الأحد، ٢٠ سبتمبر ٢٠٠٩

عيدكم المبارك (العيد ذكريات واهداءات)

السلام عليكم..
وكل عام وانتو بخير ..
وتقبل الله طاعتكم يارب..
ابلش بالاهداءات لكل المدونين والمدونات سواء اللي اتابعهم او يتابعوني ..





مثل ماوعدتج شاي هذيل صباراتي والتصوير تصوير اختي لاحد مشاريعي بالجامعه ..



اهداء ليابختي واي احد يحب الجباتي هذا طلبته بالعطله قبل رمضان خخ ياحلات المطعم الهندي مال الفرع تطلب كل شي بدينار اذا مو اقل..



صار دور الذكريات..
حتى العيادي صارت ماضي ويح قلبي اهي اهي بس لي تزوجت برد اخذ عيديه :)
اهم شي لي تزوجت بعولتي مايكون قاري او عارف بلوقي :)





التطقسم او التطخيم ع قولت مامي وبابي انا واختي اللي اصغر مني بسنتين كل نلبس مثل بعض بالعيد ويت فتره حتى اختي الصغيره تلبس مثلنا اشكر امي مالها خلق تدور :)






اخييه دوارفع العيد وخاصه ملوت جمعية الفيحا :)






الحنه من بالليل نحطها ونغسلها الصبح وايدنا تهورنا اح بس وناسه احس شي مهم وخاصه بالعيد ..




صلاة العيد اهي موجوده بس مو كل مره اروح لها اذكر اول لازم نروح وكان المصلى بالبراحه اللي ورا بيتنا وكنا نمد لهم وايرات من كهربتنا وعقب غيروا مكانه رحنا للمنطقه اللي يمنا وكان زحمه وفي نمل كبار اصلي متصروعه :)
وكافي حس اذان صلاة العيد غير وجوده يحسسني بالعيد..
انا لي المتوسطه تقريبا وقعدت 5 سنين مارحت صلاة العيد لما رحت لها كنت فاقده الذاكره امبيه استغفرالله بدعت فيها ..
ومره 2 رحت لها وانا اعرف وحزت ركوعي توني مجندسه ماوعيت الا هاللي داعمتني خطر لا تطيرني استغفرالله ضحكت ..
ومره وحده دعمت يارتنا جان تركض وراها بتطقها وخلت الصلاة خخ..

وهم لما كنت اصغيره كنت لابسه تنوره وحده قعدت عليها واي زين مابجيت :(
وايد مواقف غيرها بس ماطول عليكم..

وي خلص البوست :)
اول وتالي حلات العيد بيمعة الاهل وهالسنه ماحس في عيد لاني فقدت حبية قلبي ديده الله يرحمها يارب توفت بنص رمضان فيني بجوه :(
كنت عادي ماروح لاحد الا اهي اميمتي :(
اخيييه...
كالعاده دوركم الحين مو تبجون انا ببجي بروحي ..
شنو اهم شي له ذكرى حلوه عندكم بالعيد ؟؟

هناك ٣٢ تعليقًا:

  1. رووورووووو طيحتي صبارتي من عيني :((((( ماااااااااااابي مااااااااابي صبارتي قبيحه ويع مو حلوه خايسه مابيها :((( ابي نفس مالتج


    ((اهم شي لي تزوجت بعولتي مايكون قاري او عارف بلوقي )))

    لووووول اول ما قريته ما استوعبت قلت شنو ناويه تتزوج قاري؟! (دراجه) شكلي حدي مقفله ههههههه

    انا وزعفرانه تونه مسوين هجوم ومقعدين امي من النوم نبي عيادي وكانت دارها ظلمه طلعت بوكها جان نشوف الحمره (10 دنانير) خخخخ طبينه فوقها ونسحب بوكها ونتهاوش جان تقول صبرررررروا جان تعطي زعفرانه عشره طبعا كل وحده والي يطلع لها لان امي مو قاعده تشوف شي وانا طلعلي عــــشـــــريــــن ههههه واختي الكبيره ما طلعلها شي جان تدور امي وعطت زعفرانه بعد دينار وانا دينار يعني صار عندها 11 وانا 21 ولما قامت تصلي واستوعبت قالت لنه يالله ردوا العيادي (طبعاً بالأحلاااااااااام) ههههههه


    هم انا وزعفرانه كنه نلبس نفس الشي بس مو بالعيد بالأيام العاديه


    اللللله ايام دوارف الفيحا كنه نروح الدوارف وناسه والصبيان الي معانه يشترون جراغي بعدين نرد بيت يدي ونلعب بالجراغي وكنه نشتري حلاو جلي

    والحنه ما احبها ولا احب ريحتها

    وصلاة العيد اذكر بالمتوسط والثانوي كنت اروح المسجد الكبير وكنت استانس اشوف الهنود كاشخين والكشاكش الالوان تحسين صج عيد وانشالله بعد شوي ناويه اروح اذا لقيت احد ايي معاي لان صج بخاطري اروح


    وبالنسبه لذكرى العيد ... شي اكيد كانت ايام قبل لما كنه صغار كنه نزهب هدومنه من الليل ومن الصبح نروح بيت يدي والعصر دوارف العيد وبليل عشانه من هانجري باني

    بس الحين ما احس عيد مو وناسه وانا صارلي 3 سنوات كله اكون مسافره وهالسنه ما سافرت :( وهالعيد ما شريت ولا شي ولا فكرت ادور بالسوق .. فالي راح يصير اني بروح بيت يدي من الصبح بعايد عليه وبرد بيتنه اقعد لما يخلص العيد وتخف الزحمه لان طفارتي الزحمه

    مشكوره رورو على البوست :)

    ردحذف
  2. عيدج مبارك أختي رورو

    تبين الصراحة! أنا أكره العيد وتحوشني ضيقة وغلقة من يصير، لا تسأليني ليش، مادري وخاصة وقت العصاري أووف ملل مو طبيعي.. وطبعي ما يحب يطلع ولا مكان لأن كل مكان زحمة والناس جنها مفجوعة ع المطاعم والمجمعات والسينمات، وما أعتقد اطلع وأروح مكان الا بعد شهر على ما تصير الدوامات والناس تنشغل. هالعيد عندي وايد بايخ لعدة أسباب.. عمتي حبيبتي توفت السنة اللي طافت وهالعيد مفتقدها حيييل وبعدها بشهرين توفت يدتي وهم بعد وجودها حيل مبين. والحين هالعيد راح يسوونه في بيت عمتي الثانية لان العادة بيت يدتي ويدتي توفت ف ماعندنا أحد عود يعني الأخوان يسلمون على بعض.. ما احب العيد كلش. أما ذكريات قبل صج صج وناسة. لما يصير وقت الغدا وكل الخالات والأخوال واليهال يتيمعون ع السفرة وتكون يدتي طالبة من مطعم ويفرشون ع الأرض سفرة طويلة، وكل واحد لابس لبسه ومستانس. لول وأذكر من زمان حيل خالي قال تعالوا اوقفوا طابور بوزع عيادي عليكم لوول عاد هذا خالي معروف ما يوزع وكلنا استغربنا انه بيوزع، ووقتها كان عمري 7 سنوات. لول عطى حق الكبار نص والي على عمري ربع لوووووول ضحكنا ضحك وقتها. وكنا دايمًا بالعيد أبوي يودينا يو البحار قبل الترميم والتعديل مادري ليش كنا نروح هناك كل عيد خخخخ..
    ومرات الخليجية، وبعدها مطعم. شنو حلوة أيام قبل..
    تسلمين رورو ع البوست..

    وتقبل الله طاعتج

    طماشة

    ردحذف
  3. كل عام وانتم بخير

    تمنياتي بقضاء عيد سعيد

    ردحذف
  4. هلا شايونه..

    صبارتي قديمه شاريتها باخر 2007 من جمعية الشاميه ..

    لو موجوده ماتغلا عليج ..

    خخخ اي انا لما قريتها فكرة مثل تفكيرج وكنت بوضح بس قلت واضحه خخ ع ابو تنفهم من سياق الحجي..

    وناسه خخ كل عام وعايلتج بخير يارب..

    احنا باغلب الهدوم حتى البجايم والمايوهات لما كنت بالابتدائي ..

    اوه ذكريات مشنكه وناسه نطاطيه الديناصور مادري اذا موجود الحين او انقرضت..

    انتي مدلعه ماعشني طفولتنا خخ لاحنه ولا عجفه ..

    انا اذا الله كتب وصار عندي بنات بحط لهم حنه ..

    وناسه بالمسيد الكبير انا احب المصليات المفتوحه اشرح عندي من المسايد يمكن لانه صارلي مواقف مش ولا بد فيها خخخ..

    بشري ان شاءالله رحتي؟؟

    وتقريبا مثل ذكرياتي ..

    ومثل ماقمت احس بزهوة العيد..

    والعفو ولو..

    حياج الله ..

    ردحذف
  5. هلا اخوي طماشه..

    عساك من العايدين والفايزين وايامك سعيده يارب..

    اي استغفرالله راحت زهوة العيد مو مثل قبل :(

    اي كلش مارتاح بالزحمه مانقدر نسوي شي اسمها طلعه ع الفاضي :(

    والله يرحمهم يارب اي فراق الغاليين صعب الله يصبركم يارب..


    اول الربع يسوي شغل وكافي عطاكم :)

    وناسه البحاره احب العابه التراثيه واللي تلعب وتربح والحنطور واغاني الهنود فلان بطاطه خخ..

    اي حلوه هذيك الايام ببساطتها ..

    منا ومنكم صالح الاعمال يارب..

    جزاك الله خير..

    والله يسلمك يارب..

    حياك الله..

    ردحذف
  6. هلا اقصوصه..

    وانتي بخير يارب..

    اجمعين يارب ..

    تمنيت تقولين لنا عن العيد عنكم بالامارات..

    وحياج الله اختي..

    ردحذف
  7. ههههههههههههه امبيه ضحكتيني يارورو

    اول شي من العايدين ان شالله دوم :)
    ياخيتي مادري شسالفة العيد؟ واحنا صغار كانت الدنيا ماهي سايعتنا من الوناسه وعلى قولتج الحنه من بالليل حاطينها وامي لافه ايدنا بورق سيلوفان جنا صمونه ولافتها بغتره مادري ليش بتنحاش ايدنا !!! وبدلة العيد طبعا لااااااااااازم يمنا واحنا نايمين يمكن تنحاش همن !! مايندرى .. ودوارف الفيحا مادري كنا قز يعني ههههههه لا وابوي يب يكشخنا يودمينا عقب حديقة الشويخ القديمه وعقب البحر .. تدين لو احد يسوي فيني هالحركه الحين شسوي؟ احذفه بالبح واقط عمري بعد وراه .. مادري ياخيتي ليش العيد لمن كبرنا صار ممل !!! صرت استانس من وناسة اليهال لمن اشوفهم يلعبون ولا لمن ايوني واذلهم علشان اعطيهم العيدييه .. لازم يغنون لي (مضيعه حالها حال القرقيعان هاهاهااااااي)وبعدين يبوسونس واحد واحد وبعدين انقدهم عيديتهم8_*

    اليوم من الساعه 9 ليمن الحين توني راده من الصالون ونمت اهناك بعد والبرافين ذكرني بالحنه لمن يلفون ايدي ياتني البجوه لمن تذكرت بس كان فيني نوم فالبجوه طلعت من النعاس لول .. وللأسف للأسف لازم انروح اليوم زوارات انفر الكويت كلها وانرد بالليل .. فا هاذا المليق بالموضوع بوس واكل ماكو شغل :\

    كل عام وانتي بخير يارورو وان شالله ريلج المستقبلي مايقرا هالبوست :s

    ردحذف
  8. هلا الوتين..

    اجمعين يارب مشكوره..

    اي احنا جنه بجياس يامالت الخبز او الجمعيه وهم خام بس مالت الجيس مو متاكده منها او نلفها بنايلون اتوقع عساس ماتدمرنا خصوصنا احنا نام فيها ونلعب ملاكمه بعد خخ..

    اي والجوتي وانتي بكرامه وداخله الدلاغ والجنطه والبدله معلقه يم الكرفايه واي كان وناسه خخ..

    خخ كلنا طفولتنا بدوارف الفيحا :) بالعكس الله يخليه لكم يارب وناسه كافي يطلعكم ,,

    وي خخ عسى تعرفين تسبحين :)


    خخ لاحظت وايد اللي يعذبون اليهال عشان العيديه :)

    عاد شنو يغنون لج خل اتعلم للمستقبل :)

    خخ نعيما ..

    احنا عيدنا الصبح عقب ال8 لي الظهر نفتر عقب خلاص نقعد بيت يدتي الله يرحمها يارب بس هالعيد الوضع غير..

    اي خو احنا حياتنا كلها اكل باكل :) بالعافيه مقدما يارب..

    وانتي بخير وصحه وسلامه يارب ..

    ان شاءالله :)

    حياج الله خيتو...

    ردحذف
  9. احلى شي بالعيد عقب الغدا في بيت يدتي الله يرحمها نروح نركض حق بيت بالزاويه (بياعه) نشتري منها بلعه وجراقيات وبرد مثلث وفيلجا .. وطبعا كانت زايده علينا الاسعار لوووول

    وكنا نشتري هاذا العود الصغير اللي ريحته مو حلوه وتسوين فيه بالونه وتبطينها لووول

    الحين ماله طعم .. اول في بيت يدتي كان له طعم ثاني .. كان وجودها غير .. الله يرحمها

    :<

    ردحذف
  10. عيدج مبارك
    وتقبل الله طاعتج


    اليوم ريوقنا جباتي
    ناكله كأننا أول مرة نشوفه
    :)


    عساكم من عواده

    ردحذف
  11. ابشرج رحــــــت صلاة العيد بس ما رحنا المسجد الكبير قلت حق امي مو راضيه تروح جان اقولها انزين المسيد الي يمنا فقالت اوكي جان ايون خواتي معانه

    استغفر الله انا وزعفرانه بدعنه كنت قاعده ماده ريولي اقولها شوفي ماشالله ريولي بيضه تلق يطلع منها النور لاني بالمسيد ان تشوفها جان تقولي اي من الجلحه لووووووووووووول

    وزعفرانه اول مره بحياتها تروح صلاة العيد طول الوقت تسأل شنسوي وعلمتها على التكبير اول ما وقفنه ما بده بالصلاة جان تقولي اكبر الحين اكبر اكبر؟؟؟؟ لووووووول انا ماسكه نفسي مابي اضحك اقولها نطري لما اهوا يكبر وبعدين كبر فكبرنه جان تقول اكبر اكبر؟ انا طول الوقت اكبر وماسكه نفسي غصب مابي اضحك وكانت في وحده راسها كبير (حجاب بو نفخه) طول الوقت تخزنه واحنا نحش براسها جان اقول حق زعفرانه شكلها بدلتها العيد حاطتها براسها عشان تصلي وتبدل وتطلع هههههههه وامي تقول انتوا مو مال مسيد ما تسكتون حتى بالمسيد تحشون هههههه

    وبعدها رديت البيت قلت بسوي كعك العيد طبعا لاااااااااا تعليق انشالله انزل صورتها ببلوقي وعقبها عوضتهم رحت شريت من لابجيت من الساعه 8 الصبح

    بعدين تريقنه ورحنه بيت يدي عايدنه عليه طبعا كان ماكو احد وانا رايحه بكشتي وكنه مو نايمين وردينه ونمت على الساعه 12 الظهر وامي قعدتني على الساعه 6 المغرب

    والحين قاعده انطر الغدا

    شرايج بعيدي؟! لوووول

    كتبتلج يومي باختصار وانتي شنو سويتي اليوم؟ :)

    ردحذف
  12. وانتي بخير رورو تقبل الله طاعاتكم
    اذكر قبل ليما نجهز حق العيد لوية تصير
    والناس كلها بالمجمعات وزحمة
    صج كنت ازهق غصب اختار واخلص شغلي
    والحين الله يعافي المعارض اللي طول السنة بكل مكان

    ردحذف
  13. عيدكم امبارك وكل عام وأنتم بخير

    ياي اعايد وأمشي, لكن لما شفت التعليقات اخترعت. خفت لايكون لازم أكتب كثرهم ولا مايصير
    :)

    على كل حال .. صورة العيادي, فيه خردة خمس فلوس وخمسين فلس. قاعد أتخيل لو صج في أحد يعيد خردة شسوون فيه؟

    تحياتي
    :)

    ردحذف
  14. عيدكم مبارك وعساكم من عوادة

    ردحذف
  15. عيدج مبارك وكل عام وانتي بخير ;)

    ردحذف
  16. هلا فيشه..

    الله يرحمها يارب..

    اي انا كنت ع طول بفرع الفيحا وهم بالزواره لازم مكتبه وبالعيد اشتري كل المجلات ماجد وباسم وخالد وميكي وسعد و العربي الصغير << ليش كل المجلات باسامي الصبيان :(

    اي عرفته اللي عقبها يصكج احتقان من كثر ماتفختي فيه خخخ..

    اي غير وخاصة ام الام ماعندي يده اهي اهي ..

    شكلي بقلبها نكد عاد ماابي ابجي و يصكني حارج وانا صايمه ..

    عموما متشكره :)

    ردحذف
  17. هلا اخوي ابو وليد..

    ايامك سعيده..

    منا ومنكم صالح الاعمال يارب..

    جزاك الله خير..

    بالعافيه يارب يمكن لانه اول ريوق عقب رمضان :)

    اجمعين يارب..

    مشكور..

    ردحذف
  18. ولكم باك جاي..

    اشوه الحمدالله تقبل الله ..

    خخخ جنه انا واختي لازم نحبط بعض :)

    انا بعد ماقلت هالموقف بالبوست خفت اطيح من عينكم خخ مو طولت مارحت فنسيت طريقة الصلاة و نسيت انه 7 تكبيرات اهو كبر قريت الفاتحه مامداني اخلصها كبر مره 2 جان اقرا سورة الاخلاص بسرعه كبر مره 3 كنت بركع امبيه استغفرالله اطلع الناس بطرف عيني وعقب اختي محد ركع اشوه ماتهورت ولا جان خلصت الصلاة قبل لا يخلص التكبيرات استغفرالله..

    خخ استغفرالله حتى بالمسيد يسونه @@

    وي عاد انتي خبيره ماشاءالله بالكيك بس الحمدالله عوضتيهم ولا جان عايروج فيها لي العيد الياي ع الاقر وبالعافيه عليكم يارب ..

    عيل ناطرتها بشوفها ان شاءالله ..

    وناسه يومج بالنسبه لي ماشاءالله حافل ..

    انا ماسويت شي بس الصبح قعدت اهني ناس بالنت و بالتلفون ع ال2 نمت قعدت 8 الا وقعدت اقرا قصه وصلت نصها طبعا اقرا شويه واقعد مع اهلي شويه واسولف بالتلفون وعقب يت اختي الكبيره وولدها قعدنا نلعب معاه شوي وهم رديت لقصتي نمت 12 اختي قعدتي 12 وربع قالت لي عن عريس الغفله لاني بنام قلت ماابيه ..

    وعقب نزلت اتهاوش لانها قعدتني من النوم تقول حسبالي تحاتين انا مادريت عنه اهي اهي وعقب هم رديت نمت وقعدت 4 قلت وي جنه امساك هم رديت نمت وقعدت ع 6 ونص وشبكت بس ماكو شي يذكر ..

    ومرسي خيتو..

    ردحذف
  19. هلا سي لافي..

    منا ومنكم صالح الاعمال يارب..

    جزاج الله خير..

    واحس قل الاهتمام بالعيد مو مثل قبل..

    مشكوره..

    حياج الله..

    ردحذف
  20. هلا اخوي مات..

    ايامك سعيده..

    وانت بخير وصحه وسلامه يارب..

    لا يصير بس اغلب اللي ردودهم طوال متعوده اقرق معاهم الظاهر عديتهم :)

    وبالنسبه للخرده بالصور في واحد مدون كويتي صادفته وانا اعايد امس يقول مره وزع ع اليهال خرده 5 و10 وعشرين فلس وبس واحد عطاه دينار :)

    وحياك الله اخوي..

    ردحذف
  21. هلا اخوي صالح..

    ايامك سعيده..

    اجمعين يارب..

    مشكور..

    ردحذف
  22. هلا اخوي معاذ..

    ايامك سعيده..

    وانت بخير وصحه وسلامه يارب..

    مشكور..

    ردحذف
  23. عيـدك مبـارك

    وتقبـل الله طاعتكم

    ردحذف
  24. هلا اخوي ..

    ايام سعيده..

    ومنا ومنكم صالح الاعمال يارب..

    جزاك الله خير..

    ردحذف
  25. السلام عليكم
    عيدج مبارك اختي وتقبل الله طاعتج ان شاء الله

    ردحذف
  26. ههههههههههههههه امبيه رورو . اول مره اقرا تعليقي مره ثانيه وبصراحه اهنيج انج عرفتي تفجين خطي .. شهالبدليات علي؟؟

    عالعموم حياتي تسلمين عالكلام الحلو بس ايام ابوي راحت الله يرحمه ويرحم يدتج آمين

    اي كنت اقول لهم يغنون لي اغنية صفاء ابو السعود (العيد فرحه) ولأنها صعبه لازم احفظهم اياها ويغنونها هيهيهي لااااااااااازم يعرفووون قيمة عيديتيييي واي ماسوت

    وسالفة الاكل ياخيتي مشكله .. كل مكان نروحله ناكل مادري شالسالفه ولو ماكلينا رحنا كوفيشوب يعني هم اكل بالسالفه لول

    بس الحلو ان اليوم عيد ميلاد بنت اخوي فطومه ومسوين لها عيد ميلاد ووناسه ماصدقت رحت الجمعيه يبتلها ويبت لليهال العاب بروح ابيعها عليهم بالعيديه خخخخ يعني عيديتي بتردلي (لايوقف قلبي بس)

    سي يو قبل لا اين :9

    ردحذف
  27. هلا اخوي سم ون..

    وعليكم السلام والرحمه..

    ايام سعيده..

    ومنا ومنكم صالح الاعمال يارب..

    جزاك الله خير..

    ردحذف
  28. هلا الوتين..

    خخ رديت اقرا ردج مره 2 مافي الا غلطة وحده انا لقيت شكثر بدليات بوستي وخليتهم خخ..

    ترا ماثبت ع بدليات الاوادم كثر بدلياتي..

    الله يسلمج يارب..

    الله يرحمهم ويغفر لهم امين يارب..

    لا اشوه توقعت يغنو لج مثل بنت عمي فلانه حلوه فلانه قمر خخخ..

    اي عقب تحوشنا تخمه و نتوهق خخخ..

    وناسه كل عام واهي بخير والعمر كله يارب ..

    والفال تحتفلين بعيالج يارب..

    خخ خوش مشروع :)

    لا وي بسم الله عليج من الينون..

    اسعدني تواصلج << فجاءه قلبت رسمي خخ..

    حياج الله..

    ردحذف
  29. انا اتذكر بالعيد يوم كنت صغيرة
    لازم انروح بيت يدي امبجر وما كناانام الا الفير

    فلازم على الغدا انلاقي ياهل نايم وياكل بنفس الوقت

    ردحذف
  30. هلا كوكو..

    خخخ وناسه العيد قبل وكنا بريئين مو يهال هالوقت ..

    وحياج الله خيتو..

    ردحذف
  31. عيدج مبارك رورو وتقبل الله طاعتج .. والله يرحم يدتج و يغمد روحها الجنه ..

    ردحذف
  32. هلا ستار..

    ايامج سعيده ..

    ومنا ومنكم صالح الاعمال يارب ..

    جزاج الله خير ..

    امين يارب..

    مشكوره..

    ردحذف

دوركم تشخبطون :)