بعد ربع قرن ليتلقى ..

4- سيدة : زوجة عزت ورزق منها بطفل واحد يدعى سمير..

5- بدريه المناوشي : زوجة حمدون وحبيبة عزت .

الكتاب جيد بس كنت افضل اشاهده كفيلم لانه عندي قراتي له احسست انني اقرا سيتاريو لفيلم :\

اي خل اقولكم شكو اهو بالموضوع انا كنت اقرا بالسياره و بالمطعم عاد اختي تتحلط وتتطنز علي تقولي خلي كتابج يعني يابانيه بتسثنر وقتها اهي اهي..

يوسف معاطي (كتاب + فيلم+ برنامج)

السلام عليكم ..

واخيرا خلصت شي :)

اليوم ساعرفكم على كاتب جديد بالنسبه لي اخبرتني عنه صديقتي ..

*يوسف معاطي.. *

هو مصري الجنسيه وكاتب مسرح وتلفزيون (مسلسلات) وافلام (سينما) ومقالات (جريدة الاهرام - كتب) وهو مذيع في الاذاعه..

لعل ابرز اعماله تندرج تحت بند الادب الساخر..

للتعرف عليه اكثر :

(يسوا تقرونها صج بيعطيكم امل انه لا حياة مع الياس وان ماضاقت الا حتى تفرج والله كريم.)

http://yousfmaaty.blogspot.com/2007/08/blog-post_04.html

وعلى بعض اعماله :

http://ar.wikipedia.org/wiki/%D9%8A%D9%88%D8%B3%D9%81_%D9%85%D8%B9%D8%A7%D8%B7%D9%8A

اليوم انتهيت من قرات اول كتاب له استعرته من صديقتي (اشترته من مصر و ايضا وجدت بعض مؤلفاته في مكتبة العجيري)..

والكتاب بعنوان :


(انا لا اكتب ولكني اتامل)

الكتاب عبارة عن تجميع لمقالات سبق وان نشرها بصحيفة الاهرام , منوعه لكن ان لم تكن جميعها فمعظمها ساخر(من الواقع والمجتمع) و كذلك الامر بالنسبة لغة المكتوبه فيها الا وهي اللهجة المصريه .

مع هذا هناك الكثير من العبارات التي اعجبتني :

1- اذا تضاربت المصالح انتهت الصداقة ..

2-دعونا نكره بصمت (الكراهية وحدها قوة هائلة لايستهان بها , وابشعها واكثرها تلك الكراهية الصامتة المختزنة ).

يقصد بها ذلك الشخص الذي يبتسم في وجهك لكنه في قرارة نفسه يضمر لك الكراهية والشر @@

3- الثقافة اسهل من التفاهة.>> بما معناه اختصار لما ورد في الكتاب.

4- الكاتب يبدو في الحياة مثل المحتل الذي استعمر العقول .

5- هناك اخطاء كثيره في حياتنا ,يمكن اصلاحها , واحيانا اخرى يفوت عليها الاوان , ولكن احيانا تسهم الحياة في اصلاح اخطائها بنفسها , بدون اي تدخل من جانبنا .

وكذلك هناك العيد من المقالات التي اعجبتني على سبيل المثال :

1- الكلامو عليكم

يتحدث فيها عن واقع الصحافه واخبارها لا تشرب الماء ملوث والخضار فاسد و الهواء متلوث وهناك اصابات بامراض خطيره بتك المنطقه و جرائم من مختلف الانواع وغريبه .

2- غلطة ومش ندمان عليها !!

وفيها يتناول قصص عن الاخطاء المطبعيه وغيرها مما كان لها دور فعال احيانا ..

3- الفين , على فين ؟!

من خلالها يطرح اراء وتوقعات العديد من الكبار في الادب في سنة 2000..

بعض المقالات الواردة بهذا الكتاب:

وطي صوتك انت فى مارينا

http://yousfmaaty.blogspot.com/2007/08/blog-post_05.html

واه يا كوفى من آخر المشوار

http://yousfmaaty.blogspot.com/2007/07/blog-post_20.html

اما الفيلم فقد شاهدته منذ فتره امم تقريبا 4 اشهر في شهر يونيو الماضي اعتقد ..

هو فيلم ..

..حسن ومرقص ..

يطرح فيها احد القضايا الهامه في كافة المجتمعات الا وهي الدين ومن خلالها يتناول ابرز مشاكل التي تحدث به من طائفية وارهاب .

ويبين كيف يمكن ان يتعايش من هم مختلفين في الدين مع الناس ويوضح اثرهم على بعض وان التعايش امر هين يمكن ان نتقبل فيه جميع الاطراف بدون اشاعات مقرضه او طائفيه او عنصريه او نبذ الاخر لاي سبب كان ..

بالاضافه لذلك اجمل مافي الفيلم خلوه من اي لقطات غير اخلاقيه :)

عن الفيلم ..

http://ar.wikipedia.org/wiki/%D8%AD%D8%B3%D9%86_%D9%88%D9%85%D8%B1%D9%82%D8%B5_(%D9%81%D9%8A%D9%84%D9%85)

دعايته :

http://www.youtube.com/watch?v=HSzwUv6HOHo

كذلك اسمتعت الى بعض المقاطع من برنامجه الاذاعي..

.. معاطي شوو ..

تقريبا 3 لا اذكر الا عنوان واحده منها هي الكنباوي اما الباقيه فاذكر انه واحده كانت عن السلام و الاخرى عن الحديث مع النفس.

http://yousfmaaty.blogspot.com/2007/06/blog-post_4335.html

للامانه ماجربت اشغل هالمقاطع واللي سمعته مع رفيجتي بالام بي 3..

*مصدر الصور good reads- موسوعة wikipedia...

افلام فيشه ..

السلام ..

قبل قرن وعدت فيشه بنزل بوست عن فيلم ..

وكل ماله يصير شي واليوم كنت بنزل بوست عن فيلم شفته توني بالسينما بس قلت انزل هالبوست مدام وعدت البنت ومجهزته وهو عباره عن مجموعة افلام شفتها باجازتي مو عطلة العيد اللي فيها منه لا اجازة من رصيدي اهي اهي.. ..

والوتين مازال البحث جاري عن بدل فاقد..

نبلش بالاجنبي بما نج تحبينه ..

هالفيلم اتوقع شفتيه فيشه ..

اهو مادري شلون قايل ..

القصه باختصار ..

امراءه تتعرف على رجل في امتحان القياده وذلك بعد ان طلب منها ان تغششه , و اكتشفها المراقب وهي تحدثه اثناء تاديتها لامتحان مما ادى الى طردها .
لتبدا بملاحقة الرجل ثم تطلب منه ان يقضي شهر نوفمبر في منزلها ويتم هذا الامر ومالبث ان اوقعته بحبها (مو هينه) ليطلب منها الزواج لكن لن يتم هذا الامر (يمكن من سبتنا خخ)..

باختصار فتاة تحب فتى غريب الاطوار تكتشف فيما بعد انه مصاص دماء لتتوالى عليها المتاعب .
فكرته حلوه بس عيبها المشاهد بسرعه بسرعه جنه نركض والبطل عجبتني شخصيته ..

ويقولون الكتاب احلى من الفيلم بس عن نفسي ما احب اقرا شغلات مترجمه..



طافني وماقدرت اشوفه بالسينما وكنت ناطرته ينزل بسايت واشوه نزل ، المهم اشوه مارحت له بالسينما مايسوى العنوه .
قصته باختصار رفيجات حيل نخطبوا بنفس الفتره تقريبا واهما مقررين من لما كانوا يهال انه يسون عرسهم بقاعة عرس معينه راحوا حجزوا ولقوا يومين استانسوا بس بسبت غلط طلع عرسهم بنفس اليوم عاد بلشوا يتهاوشون وخلوا بعض وكل وحده تخرب على ال 2 كل مره يحاولون يردون لبعض يصير شي ولي يوم العرس اللي فيه بيتراضون .

17 اقين تكلمت عنه من قبل ..
وقلت اني حابه هالفكره خصوصا بعد ماعجبتني فكرة 13 قوينق 30 ..

وناسه لو تردون التعش 17 سنه هالحدود شتسون ؟؟

انا عن نفسي بكون باخر كورس بالثانوي وبحاول اسمتع مع رفيجاتي بالثانوي و هم اقوي نفسي بالانجليزي .

المهم الفيلم فكرته انه واحد بنفصل من زوجته و رد صغير لي 17 سنه و صار بعمر عياله وعرف انه مهما رد فيها الزمن غير قدره ما يبي .

فيشه حاسه بتقولين شايفه كل هالافلام خخ اذا شايفتهم قولي رايج :)

ومن الافلام العربيه اللي شفتها ..

وهم شفت 5 دقايق من مناحي وكرهت عمري..

وما كملته ..

وشفت نص دكان شحاته بس لما دش ابوي طفينها خفت تخور هيفا و ابوي يلسبنا خخ احنا الحمدالله نستحرم مانشوف لقطات مش ولا بد نفرها بس عاد ابوي شبيقنعه وفشله تخوره جدامه و احلى شي بالفيلم مبين ان هيفا مشدقه خخ..

وبس شورايكم ؟؟

1000 مبروك

السلام عليكم..

مثل ماقلت لكم ببلوقي ال2 انه بنزل لكم عن جولتي ..

رحت السينما لفيلم 1000 مبروك وقبل لا ا روح شاي الضحى نزلت عنه وناسه بوستها حلو ماشاءالله ..

المهم هذا البوستر مال سينما الكويت ..

اول شي ماتوقعت القى مكان بس اشوه لقينا بس لما دشينا ولا قريب من الشاشه ولا الباب يمنا :(

هذا بوسترات اللي حصلتها بالنت وشكلها يوضح فكرة الفيلم ..

بطولة :أحمد حلمي , ,رحمة ,محمد فراج ..

النوع: كوميدي ..

مدة الفيلم :تقريبا ساعتين..


تصنيف:G


القصة ..

يناقش الفيلم حياة شاب يحلم بأن يعيش 100 عام .. ولكنه يعيش يوم واحد يعاد تكراره مراراً ومراراً حتى يحفظ كل تفاصيل يومه .. يكتشف أثناء الإعاده أشياء سلبيه و أشياء إيجابية .

*هالحجي منقول من سايت السينما ..


دعاية الفيلم :

http://www.youtube.com/watch?v=iHlY7irdiSo&feature=related


راي بالفيلم..

اول شي ماحسيته كوميدي اوكي في قطات تضحك بس ككل لا ..

القصه باختصار واحد اسمه احمد اللي اهو احمد حلمي قبل لا ينام كلم عروسته وقالت له تمنى باخر دقيقه بالعزوبيه امنيه تمنى يعيش 100 سنه ع ابو انه باجر عرسه , الفيلم كله احلام واحداث مكرره من خلال هالشي تعرف على اهل ورفيجه بشكل اكبر ودرى شكثر اهو مقصر معاهم من جذي حاول يتغير للاحسن, وبكل حلم لازم يموت بالساعه 12 .

واي دخت من تيب مادري يباب امه وهونت مابي اتعلم شلون ايبب خخ << اللي قارري البوست مال ذكرياتي بيفهم قصدي..

ودخت من الاحداث المكرره :(

يعني حلاته فيلم كوميدي من قلب مو ناقصنا نكد..

واسم الفيلم 1000 مبروك مفروض 1000 موته او المرحوم او ع الاقل سندريلا :)

وتوقعت الفيلم بيروينا احمد من اهو شباب ليما يصير شايب عمره 100 سنه !!

بس في ميزه اهي اخر جمله قالها بالفيلم ..

تعديل :تذكرت فيشه هالفيلم تقزوره وبحط لج بعد جم بوست شي يسوى ان شاءالله ..