الاثنين، ٢٨ سبتمبر ٢٠٠٩

افلام فيشه ..

السلام ..
قبل قرن وعدت فيشه بنزل بوست عن فيلم ..
وكل ماله يصير شي واليوم كنت بنزل بوست عن فيلم شفته توني بالسينما بس قلت انزل هالبوست مدام وعدت البنت ومجهزته وهو عباره عن مجموعة افلام شفتها باجازتي مو عطلة العيد اللي فيها منه لا اجازة من رصيدي اهي اهي.. ..
والوتين مازال البحث جاري عن بدل فاقد..
نبلش بالاجنبي بما نج تحبينه ..



هالفيلم اتوقع شفتيه فيشه ..

اهو مادري شلون قايل ..

القصه باختصار ..

امراءه تتعرف على رجل في امتحان القياده وذلك بعد ان طلب منها ان تغششه , و اكتشفها المراقب وهي تحدثه اثناء تاديتها لامتحان مما ادى الى طردها .
لتبدا بملاحقة الرجل ثم تطلب منه ان يقضي شهر نوفمبر في منزلها ويتم هذا الامر ومالبث ان اوقعته بحبها (مو هينه) ليطلب منها الزواج لكن لن يتم هذا الامر (يمكن من سبتنا خخ)..

باختصار فتاة تحب فتى غريب الاطوار تكتشف فيما بعد انه مصاص دماء لتتوالى عليها المتاعب .
فكرته حلوه بس عيبها المشاهد بسرعه بسرعه جنه نركض والبطل عجبتني شخصيته ..

ويقولون الكتاب احلى من الفيلم بس عن نفسي ما احب اقرا شغلات مترجمه..



طافني وماقدرت اشوفه بالسينما وكنت ناطرته ينزل بسايت واشوه نزل ، المهم اشوه مارحت له بالسينما مايسوى العنوه .
قصته باختصار رفيجات حيل نخطبوا بنفس الفتره تقريبا واهما مقررين من لما كانوا يهال انه يسون عرسهم بقاعة عرس معينه راحوا حجزوا ولقوا يومين استانسوا بس بسبت غلط طلع عرسهم بنفس اليوم عاد بلشوا يتهاوشون وخلوا بعض وكل وحده تخرب على ال 2 كل مره يحاولون يردون لبعض يصير شي ولي يوم العرس اللي فيه بيتراضون .



17 اقين تكلمت عنه من قبل ..
وقلت اني حابه هالفكره خصوصا بعد ماعجبتني فكرة 13 قوينق 30 ..

وناسه لو تردون التعش 17 سنه هالحدود شتسون ؟؟

انا عن نفسي بكون باخر كورس بالثانوي وبحاول اسمتع مع رفيجاتي بالثانوي و هم اقوي نفسي بالانجليزي .

المهم الفيلم فكرته انه واحد بنفصل من زوجته و رد صغير لي 17 سنه و صار بعمر عياله وعرف انه مهما رد فيها الزمن غير قدره ما يبي .

فيشه حاسه بتقولين شايفه كل هالافلام خخ اذا شايفتهم قولي رايج :)
ومن الافلام العربيه اللي شفتها ..





وهم شفت 5 دقايق من مناحي وكرهت عمري..

وما كملته ..






وشفت نص دكان شحاته بس لما دش ابوي طفينها خفت تخور هيفا و ابوي يلسبنا خخ احنا الحمدالله نستحرم مانشوف لقطات مش ولا بد نفرها بس عاد ابوي شبيقنعه وفشله تخوره جدامه و احلى شي بالفيلم مبين ان هيفا مشدقه خخ..

وبس شورايكم ؟؟



هناك ١٦ تعليقًا:

  1. حبيبتي والله مشكوره اول شي على البوست الحلوو :)

    فلم كيانو ريفز على قولتج مو هينه طيحته عدل في حبها :>
    بس نهايته ما حبيتها .. اتضيق الخلق :<

    الفلم الثاني .. حبيته .. مع انه ترا اتحسين مؤثراته مو ذاك الزود صح ؟ جنه تجاري بس حلوو احب افلام جذي :)

    الفلم الثالث .. خفيف .. بس من النوع اللي تشوفينهم مره وحده وخلاص :>
    بس توقعته يضحك اكثر

    بو17 ليلحين ما شفته :)

    مناحي لم ولن اشوفه هههههههههههههه

    ضحكتيني على سالفة هيفا وخفتي انها اتوهقكم مع البابا .. انا حاسه في المواقف مقاريد ادري اتصير في احسن العايلات ههههههههههههه جم مره نشوف افلام حدها عاااااااااديه جدا جدا وبحزه ابوي او امي .. يطلع شي يفشل !!! حده قصة ويه :(

    يسلمووووووووووو على البوست :**

    ردحذف
  2. هللو

    تستاهل أختنا فيشة، ويعطيج العافية رورو على البوست الحلو، من الأفلام اللي شفتها من بوستج:


    ( برايد وارز ) ما رحتله سينما، شريته سي دي، شفته وعجبني وخاصة لما يسبون بعض ويتطاققون خخخ وفي بدايات الفلم حسيت كل وحدة فيهم ميتين ع الزواج وخاصة سالفة الخاتم متى يهديها ياه. الفلم حلو، لكنه مألوف يعني مو بالقصة اليديدة.


    في فيلم انتي ذكرتيه بس مو حاطة صورته وهو ( 13 غوينغ أون 30 ) حده عجيب احب هالنوعية من الأفلام، وكانوا باطين جبدي رفيجاتها لما يو عيد ميلادها ينرفزون بس بالاخير وعلى نهاية الفلم لما ردت لعمرها مرة ثانية صبت القهوة عليها خخخ الفيلم خذيته سي دي وكل فترة أشوفه ومرات يحطونه على 2 وهم أشوفه ما ينمل منه ويضحك بنفس الوقت. أما 17 أقين للأسف نزل بالسينما بس كان وقت امتحانات فاينل وماقدرت أروحله شكله حده حلو لأن اعلانه حيل جذبني. مناحي شفته على روتانا سينما من جم شهر لمدة نص ساعة ولحد الحين مو مستوعب شلون شفته، لوع جبدي استغفرالله مذل الشاذي مع شعره، دكان شحاته بدون ما أشوفه، ماحبيته، وعلى فكرة وايد مدحوا هيفا فيه وإن مواهبها بالتمثيل طلعت رغم انه أول عمل لها ووايد يتمنون تهد الغناء وتتجه للتمثيل بس مع هذا مابي أشوفه لأن ما أحب هالنوعية من الأفلام هذا غير الممثلين الأرف الي فيه مثل محمود حميدة الجامد وغادة عبدالرازق. وبالنسبة حق فيلم تولايت ما أحب هالنوعية من الأفلام وأحسها قريبة من الخيال بإن بنت تحب مصاص دماء مادري شلون أحب الخيال بس مو هالنوعية، يذكرني بمسلسل بافي لما تحب مصاص دماء، وأحسها حق المراهقين..

    طماشة

    ردحذف
  3. هلا فيشه..

    العفو ولو تستاهلين اكثر..

    اي شلون خخخ و اي نهايته بايخه..
    الفلم الثاني ..اي ركضونا الله يهداهما بسرعه بسرعه مامدنا نستوعب خخخ..
    الفلم الثالث .. اي مره ويخب..مي تو توقعته كوميدي اكثر والنهايه صدمه @@

    زين اشوه في فيلم نيو خخ..

    مناحي اي مايستاهل ..

    اي قطع تتسلط هالقطات او الدعايات البايخه..

    وحياج الله خيتو..

    ردحذف
  4. هلا اخوي طماشه..

    الله يعافيك يارب مشكوره..

    حرب العرايس انا كرهت هاللقطة واي حسيته مو خوش موقف بين رفيجات..اي استغربت اول مره شفت اجانب مطافيق زواج خخ اي صح توقعته وايد احلى من جذي..

    اي 13 قوينق 30 عجيب حبيته ماتكلمت عنه لانه كنت منزله عنه بوست من قبل..
    ورفيجاتها هذيل اهي تلزق فيها انا اهي اللي بطت جبدي شلون تذل لهم.. واهو احلى فيلم شفته..

    17 اقين انا شفته بالديفيدي قبل لا ينزل بالسينما ..

    ومناحي اختي كانت تبينا نروحله بالسينما تقول تشجيع للمنتج الخليجي ..

    مادر بس هيفا وايد تتدلع بشكل خايس واهي تمثل انها بنت البلد مو ضابط هالشي مع الدلع !

    تولايت حلو وخفيف ويقولون في جزئين منهم بعد بس يبيله تضبيط..

    حياك الله اخوي..

    ردحذف
  5. هلا رورو

    برايد وارز انا نزلته من النت اهوا حلو بس مو مال سينما حده البيت وقصته عاديه تتوقعين شنو بيصير

    17 اقين بعد نزلته من النت طول الوقت بس اطوف بشوف شنو اخخرتها 1كرني في 13 قووينج 30 وما عجبني

    ودكان شحاته قطع هيفا تلوع الجبد ويا حركاتها تفشل ما حبيته

    مشكوره على البوست :)

    ردحذف
  6. قوه رورو حبيبتي؟ فقدتج ياخيتي مادري ليش قلت ماني مقيله ليمن اكتب شي عندج

    الفلم الاول شفته من زمان كان حلو وايد عجبني .. لأني ماحب النهايات المثاليه بس حبيته مادري ليش .. اهي تشارليز ثيرون تمثل الدور جنه صج صج .. روعه

    الفلم الثاني مافكرت اشوفه كله اشوف لقطات لأني حاسته فوق المبالغ فيه ولا شرايج؟

    فلم 17 اقين عجبني بس ماحب هالممثل ... وحبيت نهايته لأنها فيها رساله ... حق الريايل علشان يحسون
    بس فيه بعض المشاهد اللي تبط الجبد لمن بنته تتقرب منه امبيه شعر ينبي وقف

    مممممم

    ودكان شحاته ماشفته .. كملي عاد علشان اشوف يسوى ولا لا؟

    ردحذف
  7. هلا والله جاي..

    اي توقعت حرب العرايس بيكون اقوى بس مصاخه هالرفيجات كل شي يصير لهم بنفس الوقت ..

    17 اقين اي مثل 13 بس مو قوي كثره ..

    وهيفا الله يهداها يارب ..

    والعفو ولو حياج الله..

    ردحذف
  8. هلا والله الوتين..

    ازيك؟؟

    ماتفقدين غالي يارب بعد عمري ونوم العوافي مقدما..

    ع الطاري مره سالتي برابطة دوادات الكتب عن كانبه سعوديه مادري اذا ذكرتيها او لا بس رديت عليج وهم لا ادري اذا شفتي ردي او لا اهي قماشه العليان ..

    الفلم الاول اي الممثله ضابطه دورها ماشاءالله والنهايه انا عكسج احب النهايه السعيده تعطيني امل :)

    الفلم الثاني انا احب الافلام الغريبه بس اهو عيبه انا الاحداث سرعه بسرعه يعني تشوفينه وجنج تركضين حلو اذا بتسوين رجيم :) وفي منه كتاب وسوا له جزء 2 وبعد جزء جنه..

    فلم 17 اقين ماتحبين زاك ؟؟ عاد شكله حلو خخ رحت جيكت ع مواليده طلع مثل مواليدي بس اصغر مني بجم شهر مادري شفيني صرت مراهقة ع كبر خخ ... اي صاجه حلوه انه له هدف وللكل مو بس الرياييل واي ويع بنته تبط الجبد لا ومخليني امثل بدالها جان الحين انا بربوع صليبخات خخ..

    دكان شحاته اختي كملته بروحها اهي اهي مو وايد احب اشوف افلام بروحي احس اني قطوه يتيمه خخ اختي ماعجبها اما اخوي يمدحه ..

    وياختي هيفا ماتشجع تشوفينه وكافي دعايته مبيمه القصه..

    مشكوره وحياج الله..

    ردحذف
  9. رورو من زمان كنت بعلق ع البوست بس ماكان يسير ليش مادري :(

    ع الافل

    مناح من البوستر ماله ماشجعني ومبين انه ملييق

    ودكان شحااته بعيدا عن مصاخه هيقاء وهبي

    الفلم روووعه ويبجي من قلب:(


    مشكووره

    ردحذف
  10. هلا وحده ..

    اهو البلوقات متنحه هالايام مادري شفيها ..

    ساعات البوستر يكون عادي بس الفيلم حلو مو مقياس وجنه شفت دعايته تشد اكثر من الفيلم نفسه ..

    صج انا ماكملته واختي ذمته فماتشجعت اشوفه بس لي فضيت ان شاءالله اكمله..

    العفو ولو..

    حياج الله..

    ردحذف
  11. نوفمبر ما قدرت اكمله من ملاغته

    ويييع كيانو قام يخورها بالافلام من اخس الافلام اللي شفتهم

    ردحذف
  12. هلا موم..

    انا توقعته احلى رفيجاتي مادحينه لي ..

    ماشفته الا بهالفيلم سو ماقدر احكم..

    عموما لج وحشه خيتو..

    ونورتي..

    ردحذف
  13. القصة حدها ركيكه و ماكو ترابط بالأحداث

    أنصحج تسوفين له
    The Devil's Advocate

    خوووش فيلم

    ردحذف
  14. هلا موم..

    مو مالت فيلم ماكو احداث وايد..

    ان شاءالله بدوره..

    مشكوره..

    ردحذف
  15. إي رورو اهي قماشة العليان .. الله يذكرج بالشهادة

    حبيت روايتها جدا وكانت من بدايات قرائتي لاني مابديت إلا متأخرة بالاطلاع

    يعطيج العافية حبيبتي

    أقول .. رورو .. ودي تقرين رواية شقيقان .. بس تدرين عاد؟ هالمرة نسيت كاتبها هيهيهي .. صج وهقة آنا


    حافظج ربي يالغالية

    ردحذف
  16. مشكووووووره على الموجز رورو:) ودي اشوف دكان شحاته وصج هيفا مبين عليها الكبر الفتره الأخيره بس هم إنجاز لأنه اعتقد انها بالأربعينات بس حالها حال نجوم هوليود بس اهي اللي بعمرها هناك مبينه اكبر منهم

    ردحذف

دوركم تشخبطون :)