الجمعة، ٢٥ سبتمبر ٢٠٠٩

الان نفتح الصندوق 1،2


السلام ..

بيصيرلي شهر ونص ماقريت :( بس اشوه رديت اقرا بهالعطله ..

وهالمره يبت لكم كتاب عباره عن جزئين محتواه عباره عن مجموعه قصصيه تحت عنوان الان نفتح الصندوق والان نفتح الصندوق 2..
الاول قريته بشهر 3 فناسيه محتواه بس توني قريت ع الطاير ولقيت جم معلومه تستحق الذكر..

فالبدايه اعرفكم على بطلنا اليوم يدعى د.محفوظ استاذ للأدب الانجليزي والواضح من النبذه الخلفيه للكتب انه توفى وتم العثور على صندوق في قبو داره يحتوي على مذكراتها لاحداث وتجارب غريبه وقد تكون مرعبه خاضها في حياتها .
ج1:





النبذه الخلفيه :


لم يترك لنا الدكتور (محفوظ) إلا هذا الصندوق في قبو داره .. الصندوق
يحوي
مذكرات وملاحظات عن تلك القصص الغريبة التي مرت به في حياته.. تعالوا نفتح
الصندوق
الآن.. تعالوا نشعل شمعة تبدد ظلام القبو ونطالع واحدة من تلك القصص..


وفيه تناول العديد من القضايا والتجارب على سبيل المثال:
-كاكل لحوم البشر في قصة العشاء.
- وتجربة الدنو من الموت في قصة ت.د.م .
-الاحتراق بالعقل . في قصة سابكي كثيرا ... وهذا التجربه يقصد بها القدره على اشعال النار او تحريكها ذهنيا وتتم اما بشكل عفويا او متعمد(بالوقت اللي كنت اقرا هالقصه كنت بالسيارة وانا مندمجة ماوعيت الا بحس سيارة إسعاف اخترعت قلت وي صارت @@)

كما ذكر بعض التعاريف العامه في قصة استبصار..

-التقمص العاطفي :هو انه باستطاعتي ان اشعر بما تشعر به ..

- الحدس: وهي تعني رؤية ماسيحدث في المستقبل .
- الاستبصار : تعني رية اشياء تحدث لكن ليست امامي .

ولقد اعجبني صياغة قصة المكحله فهي عباره عن مجموعة رسائل مرتبه حسب تاريخ كتابتها من الاحدث حتى الاقدم ومن خلالها نتعرف على التغيرات التي مست لغتنا و نتعرف على مسميات والقاب المستخدمه باغلب العصور على مستوى مصر تقريبا ومن خلالها نستطيع التعرف ع الحقبه الزمنيه التي كتبت فيها.

بعض المعتقدات مثل الفتيش وهي ولا مابي اشرح اخاف صج ..


ننتقل للجزء ال2..


النبذه الخلفية:
ما زلنا مع الصندوق العجيب الذي تركه لنا د. محفوظ.. تذكرون أن الرجل مات
فقيرًا فلم يترك لنا إلا هذا الصندوق في قبو داره .. الصندوق لم يفرغ بعد فما زالت
فيه حكايات وملاحظات عن تلك القصص الغريبة التي مرت به في حياته.. من جديد اقتربوا
.. تعالوا نفتح الصندوق الآن.. تعالوا نشعل شمعة تبدد ظلام القبو ونطالع قصة جديدة
من تلك القصص


من وجهة نظري هو افضل من الجزء الاول ..

ويحتوي كذلك على بعض الاساطير مثل اسطورة الايرالندي تدعى البانشي وهي عباره عن جنيه تعوي خارج البيت فيعرف سكانه ان احد من افراد اسرته سيموت .(قصة الباكية)

معتقد في المانيا يتم في 24 ابريل او عموما يدعى السائر المزدوج او القرين هو ان من يرى مرتين بهذه الليله وتحديدا منتصف الليل سيموت هذا العام!! (قصة الحفل)

معلومات عامه:
جمع استاذ= اساتيذ ..
سن ال7 سنوات يدعى سن روبينسون وهو سن الاكتشاف والمعرفه .
ان الاحلام تتم في مرحلة )REM) وهي مرحلة حركه العين السريعه وتم اكتشافها بمنتصف القرن الماضي تحديد 1952 اكتشقها العلمان كلايتمان وارسينسكي ويقولان انها مهمة لنمو المخ ولتدعيم ذكريات النوم ، واننا اثناء الحلم تترتخي عضلات حتى لا نقوم بحركات مماثله لما نحلم به.
وان الانسان يقضي 6 اعوام من حياته يحلم..
وبالهند اساتذة اليوجا قالوا اننا نحلم ل7 اسباب وهي :
(مارايناه –ماسمعناه – ماخبرناه- مانتمنى ان نجربه –مانحن مرغمون على ان نجربه –ماتخيلناه –ماهي طبيعية اجسامنا) << هذه المعلومات وردت بقصة احلام احلام.

وبس ..

قبل لااختم تحصلونه بفيرجن ..
وبسالكم الدايموند بوك سكروها :(


هناك ٢٦ تعليقًا:

  1. هلا اختي رورو، بالنسبة لمكتبة " دايموند بوك " خلاص سكرت بسبب مشاكل مادية، وحتى كتابها طلعوا منها. وغذا على اصداراتهم انا عن نفسي أروح العجيري هناك عندهم زاوية حق ما تبقى من اصدارات دايموند بوك.
    بالنسبة حق الان نفتح الصندوق1 الصراحة حيل عجبني كلامج عنه مع انه موجود عندي وقلتلج اني قاطه ولا فكرت اقراه بس من بعد كلامج شكلي برجع اقراه! مع شكله كلش ما يشجع مرة حطيته يمي ع الطاولة يمكن اسحبه واقراه وقريت جم صفحة وسكرته.. بس اذا القصص من هالنوعية عيل ليش مو قادر اقراه! والمشكلة انا بعد صارلي تقريبًا اسبوعين مو قاري شي مع ان قبل هالاسبوعين كنت قاعد اقرا روايات قاريها من زمان بس الظاهر وبجرب اقراه وان عجبني باخذ الجزء الثاني.

    يعطيج العافية..

    طماشة

    ردحذف
  2. هلا اخوي طماشه..

    وي حسافه عاد احبها ..

    اصدارتها جنه بعد موجود بفيرجن ماخلصت بس كنت ابي كتب د.احمد توفيق اليديده توني جيكت بالنت لقيته منزل كتاب رعب يديد غير القديم اللي كنت ابيه مو محصلته بالكويت ومنزل كتاب 2 جنه اجتماعي ..

    عاد العجيري حبيتها مع انه عمري مارحت لها بس من لما دريت انه فيها روايات الجيب وكتب مصر وكتب ممنوعه ماتحصله لا بالجرير ولا بذات السلاسل ولا فيرجن..

    اي اهو الاول مو وايد حلو حبيت ال2 اكثر بس عموما في معلومات حلوه ..

    ان شاءالله ..

    حتى انا قطعت عن القراءه برمضان و قبله كنت اجازه 3 اسابيع ماقريت فيهم كتاب كامل !!

    بس هالاسبوع قريت يمكن اربعه من ماوراء الطبيعه وقريت الان نفتح الصندوق 2 وبلشت بكتاب لغة الجسد تقريبا قريت 100 ص منه ..

    الله يعافيك يارب..

    مشكور ..

    ردحذف
  3. هلا أختي رورو، اي العجيري فيه وايد أشياء غبار، واذا تبين أي رواية أو قصة قديمة وروايات الجيب تلقينهم هناك.. مع ان جرير وايد زينة ومنظمة لكني ما ارتاحلها كثر العجيري. واذا حاطة عينج على جم كتاب حق أحمد توفيق أنا برايي إنج تروحين تيمعين من ألحين لان منتجات دايموند قاعدة تختفي تدريجيا وان تأخرتي ما راح تحصلينهم، مشكلة دور النشر ما يمديها تفتح فترة الا صارت شي وتسكرت.. حتى مكتبة " الضمني " اللي من ميزاتها انها توصل كتب ورويات وقصص للبيوت هذي الثانية بعد سكرت..

    ردحذف
  4. لا اخوي..

    اي ماتدري اذا يشاركون بمعرض الكتاب او لا؟؟

    مااحبها جرير مره رحت لها مافيها اللي ابي فيرجن احلى ..

    اتوقع اغلب ملوت دايموند بوك ملوته شريتهم اللي ابيهم يدد مو من دايموند ..

    اي للاسف..

    اي الظمني سووا تصفيه وسكروها رحت لها مرتين حسافه عاد ..

    انا بمسك عمري وماراح اشتري كتب لي معرض الكتاب ان شاءالله لانه عندي وايد كتب ماقريتهم توني..

    مشكور..

    ردحذف
  5. هلا رورو، وانا أقول بعد نطري معرض الكتاب ولا المرمطة من مكان لي مكان، ع الاقل هناك المكاتب يم بعض واعتقد المعرض راح يفتح 23/10 أو 26/10 وانا بعد ناطره مناطر في روايات وايد حاط عيني عليها حق عبد الوهاب السيد وللأسف انها من دايموند بوك وخوفج تروحين هناك وماتلقين المكتبة الله يعين، لكن ان شالله ان فتح بدور المعرض ومابخلي مكتبة الا واشوف شنو عندهم..

    طماشة

    ردحذف
  6. هلا اخوي..

    لا جنه ب28 -10 لي 7-11..

    وانا ماحب اطلع وايد استثقلها وكل شي بعيد مالي خلق الطريج..

    واللي قريبه مافيها هالسوالف ..

    اتوقع تحصلهم و اتوقع راح مع دار نشر يديده مثل د.احمد توفيق توني جيكت ويكيبيديا انه عنده كتب يدد ..
    رسائل الخوف الجزء الأول إصدار 2009 (قريبا)
    رسائل الخوف الجزء الثاني إصدار 2009 (قريبا)

    كاهو المصدر..

    http://ar.wikipedia.org/wiki/%D8%B9%D8%A8%D8%AF_%D8%A7%D9%84%D9%88%D9%87%D8%A7%D8%A8_%D8%A7%D9%84%D8%B3%D9%8A%D8%AF

    انا بروح له بس مو باول الايام وباخذ البرشور وبهز لستتي لانه اول مره اروح له بحياتي فماعرف شلون صاير..

    ومشكور اخوي..

    ردحذف
  7. مشكورةأختي رورو، وبالفعل هالروايتين راح يصدرهم وعنده رواية ثالثة راح ينزلها بعد جم شهر من المعرض هذا اللي اعرفه، وبانتظار المعرض.. وتسلمين ع اللنك..

    ردحذف
  8. العفو ولو حياك الله..

    ماشاءالله الله يوفقه يارب..

    الله يسلمك يارب..

    واذا ثبت انه راح بلاتينيوم بوك للطباعة والنشر..

    زين اشوه انهم موجودين..

    ردحذف
  9. رورو اخاف الاسعاف اللي مرت يمج مالتنا :P

    انا توني حايشتني حالة الادمان على القراءة

    شريت كتاب اساطير الاغريق احب هالسوالف

    والعجيري فيها رف كامل حق اصدارات دايموند بس ماخذيت منهم شي

    والسلاسل انا مو حابه مكانها اليديد عندي مكانها القديم احلى

    ردحذف
  10. هلا فيشه..

    خخ كانت الظهر صوب الجامعه(الشويخ) لو ادري لحقتها خخ ..

    اي هذا احلى ادمان توني قريت قصتين من ماوراء الطبيعه الا بخلصهم خخ..

    مدام تحبين الاساطير جربي ماوراء الطبيعه في اساطير من مختلف الدول و اغلبهم حبيتهم راح انزل بوست عنهم بس لما خلص التعش كلهم :) ان شاءالله..

    وباركيلي جهزت بوست مال الافلام حقج وحطيت تعليق بالنيابه عنج فيه خخخ ..

    اي العجيري متشوق اروحلها اذا ماحصلتها بالمعرض بروح لها ان شاءالله ..

    انتي تروحين اي واحده انا كل احوس فيها بالدوام ..

    ومشكوره خيتو..

    ردحذف
  11. الي شوقني لقرائة الكتاب هو قصة
    وافه الدكتور وعصورهم على الصندوق
    احس القصة من بدايتها اكشن هههههه

    اساتيذ .. ؟
    يعني اساتذة غلط ؟
    غريبة
    بس خوش نبذة عن الكتاب ومعلومات حلوووة
    شكراً ودمتي بود يا مفرد اساتيذ

    ردحذف
  12. هلا اخوي نمول..

    اي فكرتها حلوه وفي قصة الحفل بالجزء ال2 اكشن عجبني..

    رحت جيكت بقوقل في اجتهادات شخصيه بمنتديات بس حجي اكيد والله مادري بس هذا كلام اونكل احمد :)

    مشكور..

    العفو ولو..

    حياك الله..

    والله يسمع منك واصير استاذه.. لا دختوره يارب..

    ردحذف
  13. اي هالكتاب صج حلو ويونس
    تصدقين انا توني ادري انه سكرت والله حسافه

    مو صج أبييه !

    والله توني أدري :(

    ردحذف
  14. كتبت لج رد شطوووله اليوم بس الكونيكشن بط جبدي وراح كل شي :<

    السلاسل اللي بالسالميه جنج رايحه دانا سنتر عند الاشاره بالضبط .. تبط الجبد ماكو حقها مصافط

    وتوني ادري انه الكشك المجكنم اللي بسوق شرق طلعت مكتبه السلاسل :>

    انتي عيل تروحين اي وحده فيهم ؟

    انزين في مكتبه اللي بالمثنى اتهقين فيها شي يسوا ؟

    مبرووووووووووووووووووووووووووووووووووك اخيييييييييييييييرا .. يالله ناااطره بشوووف اي فلم اخترتي :))

    الله يعطيج العافيه :>

    ردحذف
  15. قوة
    انا قريت الجزء الاول وكان زويين
    ماكنت ادري ان في جزء ثاني !! مشكوورة على البوست نبهتيني :)
    اصدارات دايموند حلوة تزنس وعندهم سوالف تخليج تندمجين .. واذا تحبين كتبهم دشي موقعهم يحطون كل الكتب اليديدة تقدرين تطلبينها او تشترينها من المعرض...

    مابقى شي على معرض الكتاب الياي ان شالله نشوفج هناك؟
    :*

    ردحذف
  16. هلا Faith..

    اي حسافه..

    بس اتوقع تحصلينه بفيرجن او مثل ماقالوا طماشه و فيشه بالعجيري ..


    وحياج الله اختي..

    ردحذف
  17. هلا فيشه..

    وي حسافه انا قمت اسوي كوبي لردي احتياط..


    اها ماعمري رحت لهذي انا الوحيده اللي مااعاني من سالفة المسافط..

    اللي بالنص؟

    اروح اللي بمجمع الوزارات ..

    رحت لها اخر 12 جنه مافيها شي واغلب اللي فيها انجليزي اكثر شي اشتري كتبي من فيرجن..

    ع البركه وايد افلام خخ بالجمله عشان غصب اطلع واحد يعجبج..

    والله يعافيج يارب ..

    حياج الله..

    ردحذف
  18. هلا والله انجل..

    اي انا حبيت ال2 اكثر..

    اي صح واغلب اصدارتهم عندي خصوصا ملوت د.احمد توفيق..

    لا وي اعرفه سايتهم بس الحين اختفى ادشه ماكو شي @@ يقولون سكرت..

    اي ع خير ان شاءالله..

    ردحذف
  19. هلا والله انجل..

    اي انا حبيت ال2 اكثر..

    اي صح واغلب اصدارتهم عندي خصوصا ملوت د.احمد توفيق..

    لا وي اعرفه سايتهم بس الحين اختفى ادشه ماكو شي @@ يقولون سكرت..

    اي ع خير ان شاءالله..

    حياج الله..

    ردحذف
  20. هاي

    اللي أعرفه ان صاحب دايموند بوك عليه مشاكل وخله الشراكة تفل عنه وحصلت على حقوق النشر شركة بلاتينيوم بوك للنشر ، اللي أعرفه اصحابها 4 شباب كويتيين وواحد منهم واصل واصل جدا من البلد ( ما يبيله يعني ... ) ، يارب تستمر ونقرا كتبها


    وتصدقون عاد عبدالوهاب السيد كتبه ( رسائل الخوف 1 و رسائل الخوف 2 ) حصلت على المركز الاول في معرض الكتاب والأكثر مبيعا !!

    حتا الكاتب أحمد الحيدر حصل بكتابه الجديد خنفروش على مبيعات عالية

    ردحذف
  21. وهذا موقعهم افتتحوه مع بداية معرض الكتاب وعندهم منتدى بعد للقراء وللكتاب


    www.platinum-book.com

    ردحذف
  22. هلا غير معروف..

    اي مريتها مرتين مو شي مقارنه بدايموند بوك اغلب كتابها يدد دايموند بوك كان فيها د. احمد ود.نبيل والخ اقوي بهالمجال حسافه عليهم..

    شريت رسايل وبنزل بوست عنه خلصت الاول وباجيلي ال2 وهم خذيت خنفروش ونزلت عنه..

    وشكرا ع الرد وشكرا ع السايت..

    ردحذف
  23. في جروب جديد لدايموند بوك فتح في الفيس بوك بيقول أنها راجعة تاني، وهيبقى في انتاج لد.أحمد خالد توفيق جديد، ده خبر عرفته منذ عدة أيام عندما وصلتني الدعوة للجروب و قررت ان أخبركن يا بنات

    ردحذف
  24. هلا نوره ..

    وناسه خل اجيك بالفيس بوك ..

    مشكوره..

    ردحذف
  25. هاي

    رورو الشخبوطة

    دكتور احمد خالد توفيق ودكتور نبيل فاروق منزلين اصدارات جديدة لـ بلاتينيوم بوك وحتا منزلين لعديد من الكتاب الكبار

    اصداراتهم اليديدة وايد حلوة شوفيها واللي بتطلع اعلنوا عن بعضها احلى

    ردحذف
  26. nora

    ده مجرد كلام جرايد دكتور احمد ماعاد يكتب لدايموند لان عليها مشاكل عملت طلبيات واخذت فلوسنا على لابتوبات وكتب وآخر شي اختفت واختفى صاحبها وعمل مشاكل لنا واللي اعرفه والكل يعرفه بلاتينيوم امتلكت الاصدارات

    ردحذف

دوركم تشخبطون :)