الثلاثاء، ١٢ يناير ٢٠١٠

دكاتره عجبة :\

السلام ..
اليوم بسولف لكم عن دكاتره عجبه درسوني بالجامعه بمختلف التخصصات بين كليتي وكلية العلوم الاجتماعيه..
طبعا حش مباح وبدون ذكر اسماء ..
وقبل لا ابلش لازم احمد الله ع تخرجي صاغ سليم بدون اي مرض نفسي يؤدي الى انتحاري خخخ..
(1)
اول دكتور اهو دكتور اعلام غريب عجيب ..
على سبيل المثال ..
1- يعطينا بونس بالامتحان اوكي شي حلو بس البونس عنده لي حليتي غلط ينقصج درجات @@
2-كدشنا كرفنا ع غير سنع اهي ماده عمليه فشي طبيعي نشتغل بس لازم نشتغل مثل اللي موجود بالسوق والمتعارف عليه بالكمبيوتر مو الورق ..
عطانا هوموركين كل واحد (ماكيت) لغير الاعلامين الماكيت مثل الرسم البياني كشكل وتقسيم وعباره عن مسودة لصفحة الجريده ..
وعقب عطانا ماكيت كامل صغيرون بالضبط حجمه اي فور 60 صفحة لجريدة القبس نرسم عليهم 188 اعلان :\
وورقه المتطلبات شمسوي فيها الاخ حاط الاعلانات بس بشكل عشوائي مخربطهم يعني الاول مثل ص 60 ال2 20ص ال3 ص1 والخ ويقول اللي تبيه مرتبه وجاهزه كا في نسخة بس ها انقصها 3 درجات :\
طبعا محد خذاها لانه ينقص درجات بدون لا نغلط فمو ناقصنا بعد ..
اذكر يومها من الظهر لي المغرب وانا اسويه وماخلصت ورديت لي ال9 ظهري انكسر ..
ولما سلمنا اياه عقب ماصلحه قلت ابيه براويه اهلي جان يقول اهلج لو يشوفونا يقعدونج بالبيت مايخلونج تكملين << مدام تدري انه شي يفشل ليش تعطينا اياه :\
- الامتحانات يبي الاجابه اللي باله لو كلمه باله حاطه مرادف له ينقصج وجنه العيد :\
بالامتحان قمت اكتب كل شي عاد اهو طل بورقتي قالي شتكتبن قران 16 صفحه @@
قلت عاد ان شاءالله في شي يعجبك !!
وطبعا الامتحانات ازعاج مادري شلون قدرت احل..
- الفاينل كان مطلوب منا نصمم اعلان انا طلع لي سياييراهو سهل بس انا ميح فيهم المهم لما خلنا نداوم ع ابو كل وحده تقيمم اعلان ال2 ..
انا كنت رايحه مع رفيجتي وحتى لو مو يايين مع بعض شي طبيعي انقعد مع بعض خو رفيجات المهم دشيناالكلاس ولا يقول لنا انتوا كل مع بعض احنا سكتنا وقعدنا و عقب دشت بنيه متاخره قال لرفيجتها بي ليش رفيجتج متاخر شوفي هذيل وياشر علي انا ورفيجتي ويقول يايين مع بعض جان اقوله اي مارتني اليوم قال اخاف يحسدونكم قلت اذا في احد بيحسدنا فهو انت :\ جان يضحك ..
هذا جزء من اللي كان يسويه فينا ..
(2)

دكتور بكلية العلوم الاجتماعيه وايد يمد ايده اول مره شفته مسك بنت ع جتفها قلت يمكن لانها فري فعادي ..
عقب رفيجتي بالميد تيرم تساله حسيت قريب منها قلت معقوله ماسكه لا لا مو معقوله لما طلعت ولا تقولي انه مسكها @@ جان اطفرها و اضحك..
وعدى الكورس وصار يوم الفاينل وصلت لي سوال 27 شي جذي وجنه عن مجلس الخمه قلت له دكتور الاختيارات كله غلط والاجابه مو موجوده قالي امم لا موجوده ركزي وراح ماوعيت الا ايد حنونه ع ظهري قلت يحليها منو اللي بتواسين امبيه طلع اهو سبع البرمبه يقولي حلي ع الاقرب اي اقرب اي بطيخ الحين انا ببجي وين اقدر احل قعدت متنحه وايد وباجيلي نص الامتحان ماقدرت ارد احل الا عقب ماسويت توازن نفسي انه هالشغله موذنبي وبذمته كيفه :\
(3)

باول كورس بالجامعه خذيت عربي فكنت مره رايحه اسلمه البحث وبالمره قلت اشوف درجة الميدتيرم ياريتني ماقالت له ..
قلب السالفه فيلم مدبلج ..
انا:دكتور مايخالف اشوف امتحاني الميدتيرم؟؟
اهو: لا افهم ماتقولين..
انا : امتحان نص الكورس..
اهو : لا افهم ..
انا: منتصف الفصل الدراسي..
اهو: هم لايتعلمون لغتتنا وانتم تتفاخرون بلغتهم الخ الخ ..
انا : امي تتحجى جذي تقول تيرم وكورس..
اهو : ضحك وسكت ..
انا بقلبي سليحط ..

(4)
هذا انا بالميداني تلفون ومسن وايميلات وسايتات وجرايد ومدابج عشان احصل خبروساعات يفشلوني وماينزلونه سليحط :\
محاضرتي 11 بكيفان انا الساعه8 يالجابريه تخلص 12 محاضره كيفان ع طول منها للجابريه او شويخ وكل ثلاثا عقب الميداني اروح اغطي خبر يا بالخالديه او العديليه او الشويخ ارد بيتنا 8 بالليل ..
واخر يوم سلمونا جدول في الشغلات اللي نشرت انا نشرت 33 شغله اهما حاسبينهم لي 9 بس وا فوادي يارني الله يارني الله ...
طبعا ماسكت ..


(5)

دكتوره مليغه نفسيه اللهم ياكافي ..
خلتنا نشتري كتابين ونصور نوت الكتابين مافيهم شي يذكر الا صفحتين و او اكثر بشوي ..
والنوت قلنا صورناه دكتوره قالت اي خلوه عندكم عشان مايقولون ماعطيتكم شي !!
وبالامتحان راح ايكم هالسوالين صح وغلط المهم بالامتحان مايونا هالسوالين يونا غيرهم !!
ومره 2 خذيت عندها ع ابو ماكو مواد الشكوى لله ..
امبيه عاد هالماده ماساءه كدشتنا بجتنا عطتنا كوزات برزنتيشن سوت الشعب خلط واهي لا مايبت صبي او 2 لا شعبه كامله دمجوها معان والبرزنتيشن مجموعة شباب وال2 بنات لنفس الموضوع والطلبه يقيمونا @@
وعطتنا مشروع نصمم بلوق ونحط فيه10 بوستات كل بوست بيوم طبعا حزتها ماكنت اعرفه طلعت روحي يالله عرفت انزل صور و نقيم جم بلوق وهم نكتب تقرير عن البلوقات ..
وعقب نصمم سايت عاد هذاعباله يبيله تعلمنا خو احنا مو عباقره المهم وهقتنا لانها ماتعرف مدام ماتعرفين شكو تعطينا :\
اي ونسيت اقولكم مره زعلت علينا انا ورفيجتي ..
تهقون ليش ؟؟
لانه ماسلمنا عليها بحفلة التفوق هو غصب :\
لا وتبط الجبد تشوف منو اشطر وحده بالكلاس وتقول شغله التوب بس لانه معدلها عالي عسى ماشر:\

جنه وايد قرقت ..
:)
سبحانك اللهم وبحمدك اشهد ان لا اله الا انت استغفرك واتوب اليك ..

هناك ٢٦ تعليقًا:

  1. عليكم السلام,,

    يا صبااح خير,,

    الله شو هالبلاااوي!!
    ما رفع ضغطي غير الدكتور اللي يحط ايده ع البنات

    يباله ضرب ع راسه عشان يرد عقله >.<

    وضحكني الدكتور اللي يعطيكم بوينس وعقب ينقصها اذا غلطوا فالامتحاان !!


    ههههههههههه ودكتور العربي ..ذكرني بدكتورنا دومه يتفلسف علينا .. ولازم فالاخير يطلعنا بقر فالعربي

    اخر شي .. مبرووك على التخرج وانج افتكيتي من الدراسه..وربي يوفقج

    وتسلمين على هالبوست الغاوي

    تقبلي مروري
    صمت,,

    ردحذف
  2. لووووووووووووووول عجبني الدكتور اللي يحط ايده .. ايده يبيلها كسر ولو مشتكين عليه جان فاصلينه
    لانه عندنا بالقسم في جم دكتور سوه نفس هالشغلة وانفصل بس الحين رد وتسنع صار آدمي :)

    ردحذف
  3. hello roro

    الاول عرفته يا شينه واايد يتفلسف وااي كان آخر كورس وختامها زفت ولله الحمد،الثاني ماعرفته اما الثالث فلته بصراحه ههههههه

    واشوه اني ماخذيت عند مره بقسمنا ..صج حريم شتبين بعد مو غصب اسلم

    ردحذف
  4. @@ آه يا إلهي ! ما هذا؟!!

    أهم شي الدكتور اللي يطلب منك "الحديث باللغة العربية" :)

    والا الدكتور اللي يمسك البنات @@ !!! هل هذا يحدث فعلاً عندنا؟!! يا لطيف!

    أحلى شي "سليحط" مالتج لوووووول

    الحمدلله انج تخرجتي سليمه مثل ما قلتي .. لو أنا جان صار فيني شلل دماغي لووول

    ردحذف
  5. 1- شنو هالبونص العجيب !! بعد ليش معطيكم

    2- وهل يخفى القمر؟ ههههههه اكو بنيه ما لمها؟ وكله يقول انتوا حسبة بناتي وراااااااايح الاخ يلمم فينه .. هذا بصوب وبدلياته بصوب بالساعه الوحده يقط 387458640 بدليه

    3- ذكرني بغانم الصالح في مسلسل "عشوق"

    مشكوره :)

    ردحذف
  6. ههههههههههههههههه .. الحمد الله على سلامتج بس

    صباح الورد

    اشهالتحفه ابو ايد حنونه؟ امبيه هاذا يبيله راشدي يعلمه وين يحط ايده مره ثانيه *_* .. زين يامعوده مابجيتي

    بس صج دكاترتنا عاهاااااااااات .. آنا كلش ماذكر مواقف غير لمن كنت بلعوم .. كنت ماخذه statistic والدكتور كان فصلة .. جليل حيا .. فا كان يب يعلمنا عن العناصر العشوائية .. والاخ حب يوصل لنا المعلومه حياتيا .. فا قال : المجموعات العشوائية للوصول للمطلوب زي اتنين عاوزين يجيبو ولد .. فا يروحو شاغالين شاغالين ويجيبو بنت .. ويشتغلوا تاني ويشتغلوا ويجيبوا بنت .. ويشتغلوا يشتغلوا ويججيبوا ولد .. ويروحوا قافلين .. واحنا البنات وييهنا جذي (!)
    واختي الحين بالتجاري تسولف لي عن الدكاترة شي ما شفتوه .. تقول قال لها تعالي قعدي اهني تقول جدام عنده .. ويقرب عندها يقول الريال لازم تكون كلمته مسموعه ووواقف عند ويها وتقول آنا راسي رافعتها فوق علشان بشوفه لأنه واقف جدامها بالضبط ولو خلت راسه سيده شكلها بيصير غلط .. تقول كنت ببجي واطلع .. تقول بطيتها ضحكه تهسترت من الفشلة خخخخخخخ

    امبيه والله كانوا هالدكتره مسوين حركه وخبال

    بوست فني يا رورو

    حبي

    ردحذف
  7. اول دكتور البلوشي واذا ماخاب ظني انا وياج بالنفس الشعبه اذا كان الاعلام عن اكل قطاوه وجلاب !

    ثاني دكتور لايكون المانع ؟

    ثالث دكتور بوعباس؟

    الرابع دكتور انس الرشيد لوول

    الخامس دكتوره عاليه وايناس ؟

    جم من 5 اخذ ؟ لوول

    ردحذف
  8. عفوا بدليات " بنفس " " الاعلان " لوول

    ردحذف
  9. هلا والله صمت ..

    وعليكم السلام والرحمه ..

    وصباح النور والسرور..

    اي قطع والصبح تذكرت جم حشوشه ماكملتها خخخ ..

    اي الله يهداها وايد ماخذ راحته ..

    اي والله خخخ ..

    اهو من الاول كاتب ملاحظه انه اذا غلط بينقصنه انا حليته بس اجابه ناقصه ماعطاني ولا درجة !! نقصنيني درجتين اهي اهي..

    ومادري ليش دكاتره العربي جذي خو كل واحد يتحجى بالطريقة اللي تريحه ..

    اي الحمدالله والله يبارك فيج واجمعين يارب جزاج الله خير ..

    الله يسلمج يارب ..

    ومشكوره وحياج الله..

    ردحذف
  10. هلا اخوي اعلامي..

    اي قطع اخاف يفصلوني بداله خخخ اعرف حظي :\

    صج منو اهما عاد في2 قمة قلة الادب الله لايبلانا يارب..

    وحياك الله اخوي..

    ردحذف
  11. هلا والله مدمد ..


    اي كنا بنفس المحاضره خخ بس ماكنت اعرفج بس شفتج جم مره ..

    لاحظي كل المواد اللي جمعتنا الدكاتره خياس خخخ طلعنا نفقر بعض من زمان خخخ..

    اي احسن لج انا خذيت عند 3 اللي ذموها طلعت احسنهم :\

    ومادري عنها غصب يعني انا محبوبه:\

    وحياج الله اخيتي..

    ردحذف
  12. هلا انجو ..

    انها مصائب جامعية :\

    و الله يهداها وغصب بعد انزين مابي :\

    اي للاسف ..

    اي من قلبي طالعه خخخ..


    اي كنت الطالبه الحديديه متعوده ع الصدمات صكتني مناعه..

    وي بعيد الشر اشوه انجماكملتي بجامعتناالموقره خخ..

    وحياج الله اخيتي..

    ردحذف
  13. هلا جايونه..

    1- بمنه والبونس ال2 من سبق لبق :\

    2- خخ حسبت حفيداته بعد بس شدعوه عليك مره يقول لام بنت المرا صغر منها خالتي اهو قال لها خالتي انا فطست من الضحك امبيه من صجك :\
    لا ومن اول محاضره يقول هالماده محد ايب فيها اي :\

    3- خخ غبي الله يهداه..

    العفو ولو ..

    حياج الله..

    ردحذف
  14. هلا الوتين ..

    الله يسلمج يارب ..

    صباح النور والسرور..

    اي قطع بس غورقت عيوني وصكتني العبره :\

    مافهمت الموقف عدل بس احسه قليل ادب مالقى يشرح الا ع هالسالفه :\ ويع ..

    شكو كلمته مسموعه شفيه سي سيد :\

    اي امبيه ترا في جم عاهه ماتحجيت عنهم :s


    حياج الله..

    ردحذف
  15. هلا وجوه..

    خخ طلعتي اعلام وصحافه بعد ..

    لا كنا كل وحدهتختار رقم بجدول ويطلع لها اعلان غير عن ال2 انا كنت عن السيارات ..

    لا مو المانع اهو دكتور علوم سياسيه ..

    لا مو بو عباس اهو مو كويتي خخخ..

    الرابع يس ..

    الخامس يس ..

    3 خخ بس طلعتي اعلاميه وبجداره تعالي اعترفي انتي مين بسرعه بسرعه خخخ..

    اذا جذي انتي يادفعتي 2004 يادفعة مدمد 2003..

    عموما حياج الله زميلتنا ..

    ردحذف
  16. ههههههههههههههههههههههههههههه انا ماضحكني اكثر شي الا دكتورج العربي .. بددعه .. اي والله مسلسل مدبلج خخخخخخ

    اهم شي انج افتكيتي منهم وتخرجتي .. استغفرالله ماحب اذكر مرحلة الدراسه والفاينلزززز حدها اع اع

    امبيه مره
    عندنا دكتور محاسبه مو صاحي
    صج كان يخرع
    انا ورفيجتي بنركب الاسنسير .. وتبطل والا اهوا داخل
    ركبنا
    لما انصك الباب
    نطالع الدكتور والا خزته تخرع .. عيون مبققه
    جنه يني والله
    قالنا " انتوا خايفين مني؟"
    انا لا شعوريا لزقت برفيجتي
    اهيا قالت " لأ " -----> طبعا يالله طلعت الكلمه
    اهوا " آآآآآه يبأه انتوا طرزانات "

    لوووووووووووووووووووووووووووووووول

    بذمتج .. هاذا صاحي؟ !!!!!!!

    ردحذف
  17. هلا فيشه..

    اي السخيف نشف ريجي عاد ياريت درجتي كانت زينه خخخ..

    جنه ناقصني انا ..

    اي والله الحمدالله اي امتحانات الجامعه ابداع فني ايام تنذكر وماتنعاد :\

    اوه اوه بنت الاداريه خخخ ..

    واي يما شيبي :\

    لا كلش مو صاحي ..

    وحياج الله خيتو..

    ردحذف
  18. سلام ..

    جني عرفته دكتور الاعلام .. على طول ايي ياخذ من القبس ماكيتات :P راح ابلغ عنج تحشين فيه :))

    اما دكتور العلوم الاجتماعية فلو يلقى وحدة بنت ابوها تزفه جان وقف عند حده ..

    وباجي القصص ذكرتينا بايام الجامعة الله لا يردها :P

    تحياتي للاسلوب الجميل والمشوق :)

    ردحذف
  19. هلا اخوي احمد..

    اي اهو جنه بعد يشتغل بالقبس وبالتعليقات البنات قالوا اسمه خخاي بليز عشان حسناتي لاتخلص خخخ بعدين ترا انا بويه اقوله عادي عندي :)

    انت مو حاس فينا لما تكون بنيه ولاهيه بالامتحان فجاءه ريال غريب قاضبها يعني لا من امتحان ولا من احترام سليحط :\

    واهو غبي مايعرف انه هالشي عيب وحرام :s

    خخ اي والله الله لايردها ..

    مشكور..

    وحياك الله..

    ردحذف
  20. لول ضحكتيني رورو
    صاجة اهم شي طلعنا من الجامعة بكامل قوانا العقلية والنفسية xD
    الله يعافيج انا بقولج عن دكنور اذا شاف وحده بالكلاس تكلم اللي يمها ولا رن تلفون وحده
    يعطي الكلاس كله كويز مفاجئ وروح تشخط بالدرجات :/

    صج نطلع من الجامعات شايفين نماين واشكال
    انا اول ما دشيت الجامعة عبالي الدكتور انسان محترم وفاهم وواعي
    اكتشفت ان مو كل الدكاترة صاحين

    ردحذف
  21. ههههههههههههههههههه ،، يعطيج العافية أختييه ع البوست

    عالأقل ع (( فشيت خلئك فيهون )) بهالبوست ..

    أما عن الدكتور اللي يحط إيده ع البنات ..
    هههه عندنا واحد أمريكي مثله
    وربيعتي متعقدة منه
    ...


    تقبلي مروري

    دمتِ بوود
    :)

    ردحذف
  22. هلا سي ..


    اي الحمدالله ..

    بيه حرام مثل مره بنت قالت لدكتورنا الله مايرضى وحده تغلط كلنا نتعاقب ..

    رد عليها انا ارضى..

    احنا قمن نستغفر من الصدمه :\

    و في بعضهم مادري شلون قايلين مينن شويه عليهم..

    وحياج الله..

    ردحذف
  23. هلا سمو..

    الله يعافيج يارب..

    اي بس مو كلهم في بعضهم نسيتهم خخخ..

    ع الاقل الامريكي اهون مايعرف عاداتنا مو هالاهبل اللي كبر يدي :\


    وحياج الله..

    ردحذف
  24. مبيه لوووووووووووووول
    دكاترتج معقدين بصراحة
    أما اللي يطبطب عليكم أحنا عندنا أردى منه
    i will tel U about him later oN
    *_^
    هالظروف الكسيفة هل ما زال بخاطرج ترجعين لها بعد ماتوظفتي؟
    أنا أتوقع تحنين لها ... و اكيد أهي اللي
    أصنعت منج رورو
    أما دكتور العربي هذا أزعاج لازم يعرف أنه أحنا طول عمرنا ما كنا ندرس عربي بحصة العربي و أنه الأبلات و فاهمين القواعد أحنا نعدل لهم لووووووول
    أهم شي الدكتورة الي مو عارفة شلون تسوي سايت و ناوية تقيم شالبطيخ هذا لوووووووول
    سبحانك اللهم و بحمدكأستغفرك و اتوب إليك

    يصير تنزلين بوست عن أفضل الدكاتره اللي أثروا بحياتج مع ذكر الأسماء هالشي optional مو إجباري
    و شكراً جزيلا ^_^

    ردحذف
  25. هلا خاتون..

    المصيبه في جم واحدنسيت اتكلم عنهم @@

    وي شيسوي لكم :s

    لا مااحب ارد المراحل السابقه اللي عديتها الماضي حلو بذكرياته مو برجعه له ..

    ودي اكمل دراسه بس بمكان غير جامعه الكويت :\

    اي البلاوي صاغتني وقوتني ..

    خخخ وانا احنا عندنا لهجة متعودين نتحجى فيها انا مو ملزومه اتكلم فصحى :\

    اي تخلف شي ماتعرفين شلون بتعلمينه عليه :\

    خخ..

    سبحانك اللهم و بحمدك أستغفرك و اتوب إليك ..

    للاسف ماذكر دكتور سنع بس بفكر وان شاءالله احصل ..

    والعفو ولو ..

    حياج الله..

    ردحذف

دوركم تشخبطون :)