مطعم سراي + بلوق + فيلم the ugly truth

السلام ..

قبل فتره رحت مع خواتي مطعم..

العاده كل مانروح له يانهون يا يكون بعد مابطل ..

وهذي المقابلات ..

زيتون وزعتر ولبنه وخبز ..

فتوش بس ماستمتعت فيه انا احبه يكون خيار وطماط وخس و خبز بس ماحب غيرهقلت للريال قال مايصير لانه اوردي مسوينه ..

تبولة لاختي تقول زينه مو وااو ..

هم ملفوف لاختي بس ماعجبها وانا ماحبه فماذقته ..

حمص باللحم او العكس عجبنا ..

روب عابو ماكو كبه باللبن قصوا علي فيه..

كبه زينه مو وااو اهي لي بس وزعته ع خواتي وبقت قطعه ..

مشويات مشكله ياحلات القيصر جبل هذول جعوص خخخ رجيم اجباري طبعا ماخلصناعقب وليمة المقابلات..

اللحم طعمه حلو اما الدياي نو ..

عجبتني خدمته وديكوره لايق مع لبس القرسونات ونوع الاكل:)

واللي حاب يعرف السعر18..

مع ماي كبير و2 بيبسي..

***********************************************

شخبوطة تساؤل ..

شنو عيوب ومميزات البلوق؟؟

بالنسبه لي :

المميزات..

1- امكانية التعديل عالموضوع باي وقت وبكل سهولة .

2-سهولة انشاء المدونه .

3- وجود البلوق رول اللي يساعدنا ع التعرف ع اخرما طرحه الزملاء..

4- سهولة تغير التصميم واضافة صور وغيره .

وبمستوى اجتماعي نتعرف ع ناس يدد نتناقش بمختلف المواضيع ونتفاعل معاهم ..

عيوبه:

1- وايد يتنح يعني ساعات ادش الردود صفر افتح الموضوع القى جم رد @@

2-ردي ماقدر اعدله سواءببلوقي او ببلوق غير.

3- مااقدر اضيف صور للرد ..

4- عادي انزل رد عقب مالقاه !!

هذا اللي بالي الحين ..

وت ابوت يو :)؟

***************************************

قبل فتره شفت هالفيلم ..

والبوستر يعطيكم فكرة مختصره عنه ..

باختصار المرا تدور حب والريال يدورالخرابيط قطع..

وراي فيه :ماحبيته ماكو قصه وفيه قلت ادب بالفكره ..


وبس سلامتكم ..

افلام + الفورنو

السلام ..

اول بوست بهالسنه :)

عندي وايد مواضيع وودي اقرا بس متنحه الا ابي الكتاب اللي ضاع خخخ..

اليوم بسولف معاكم عن جم فيلم شفتهم قبل فتره وعن مطعم احبه ..

اول فيلم :

معناه بالعربي اعترافات مدمنة تسوق ..

البطله تموت ع الشوبينغ ع غيرسنع يعني نظام اللي تتشرا وماتحط بخاطرها بس عاد حزة الحساب تقزرها بالماستر و الفيزا (مامر عليها هالمثل مد ريولك ع قد الحافك :p)..

وتحب الصحافة وراحت قدمت بمجلة للفاشن بس قبلتها مجله 2 بس انشهرت من خلالها وكانت تكتب باسم ذات الوشاح الاخضر او صاحبة الوشاح الاخضر << حبيت هالجزء ..

ونتيجة هالنجاح طلبتها مجلة الفاشن اللي كانت تتمنى تشتغل عندها و قالوا لها كتبي بمجال الموضه الرخيصه << كسعر طبعا

اما البطل فهو اعتقد رئيس التحرير بالمجله (مو الموضه ال2) ولد من عايلة مشهوره وغنيه بس مايحب يعتمد ع اسم عايلته او فلوسها حب يبني نفسه بنفسه باختصار شخص عصامي << هم حبيته خخ..

راي بالفيلم :

حلو حسيت قريب مني باكثر من شغله باستثناء الفيزا خخخ..

وايد حبيت نجاحها بمستوى الصحافة والحب والبطل << شبقى خخخ..

وحبيت رقصة امها وابوها خخخ..

http://www.youtube.com/watch?v=tiGSp9Iio0o

****************************************

الفيلم ال2..

كنت بدشه بالسينما ولقيت وقت حلو وبيوم الاثنين بس كان ع اختي امتحان << لحظه هالسالفه قلتها من قبل :\ طبعا ماذكر خخخ..

المهم بنفس اليوم دشيت موقع الديفيدي ولا القاه منزليته قلت اوفر خخخ ..

الفيلم باختصار بنت مريضه من لما كانت صغيره وتحتاج متبرع بس للاسف اهلها ماينفعون لانه مو مطابقين لها لا امها و لا ابوها و لا اخوها فتقرر امها تحمل وتيب بنيه عساس تساعد اختها المريضه ..

وكل ماتكبر المريضه تدهور حالتها اكثر و اختها تروح ترفع قضيه ع اهلهم لانها ماتبي تتبرع لها وملت من العمليات وتعبت ..

اللي عجبني شخصية المريضه وايد حلوه وطيبه ..

الام مادري ماحبيت انه تيب ياهل لمجرد يكون حقل تجارب :\

البنيه الصغيره ام ماحبيت انها ترفع قضيه ع اهلها بس لما عرفت الوضع والسبب عذرتها ..

عيب الفيلم كان استرجاع للذكريات ساعات احس الاحداث مخربطه ..

وحبيت البوم اللي سوته البنت :)

http://www.youtube.com/watch?v=17sIyLOm0Xc

@@هو وين بوستر الفيلم ال3 خخ خيره اكتب عنه عقب ان شاءالله ..

******************************************

الفورنو ..

فوتشيني اعتقد مع انه بدون لحم او دياي بس لذيذ بس اذيه بالاكل ..<< طلب اختي الوسطيه..

كان ودي يكون بصولص الابيض لانه مره خيرونا واخترناالابيض وكان لذيذ بس هالمره قال مايصير لانه جاهز وصج حسيتها مو فريش ولذيذه مثل قبل..



غرامي الببروني واول مره اجربها عندهم شنو لذيذه وخفيفيه حبيتها ..


وناويه اجرب ريوقهم شوقتني عليه جايونه..

وبس سلامتكم ..

the princess and the frog+ فوندو

السلام ..

امس اول مره اطلع مع مدمد و اول مره اشوفه بره ربوع الجامعه وعقب سنتين ونص تقريبا :) وان شاءالله مو اخر مره ..

اول شي دشينا السينما لهالفيلم :

the princess and the frog

دعايته :

http://www.youtube.com/watch?v=h6DmEgtibOg

القصة
تدور الاحداث في مدينة نيو اورلينز لحكاية كلاسيكية ملتوية، وهي عن الفتاة الجميلة اسمه تيانا والأمير الضفدع الذي حاول بشتى الطرق من أجل أن يكون إنسان مرة أخرى، قبلة واحدة تقودهم لمغامرة من خلال الرحلات المائية الموسيقية في ولاية لويزيانا.

ملاحظاتي :

1- الفيلم زين بس الازعاج كان وايد فتشتتنا يعني مره مخربطين بكراسي اللي يمنا وعقب ياهل كان يدابج ع الدري يمنا عقب ماوعينا الا طراخ طراخ طراخ مو رمي لاتخافون ولا احد يتسطر خخخ بس الياهل بو سنتين تقريبا غيرنشاطه وقام يركض جدام الشاشه @@

المهم ولما اندمجت ماوعيت الا ايدي غرقت خخ مو بالنهر اللي بالباباي بصولص الفلفل مال الناتشوز اهي اهي خبري فيه كان بحضن اختي ..

2- الفيلم احس مو ليهال وترا مقطع خخخ انا استغربت انه مقطعينه مو لانه عادي عندي هالسوالف قطع اول لا لانه فيلم اولاد عم حطوا العن من هاللقطة @@ بس زين سوو مدام الفيلم كله يهال..

وعقب تمشينا ورحنا ناكل فوندو و الميلك شيك لمدمد ..

وع الطاري اختي تقول انه بلولو هايبر حطوا باسكن وفيه هالفوندو :)

جولة ع الطاير ..

السلام ..

امس طلعت من الدوام ورحت الافنيوز بس امبيه الطريج زحمه حده :\ المهم وصلت هناك لقيت اختي طبعا انا وياه متفقين مو صدفه رحنا بنحجز بالسينما بس انصدمت الفيلم اللي ابيه 6 متاخر :(

المهم حجزنا فيلم 2 مو بالي ادشه كلش ولا اعرفه اساسا ..

وعقب رحنا كلينا بفرايديز هالمطعم احبه حبا جما و باخر كورس بالجامعه يمكن كل ثلاثاء انا اتغدا فيه ..

وطلبنا كان كله مقابلات هذيل اكثر شي نحبه بفرايدز جربت اغلب الاطباق بس ماحبيتهم مثل هذول ,,

تويستر ..

شوربة بطاط ..


سيزر ..

__________________________________________________________

مامدانا ناكل الا صار وقت الفيلم ..

الا اهو اولد دوغز حجزته و بوزي لي ركبي الا بدش السينما وانسب وقت لنا كان هذا ..

طبعا ركضه رحت اصلي وحتى ماخذينا نفيش لانه كان في قبلنا جم واحد ومع هذا دشينا والفيلم بادي :\

من موقع السينما :

http://webserver2.kncc.com/arabic_synopsis.php?mv=2831

بطولة

John Travolta, Robin Williams

المخرج

Walt Becker

النوع

كوميدي, عائلي

مدة الفيلم

87 min

تصنيف

PG

القصة
صديقين حميمين روبن ويليامز وجون ترافولتا تقلب حياتهما رأسا على عقب عندما تسند لهما مهمة رعاية توائم يبلغا السادسة من العمر وفي نفس الوقت فانهما على وشك توقيع اكبر صفقة تجارية في حياتهما.

هالتوام اهما عيال روبن اللي اسمه بالفيلم دان ..

راي الفيلم احلى من المتوقع دشيته ماده بوزي طلعت شاقه الحلج :)

اي دعايته ..

http://www.youtube.com/watch?v=RhY8AP806tU

***************************************************

وعقب مرينا خذينا برد من قولد ..

انا ماحب الخبيصه اهي اهي ع ابو ابي كورتين وحده الورديه جنه علج وال2 الزرق شعر بنات وبزيد خدود بنات مادري عيوز ماكنت ادري انه بيخلطهم جذي بس ماخليته يكمل الخلط :)

وهذا مال اختي اذكر ككاو ونوع ال2 نسيت اسمه و زادت براوني ,,

بس خدمتهم حلوه واسعارهم احلى ..

__________________________________________________

ولازم خو قصه مع اني هالفتره متنحه مااقرا وايد..

بس مو لانه امس زحمه فمليت وقريت هالروايه اسمها سلمى وتاليف غازي القصيبي ..

النبذه الخلفية :

يرفع الرئيس جمال عبد الناصر رأسه من الاوراق التي تكتظ بها طاولته الصغيرة، في بيته في منشية البكري. يشرق وجهه عندما يرى سلمى واقفة أمامه. يقول ضاحكا: - سلمى‍‍ كيف دخلت؟ لم يشعرني أحد. لم أحس بك. تضحك، بدورها ، وتقول: - سيادة الرئيس! هل نسيت أنني مديرة المخابرات العامة؟!

راي :

امم القصه ذكرتني بسلوى المطيري لانه البطله اغلب الوقت نايمه وتحلم بابطال عقب ماتسمع عنهم شي بالراديو ع سبيل المثال صلاح الدين واحمد شوقي وعبدالوهاب و جمال عبدالناصر وحتى شارون :\

وبس سلامتكم :)

خنفروش لـ احمد الحيدر + فيلمcase 39 + مطعم ليلى من لبنان

السلام ..

شلونكم عوده مجدده مع بوست مزدوج مشكل كوكتيل ..

صاير عندي فائض بوستات ومابي احط كل واحد بروحه يطلع البوست سطر وربع اخليهم مع بعض اسهل جنها مجله شخبوطيه :)

البدايه اليوم مع كتاب خنفروش لـ احمد الحيدر..

مؤخرا بدأت بقرات كتب المقالات لكن هذه المره الاولى التي اقرا فيها هذا النوع لكاتب كويتي شاب .

وكما اسلفت الذكر الكتاب عباره عن تجميع لمقالات نشرها الكاتب في الصحف (القبس , افاق) , او في مدونته الكترونيه ..

وهي منوعه ذات طابع شيابي ممتع فقد تحدث عن قضايا يوميه محليه كلازدحام - الطيران - بعض اعماله سواء الحاليه ككتبه والمعارض او اعماله السابق الجامعيه كما تطرق الى الفن والفنانين و النساء !! .. والخ ..

عيبه انه كتاب صغير ومحتواه قليل :)

الجدير بالنشر رابط مدونته :

http://bokawthar.blogspot.com/

ملاحظة : اخر موضوع نشره في مدونته هو عن كتابه..

تحديث : في ال27 من نوفمبر2009 بعد قراتي لتعليق مؤلف الكتاب وجب التنويه :

ملاحظة صغيرة فقط إن الكتاب ليس تجميع لمقالات نشرت سابقا فقط .. بل فيه ما نشر وفيه ما لم ينشر وهو الأكثر .. حيث نشر خصيصا في الكتاب :) *

* احمد الحيدر..

#############################################

من جانب اخر :

بحول كويتي رحت اليوم الافنيوز ومرتين بنفس الاسبوع لنفس لمكان يعني مافي شي يسوى الهدوم وحفظتها والمحلات وصميتها ولو امتحان جان كرهته خخخ..

المهم قلت ندش السينما نضيع وقت ليما يفتح معرض الكتاب ..

ماكان بالي فيلم معين ولا اعرف شنو منزلين افلام بس قلت بشوف my sister keeper اذا لي الحين ينعرض او لا طلع يس ينعرض بس الساعه 11 بالليل وايد متاخر شفت الاوقات في باباي عقب ثلث ساعه وفي فيلم 2 بعد مانتبهت لاسمه قلت لاختي واخترنا ال2 اللي مانعرف حتى اسمه ..

رحنا نحجز فسالت امال التذاكر اذا الفيلم رعب او لا جان يطلع رعب استانست :) وحجزته ودشينا وبلش الفيلم ..

لا لا قبل لا يبيلش انا واختي قاعدين جان تسالني الفيلم عن شنو قلت مادري بطولة منو مادري شسمه هم مادري خخ طلعت التذكره قلت له اسمه case 39..

وبلش الفيلم ..

معلومات عنه من سايت السينما :

بطولة

Renee Zellweger, Jodelle Ferland

المخرج

Christian Alvart

النوع

رعب, اثارة

مدة الفيلم

109 min

تصنيف

18


القصة
العاملة الاجتماعية إميلي جنكينز تعتقد بأنها شهدت الكثير في حياتها العملية حتى تتسلم حالة جديدة والأكثر غموضا، وهي قتاة مضطربة في العاشر من عمرها تدعي ليليث سوليفان. ياكد أسوأ مخاوف إميلي حين تتاكد من ان والدي ليليث حاول قتل ابنتها، وهي ابنتهما الوحيدة. ماذا سيحدث للفتاة وإميلي؟<< الترجمه عجيبه شكله بقوقل مسوينها خخخ..

الرابط :

http://webserver2.kncc.com/arabic_synopsis.php?mv=2819

تعليقي:

اميلي احدى العاملات الاجتماعيات في رعاية الطفل في الولايه تتلقى القضيه ال39 لفتاة تدعى ليلي تعاني من الاهمال الاسري وسوء التغذيه والنوم في الفصل وتحول سيء في علاماتها الدراسيه , تلتقي بها اميلي وتتعلق بها حتى يصل الامر الى اعتنائها بها في منزلها الخاص وخلال هذه الفتره تتولى المتاعب عليها ..

http://www.youtube.com/watch?v=9wtgVerQuso

شي 2 بالدعايه في لقطات ماشفتها بالفيلم لا انا ولا اختي فاتوقع قاطعينها مع انها عاديه جدا ..

الفيلم عجبني وفي جرعة رعب لدرجة انه غطيت ويهي وصرخت يمااااااا اشوه << بسم الله علي رقيقه خخ واختي غمضت عينها...

هذي عائلة البنت ..

****************************************************

المطعم هذا رحت له الاسبوع اللي فات وهو بالافنيوز واسمه ليلى من لبنان ..

عجبني ديكوره هادي وحسيت اني بلبنان :)

مشغلين اغاني لبنانيه ايشي دبكه اشي اغاني هاديه زين مني مسكت نفسي ومادبكت خخخ ..

المنيو احب هالستايل ودي لو كنت عايشه بهاالحزه ..

ع ما نختار الطلب شوفوا هالرسم ع الحيط حبيتها كتير ..




وهون شاشه بينعرض فيها دعايه لفيلم فيروز ..





وصلت المقابلات او الضيافه وفي نوع 2 خبز ماصورته بس حبيته لذيذ..




البيبسي بعد مكتوب ع قلاصه اسم المطعم بشكل حلو ولاحظت انه الورده مكرره بكل مكان تقريبا وهم الماي مكتوب انه اهو اللي يسقون في الارز ..
اختي تقول جان زين عندنا ارزه او شي مثلها قلت لها عندنا السدره اللي فيها ينانوه وعندنا النخل بس كلهم شالوهم الازاله :(

لقطه عامة مادري ليش صورتها ع مايي الطلب ..

وصل وصل فتوشي ..

تبولة اختي ..

احنا نسميه ملفوف بس العموم يسمونه ورق عنب هم لاختي ..

كبة بلبن لالي الكبه لذيذه بس لبن في طعم حمص شي جذي بس زين مو وااو مثل الكبه..

قرقشوا مخابيكم وخل ندفع الحساب :)

وبس سلامتكم ..

فيلم orphan + اجابة على اسئلة الاخ نمول ..

السلام..

اليوم بسولف لكم شوي عن اخر فيلم رحت له..

بطولة :Peter Sarsgaard, Vera Farmiga

المخرج :Jaume Collet-Serra

النوع: درامي, رعب

مدة الفيلم :123 min


القصة :

الخسارة المأساوية لطفلهما الذي لم يولد تدمر كيت وجون. وكفاحاً منهما لاستعادة مظاهر حياتهما الطبيعية، يقرر الزوجان تبني طفل آخر من دار الأيتام المحلية، ولكن أمر غريب يحدث مع ايستر

رايي :

القصه باختصار ام تفقد مولدتها اثناء ولدتها مما يؤثر على نفسيتها فتقوم بتبني طفله لتتجاوز ازمتها , شدت انتبها هي وزوجها فتاه تدعى ايستر تبلغ من العمر 9 سنوات وهي هادئه ولبقه وموهبه بالرسم وبعد مشاورة الاخت في الدار التي اشادت بها تم تبنيها .

تتكون هذه العائله اساس من اب وام و طفلين هما صبي بعمر ايستر تقريبا يدعى دانيل و ماكس وهي فتاه صغيره من فئة الصم والبكم (تشوق بسم الله عليها) وبمجرد تبنيها تتولى عليهم المتاعب .

بالنسبه لنوع الفيلم ذكر بموقع السينما انه يندرج تحت خانه افلام الرعب والدراما عن نفسي ارى ان الرعب بطريقة التصوير والاخراج (يمكن لانه متعوده ع الرعب واحس انه الفيلم اقرب للظاهره الخارقه للطبيعه والنادره).

وفيه اكشن شويه واجرام بعد ..

دعايته :

http://www.youtube.com/watch?v=P8OjaV3gyOI

_______________________________

والحين بجاول ع اسالت اخوي نمول ..

اسم مدونتك
المعنى وسبب اختياره ؟

عندي 2 وحده شخبوطه واهي اللي احبها اكثر ليش اسمها شخبوطه لانه فيها انشر شخابيطي اعتبرها جريده صغيره لي ..

الثاني ترندي قيرل واهي بروجكت بالجامعه ليش اخترت الاسم مادري كنت محتاره وحده رشحت لي هالاسم ..

الجنس ؟

مايحتاج خو مبين بنيه..

لماذا تدون ؟

مثل ماقلت بهالبلوق لانه اعتبره بمثابه جريدتي الصغيره اللي اقدر احط فيها اللي ابي .. بديل عن العمل الصحفي اللي اهو تخصصي..

اما الثاني لانه احب الموضه وهالسوالف ..

لمن تدون ؟

للكل ماحب احصر نفسي بشي لو احصرها جان بلوقي ال2 حددته للبنات بس ..

عن ماذا تدون ؟

اهني لكتب قريتها وافلام وبرامج ومسلسلات شفتها ومقالات كتبتها ..

هونيك لاي شي يخص الموضه او البشره او الشوبينغ ..

قدوتك في الحياة ؟

بالمدسه معلمينا ان الرسول صلى الله عليه وسلم قدوتنا بالاضافه له قدوتي ماقدر احصرها باحد معين اي احد مهما يكون مختلف عني عند مبدا او كلمه عجبتني باخذها بالاعتبار..

هدفك في الحياة ؟

امم اني اخذ الدكتوراه بالاعلام ..

اوصف نفسك بسطرين ..

ماعرف اوصف نفسي مادري بنت عاديه اقدس الضحك والوناسه والسوالف واحب اطور من نفسي وصريحه وشويه اللي يعرفوني عدل ..

اكثر صفه تنطبق عليك ؟

اللي لاحظته الاغلب يقول لي اني صريحه و ونيسه بمعنى اني مسويه جو يمكن لاني ماسكر حلجي واحس بسرعه يتعودون علي وياخذون راحتهم معاي حتى اليهال ..

انتو شنو تعرفون عني :)

كاتبك او آديبك المفضل ؟

د.احمد توفيق .

شاعرك المفضل ؟

ماعندي ميول شعريه بس احب الشعر القديم المتنبي و غيره اللي شعرهم متروس حكم ..

اين ترى نفس بعد ١٠ سنوات ؟

اتمنى انه ماكون محلك سر مادري يمكن ام عيال وافتح بلوق 3 لشخابيط عيالي يمدي اصير يده خخ و يارب اكون حققت طموحي وهم ابي اصير ام طماعه شسوي :)

كلمة لقراء مدونتك ؟

امم سوالف الممثلين اتمنى ماكون ثقيله عليكم تعليقاتكم تسعدني ونقدكم البناء ان شاءالله بيفدني ويطورني اللي اشكركم طبعا عليها واتمنى انه بلوقي يفيدكم وبس حياكم الله..

مشكور نمول ..

افلام فيشه ..

السلام ..

قبل قرن وعدت فيشه بنزل بوست عن فيلم ..

وكل ماله يصير شي واليوم كنت بنزل بوست عن فيلم شفته توني بالسينما بس قلت انزل هالبوست مدام وعدت البنت ومجهزته وهو عباره عن مجموعة افلام شفتها باجازتي مو عطلة العيد اللي فيها منه لا اجازة من رصيدي اهي اهي.. ..

والوتين مازال البحث جاري عن بدل فاقد..

نبلش بالاجنبي بما نج تحبينه ..

هالفيلم اتوقع شفتيه فيشه ..

اهو مادري شلون قايل ..

القصه باختصار ..

امراءه تتعرف على رجل في امتحان القياده وذلك بعد ان طلب منها ان تغششه , و اكتشفها المراقب وهي تحدثه اثناء تاديتها لامتحان مما ادى الى طردها .
لتبدا بملاحقة الرجل ثم تطلب منه ان يقضي شهر نوفمبر في منزلها ويتم هذا الامر ومالبث ان اوقعته بحبها (مو هينه) ليطلب منها الزواج لكن لن يتم هذا الامر (يمكن من سبتنا خخ)..

باختصار فتاة تحب فتى غريب الاطوار تكتشف فيما بعد انه مصاص دماء لتتوالى عليها المتاعب .
فكرته حلوه بس عيبها المشاهد بسرعه بسرعه جنه نركض والبطل عجبتني شخصيته ..

ويقولون الكتاب احلى من الفيلم بس عن نفسي ما احب اقرا شغلات مترجمه..



طافني وماقدرت اشوفه بالسينما وكنت ناطرته ينزل بسايت واشوه نزل ، المهم اشوه مارحت له بالسينما مايسوى العنوه .
قصته باختصار رفيجات حيل نخطبوا بنفس الفتره تقريبا واهما مقررين من لما كانوا يهال انه يسون عرسهم بقاعة عرس معينه راحوا حجزوا ولقوا يومين استانسوا بس بسبت غلط طلع عرسهم بنفس اليوم عاد بلشوا يتهاوشون وخلوا بعض وكل وحده تخرب على ال 2 كل مره يحاولون يردون لبعض يصير شي ولي يوم العرس اللي فيه بيتراضون .

17 اقين تكلمت عنه من قبل ..
وقلت اني حابه هالفكره خصوصا بعد ماعجبتني فكرة 13 قوينق 30 ..

وناسه لو تردون التعش 17 سنه هالحدود شتسون ؟؟

انا عن نفسي بكون باخر كورس بالثانوي وبحاول اسمتع مع رفيجاتي بالثانوي و هم اقوي نفسي بالانجليزي .

المهم الفيلم فكرته انه واحد بنفصل من زوجته و رد صغير لي 17 سنه و صار بعمر عياله وعرف انه مهما رد فيها الزمن غير قدره ما يبي .

فيشه حاسه بتقولين شايفه كل هالافلام خخ اذا شايفتهم قولي رايج :)

ومن الافلام العربيه اللي شفتها ..

وهم شفت 5 دقايق من مناحي وكرهت عمري..

وما كملته ..

وشفت نص دكان شحاته بس لما دش ابوي طفينها خفت تخور هيفا و ابوي يلسبنا خخ احنا الحمدالله نستحرم مانشوف لقطات مش ولا بد نفرها بس عاد ابوي شبيقنعه وفشله تخوره جدامه و احلى شي بالفيلم مبين ان هيفا مشدقه خخ..

وبس شورايكم ؟؟

(17again)

17again

فيلم يديد يا توه نازل بامريكا يبنزل قالت لي عنه ماس كوم لما شفت دعايته حبيته فقلت اقولكم عنه عساس يصير حب مشترك خخ..

بطولة: Matthew Perry\ Zac Efron

نوعه:كوميدي خيالي.

التعليق:

تدور أحداث الفيلم حول شاب يتمتع بشعبية قوية جداً فى مدرسته الثانوية بسبب تفوقه ووسامته، و يحصل على منحة دراسية خارج بلده، وبعد أن يستعد للسفر يكتشف أن حبيبته حامل منه، فلا يتخلى عنها، ويترك المنحة الدراسية ويظل معها ويتزوجها بعد ذلك، وبعد عشرين عاما من الزواج يكتشف أن هذه هى ليست الحياة التى يريدها وأنه اختار الزوجة الخطأ، ويندم كثيرا على الفرص التى فاتته عندما كان عمره 17 عاما، فيترك زوجته ويعيش مع صديق له، فى هذا الوقت يقابل رجلا غامضا يساعده على أن يعود لسن 17 مرة أخرى ليحقق ما فاته، فيلتحق بالمدرسة مرة أخرى وتتوالى الأحداث الكوميدية الناتجة عن تواجد رجل فى سن 37 بين مراهقين فى الثانوية العامة، ومن تجربته هذه يدرك أن حياته التى اختارها هى الأفضل على الإطلاق وأنه لم يخطأ.

المصدر:

http://www.youm7.com/News.asp?NewsID=89657&SecID=48&IssueID=53


رايي:

وناسه ناطرته احب الافلام اللي جذي..

بعض الصور ..

موقع فيه صور للفيلم..

http://au.movies.yahoo.com/b/moviesau/476/?page_is_popup=1&photo=0


السايت الرسمي للفيلم:

http://17againmovie.com/

دعايته..
http://www.youtube.com/watch?v=CW9TkWY6Cng