السبت، ١٦ يناير ٢٠١٠

الاعلام الكويتي ..

السلام ..
اليوم بتحجى عن الاعلام بحكم انه تخصصي اول <<< ايام الجامعه كدراسه ماشتغلت فيه مع انه احب بس جوه مايشجع و الاهم ماتوفرت الفرصة للاسف ..
المهم بتكلم عن الاعلام الكويتي من حيث القنوات - المذيعين - الجرايد وبقط نغزات واللبيب بالاشاره يفهم :)
واستعنت برسومات الاخ عادل القلاف عنده اكاونت بفلكر و بلوق :)

اول شي بتحجى عن الجرايد خبري فيهم 15 جريده مادري اذا زادوا او لا انا بعرف الوزير اللي غير القانون مايدري انه في اوادم شغلهم يقرون جرايد الله يرضى انه باليوم اقرا 9 جرايد انحولت حسبي الله ونعم الوكيل والمسعوره تقولي انا قبل اخلص بسرعه ..
وانا اهز راسي عقب استوعبت الطيبه تشلخ ع راسي ع ايامهم بس 5 جرايد عن التفلسف ..
ولا الوزير اعلامي اكاديمي قلنا بسوي لنا شي كادر اللي مساكين يشتغلون بالاعلام عيزو واهما يحوسون ويشتغلون وماينعرض الا شغل الحبايب او هيئة للاعلام نتوظف فيها احنا خريجين الاعلام اللي طحنا بجبد نفسنا واهلنا مو راضين ايبونا لنا واسطه بحكم انه احنا مع القانون @@ اتوقع محد يمشي ع هالشي الا عايلتنا خخخ وغير جذي الهيئة تطور الاعلام الكويتي وهذاالاهم ..
يعني مانبي واسطة ونبي شروط للقبول مو كل من هب ودب يشتغل مثل ايام الجامعه طلبة صحافه مايعرفون يكتبون :\
لانه القبول ع الدرجات وفي ناس مضبطه عمرها مثل دكتور عطا بنت اي لانه حضر عرسها مع انه الفاينا ماحلت فيه ولا سوال واهو عليه 30 درجه مو شويه :\
المهم الجرايد كثرتها ع غير سنع زادت علينا المناهج ايام الجامعه و غثتنا بالدوام :\
كل اقول لرفيجتي اهي بعد خريجة الاعلام هذي حوبة دكاترتنا يزفونا ليش مانقرا جرايد يالله سخرية القدر :\
التلفزيون ..
وهم القنوات زادت ع غير سنع ابرز مثل القناة السور مالت حامي الديار اللي يقال انها من غير تصريح شلون بالله مادري @@ وزارة بطيخ..
ودي اعلق بس اخاف يقشوني امن الدوله :p

مو بس جذي كل من هب ودب صار مذيع مابقى الا انا بس انا ماانفع اخورها وصريحه بزود يومين بالكثير و مفنشيني خخخ..
لا وع كثرتهم برامج مبيوقه ومكرره و ماكو اعداد وهواش واثارة الطائفيه والفتنه مع جرعات من الملاغه اللي ماتنبلع ..




خخخخ ..

مره تحجيت عن المذيعات هالمره بتكلم عن اسوء وافضل مذيع ومذيعه ..

الاسوء..


استغفرالله يعني ع شنو صايرين مذيعين مادري لاستايل ولا قدره اعلاميه وماكو مؤهلات تساعد حتى نبرة الحس ما تنفع ..

عيل مذيعه تقدم واهي ماسكه ورقه a4و تقرا منها حتى اذاعة المدرسه ماسوها :\

الافضل :




ماشاءالله متمكن ومتوفره فيها الموهلات الاعلاميه من سرعة بديهة والقاء وينفع بمختلف البرامج سواء الحواريه او المسابقات ..




هم متمكنه القاءجيد وسرعة بديهة وتفكيره زين حسب اللي شفته ببرامجها ..


وصلنا للطامه الكبر المسلسلات ..

سوال يطرح نفسه اهي الرقابة خلت كل شي ويت للبلوقات خل يشوفون المسلسلات تستخف بعقليه المشاهد لانص ولا حوار والاهم ماكو واقعيه ولا منطق وتشوه صورتنا برا..












خلصنا من مسلسلات فجر السعيد بس مافتكينا منها فتحت قناة كامله :\
فطلع لنا النايف مادري الراشد اللي اهو بتاع كلو بالمسلسل بيكمل مسيرتها الظاهر ..
وحتى لو المسلسل حلو احداثه بالكثير10 حلقات بس لازم نمغط الاحداث ونحشيها سوالف بايخ وننسى المنطق ونختمها بشي خيالي سخيف ..


باختصار ليش كل هذا !!!

هناك ١٦ تعليقًا:

  1. دورنا يكمن هنا معشر المدونون :)
    سننعش الإعلام من جديد
    وداعـًا للإعلام الجامد

    ردحذف
  2. هلا بوك..

    اهو واجهة المجتمع وله اكبر تاثير ..

    التدويت قد يكون جزء بس الاساس الاعلام التقليدي اللي اهو الصحافة والتلفزيون ..

    وحياج الله..

    ردحذف
  3. رورو

    بويت شامل كامل والكامل الله

    ياخيتي قناة افلاس بالذات .. تييب الحارج والفالج .. يعني مذيع نفس بو حرشد مادري شنو قصته ولا شنو اهوا اساسا .. لا ومن كثر ما اهما مستانسين عليه حاطين مسلسل ااهوا فيه قبل ..

    ولا باربي فطوووم وماد ادراك .. منتهى الكرتونية .. اهي وبعلها .. تحسين ناس سايكو :\ الله يشافي ياخيتي.. وين وجه الإعلام فيها؟

    وفعلا .. بركات وايمان من أفضل المذيعين المتمكنين وتحبين تسمعين حوارهم .. المفروض المذيع يتعب على ثقافته قبل لا يتعب على لبسه ويتعب الناس من ذوقه ال....

    شكرا رورو :*

    ردحذف
  4. والله ياشخبوطه الحال من بعضه ,, الاعلام عندنا تعبان حيل

    وان كان خاص يحقق اهداف صاحبه وسياسته اهو واللي يبيه

    وبالنسبه للمذيعين انا اشوف بركااات يجامل حيل

    يعني مو صريح يلف ويدور عشان يحقق مصالحه من ورا البرنامج يقوم ويبوس راس الضيف كل ضيف شوفيه في برنامج حياكم اول ماطلع بالوطن كل شوي يبوس راس واحد مو سالفة ترا احنا نطالع عشان تبوس فلان وعلان ..

    وايمان نجم روعه تقديمها بالنسبه لي اشوفها بالاذاعه كانت احلا واقوى كظهور وخاصة في اذاعة الكويت مو المرينا ..

    وتشكرين صراحه ..

    وشهادة الاعلام اكتشفت انها ماتوكل خبز بالكويت لول ..

    ردحذف
  5. وااي لأ رائد وفاطمه ياربي عندهم ثقه مو طبيعيه يجذبون الجذبه ويصدقونها استغفر الله مابي اكثر..

    بركات الوقيان احب تقديمه صج ان يبالغ بعض المرات في مدح الضيف بس ماعليه ينبلع

    ايمان نجم كنت احبها لما كانت تقدم بالاذاعه اما الحين لأ

    ونايف الراشد الله يهداه شنو هالمسلسلات الهابطه الي يقدمها ولا عاد الممثلات الي يختارهم الله يستر عليهم


    لا انا قايله الشهاده حاذفتها حاذفتها خخ

    ردحذف
  6. ابي افهم رائد وفاطمه واخوها من وين طلعوا؟! فجأه العايله الكريمه صاروا مغنيين ومذيعين؟!

    انتي شوفي تقديمها .. قبل اسبوعين كانت مسويه تقرير بعيادة والتقرير عباره عن ............ شي يفشل الصراحه وتقول عادات وتقاليد !!!!!!!! (ذكريني اقولج عن شنو) لانها صج اصدمتني بوقاحتها

    بالنسبه لبركات صح اهوا من افضل الموجودين حاليا بس المشكله ان برامجه صارت ممله يعني لي متى في ضيافتهم؟! بس ملينه غير شوي وحتى برنامج حياكم نفس في ضيافتهم بس باستيديو لو يغير عن هالبرامج راح يكون افضل ... والله يقومه بالسلامه

    ايمان نجم اول ما اطلعت حبيتها بالاذاعه بس لما راحت مرينا اف ام قامت تهذر واااايد ما تسكت ما احب المذيع بالاذاعه يهذر ما ياخذ نفس فما قمت اسمعها

    ببرنامجها صباح الوطن تقديمها حلو ومتمكنه ما شاءالله عليها بس الله يهداها لو تعدل ستايلها وحجاباتها الملونه يكون افضل لان مو كل لون لايق عليها خصوصا البرتقالي يسمرها وايد

    واذا اكشخت لبست ذهبي من فوق لي تحت ليش مادري هههههههههههه


    ويعطيج العافيه :)

    ردحذف
  7. ماخليتي شي

    بس صج الاعلام الحين مسيس للأسف لأهداف معينه قصيره المدى
    ونظرة محدوده الافق

    إعلامنا تعرض لغزوة من الاعلام الفارسي و تدريجيا سوف تتضح الصورة اكثر لكم :)
    انا كنت كاتب بوست اتكلم عن الاعلام الفارسي و غزوة لساحتنا الاعلاميه ولكن بعد الاحداث الاخيره تردت بنشره لانه الوضع ما يستحمل
    أوووففف
    بس خلاص :)
    مشكورة

    ردحذف
  8. هلا الوتين ..

    خخ مرسي وبالعكس ماحس كتبت شي ..

    خخ و بوخرشد ين زيادة لانه الوطن خذته والله لو كفاءه جان خاس ومحد درا عنه..

    وفلاش تضحكني لو يعطوني مليون ماطلع فيها خخخ..

    سايكو يعني شنو ؟؟

    امين يارب استغفرالله الاعلام كلش مو صوبها :s

    واي ماشاءالله متمكنين ..

    العفو ولو ..

    حياج الله..

    ردحذف
  9. هلا اخوي محمد..

    اي حده للاسف مع انه واجهة للمجتمع وتاثيره قوي علينا ..

    صاج الخاص وفق اهواء ومزاج صاحبه واكبر دليل الوطن لما يطبون بالنواب ويرفعون ال2..

    صح يمكن يجامل بس انه ورا مصلحه مادري عنه الله ويعلم بس اهو احسن الموجودين اعلاميا حاليا ..

    وايمان ماتابعتها بالاذاعه ومدام عجبتك بالاذاعه يعني متمكنه اكثر احس الاذاعه اصعب من التلفزيون والمارينا يحبون يخففون دمهم ساعات من جذي يمكن تحس قل مستواها..

    العفو ولو ..

    لا توكل بس الجرئ و اللي عنده واسطه :\

    وحياك الله اخوي ..

    ردحذف
  10. هلا مدمد..

    اي امبيه خخخ الحمدالله الذي عافانا احس كلما صرتي هليقيه اكثر كلما زادت ثقة بنفسك مع تحيات باربي خخخ..

    اي وبالنسبه لبركات توافقين محمد بهالنقطة و وتوافقين بعد انه ينبلع هالشي مقارنة بفرقه حسب الله :\

    حسافه مالحقت عليها بالاذاعه شكلها كانت احسن ..

    والرشد امين يارب الظاهر محد يرضى فيه الا اهما خخخ..

    لا لا تهورين الا اذا بتحذفين 4 سنين من عمرج اخذين معاج خخخ ..

    وحياج الله..

    ردحذف
  11. هلا جايونه ..

    وممثلين بعد:\بتاع كلو ..

    انا سمعت عنه بس ناطره اتاكد منج عن السالفه ..

    امين يارب صاجه نادر اللي يغير من نوامجه..

    خخ الظاهر معاشهم ع الكلمه الكلمه بنص جنيه والحسابه بتحسب بس جد شوقتوني اسمعها بالاذاعه ..

    ستايلها لج عليه وخاصة الوان بس احس متعدل عن قبل والذهبي كشخة العيد خخخ..

    والله يعافيج يارب وحياج الله..

    ردحذف
  12. هلا اخوي عين ..

    عيل احس ماقلت شي :\

    قصدك الاعلام الحكومي او الخاص وعموما نظرتهم محدد وفق مزاجهم الخاص ..

    الفارسي ؟؟

    مايخالف توضح ؟؟

    لا ويه اعصابك مانبي نستاثم فيك خخ..

    :)

    والعفو ولو..

    حياك الله اخوي ..

    ردحذف
  13. تون انتبه للبوست ..

    بالنسبة للجرايد .. أنا بصراحة مادري جم وصل عدهم أقرأ أهم 3 في الكويت ويلا اخلصهم:/

    وبالنسبة لكوادر الإعلاميين ووزير الإعلام مالي خبرة بصراحة بهالموضوع بس صوتج وصل ..

    أما المذيعيين والمذيعات ..

    أوافقج بالأفضل "بركات الوقيان" بصراحة ماشاءالله عليه وعيني عليه باردة صار عنده نضج إعلامي على مر السنين وطور من نسه وقدراته ووسع نطاق ثقافته بحيث يستفيد منها بمجال عمله ..

    الأسواء مع احترامي لها ولمعجبينها حليمة بولند!!

    في بدايتها توقعت لها مستقبل باهر بصراحة بغض النظر عن كل اللي كان يقال عنها وعن دلعها لأنها كانت واعية ومتمكنه .. بس حالياً مادري شصار فيها؟!

    لا ثقافة .. لا اسلوب .. لا واجهه إعلاميه .. أصبح همها الأكبر انها تكون "ملكة جمال الإعلاميات" .. وكشختها ولبسها وماكياجها .. شنو ضافت لعمرها؟؟ شنو مسيرتها الإعلامية؟ تاريخها حافل بالغناوي والفوازير والتمثيل الهابط وين إعلامية؟؟ يعني من بعد ما توقعت لها تكون بمستوى المذيعة القدير "كوثر البشراوي" صارت شي غير!!


    المسلسلات "حدث ولا حرج" !! تعريف المسلسل الخليجي : صراخ+ استهزاء بعقول المشاهدين+ بجي + دموع+ مجتمع منحط + تفاهه + الخ من الامر السلبية "شدعوة"؟!!

    خلي الطابق مستور (قلتها صج؟) :/

    ردحذف
  14. بخصوص بركات مااتفق وياج اشوفه مذيع ممل ,, واكثر شي بين فيه في برنامج في ضيافتكم لما كل شوي يقوم ويبوس راس الضيف ,, ولو تلاحظين يقابل اشخاص متنفذه عشان يضبط اموره ,, المصلحه مو الفائده بلقاءه ,,

    ويعطيج العافيه وشهادة الاعلام المفروض انقعها ونشرب مايها عدل على رواااق لوووول ماتفيد بالكويت .

    ردحذف
  15. هلا انجو..

    انا لانه شغلي جرايد فاقرا وايد واغلبهم مروا علي :\
    ولا اول حتى وحده ماقرا..

    ان شاءالله يوصل ..


    مع انها اكاديميه مثل بركات ..

    اهي شافت الناس حيل انبهرت بمياعتها وان يقلدونها فاعتمدت ع هالشي ..


    نسيت الطراقات بالمسلسلات خخ..

    اي جنه صح لاتحرجيني انا كله بدليات خخخ ..

    لا لازم نتحجى هذا اضعف الايمان جود يتغير شي ..

    وحياج الله اخيتي..

    ردحذف
  16. هلا اخوي محمد ..

    انا ماتبعته وايد شفته مع عبدالله الفهيد وكان زين وشفته مع انس الرشيد وكان ودي اطقه خخ وشفته بالصج مثل التلفزيون بس حزتها رفعت ضغطه خخ..

    واكثر شي شفت حياكم واهو برامجه حواريه مع شخصيات كبيره مو وايد تجذب الشباب :\

    والله يعافيك يارب ..


    لا اخاف نتسمم خخخ وبعدين احنا كانوا يقولون لنا اشكرى احنا مانبي بنات اعلام نبي صبيان :\ للوظيفه ..

    مع انه يعرفونه انه زينين بس عندهم احنا ظروفنا البنات ماتوالمهم :\

    وحياك الله..

    ردحذف

دوركم تشخبطون :)