الثلاثاء، ١ سبتمبر ٢٠٠٩

ام البنات مسلسلي المفضل في رمضان

السلام عليكم ..
بعد انقضاء الثلث الاولى من رمضان (بلغنا الله واياكم باقيه)استطيع الحكم الاولي على مسلسلاته ..
في بداية رمضان وتحديد باليوم الاول منه شاهدت 4 مسلسلات هم (ام البنات -دمعة يتيم-رسائل من صدف - الحب الكبير)
لكن لم احرص الا على متابعة ام البنات ..
بالنسبة للباقي لا استطيع ان احكم عليهم لكن دمعة يتيم لم يستهويني كثير ..
رسائل من صدف مؤلفه عبدالعزيز الحشاش اسلوب يتميز بالغموض بعض الشيء لذا ساحكم على مسلسله بعد ان اشاهده ان شاءالله ..
اما الحب الكبير فباعتقادي ابرز مايميزه بالنسبة للحلقة الاولى "النعزات" التي كانت عن المناهج والتعليم و الشرطة ..
بالنسبة لمسلسل اما البنات هو الاقرب لقلبي لعدة اسباب اولها تفضيلي لمسلسلات والافلام ذات البطولة النسائية..
ثانيها ان هذا المسلسل كتكوين عائلي مشابه جدا لتكوين عائلتي ..
وكمسلسل نسائي فالقصة نسائية بحته تتطرق وتتناول العديد من القضايا والمشاكل التي تواجههن وهو من بطولة ..
سعاد عبدالله :

وهي شريفة الزوجه الخاضعة لزوجها عقاب (غانم الصالح) الزوج المستبد اقرب لشخصية "سي سيد" تعمل على ارضائه بشتى الطرق لدرجة ان ضغطي يرتفع منها :)
عقاب شديد القسوة على بناته يمنعهم من التعليم بعد الثانويه فهو يرى ان مكان البنت الامثل هو بيتها ولا يكتفي بهذا القدر بل يمنعهم من الزيارات والسوق والخ من امور طبيعيه تقوم بها اي فتاة..
لهم 6 بنات هن :



حصة (مرام):
هي البنت الكبرى بالكويتي دفشه شوي بس بشكل جميل ومضحك لم تتزوج بعد وتعشق الاطفال مهمتها تتمثل بغسيل الملابس .

منيرة (فاطمة الصفي):
البنت ال2 الدينة تعشق المطبخ وهي موهبة بالطبخ ,و يحبها جمعة (الصبي عندهم).



طيبة (بثينة الرئيسي):
الفتاة المجتهدة الحاصلة على مجموع عالي والطموحة التي ترغب بدراسة الطب لكن ابيها يرفض ذلك .





قماشة (ملاك):
الفتاة الجريئة و صاحبة العقل المدبر في المنزل .




غنيمة( شجون الهاجري ):

دورها يتميز بالعفوية والكوميديا البريئة .





نسيمة (هيا عبدالسلام):

البنت الصغرى والتي تتبع اختها غنيمة وتقلدها .

وابن وحيد هو حمد العماني وهو شخصية طيبه وحنونه جدا النقيض من شخصية والده..




صور من المسلسل:










صورة تبين مهام الفتيات ..





وهناك شخصيات نسائية اخرى :

مثل العمة شمة امراءة من فئة الصم والبكم تزوجت لكن تحت اجبار اخيها عقاب انفصلت عن زوجها وابنهاوهي موهبة بالخياطة .

الخالات :

1-الدكتوره : (نسيت اسمها) تقوم بدورها "احلام حسن "المتحررة والتي ترفض العنصرية و تكره التمييز السائد في المجتمع وتفضيلة للذكرعلى الانثى لجنسه فقط وليس كفائته وهي مطلقة .
2- نجيبة : تظهر قليلا كشخصية في حالها لكن احيانا تكون عكس ذلك..

زوجة الخال(باسمة حماده) المراة المدلل من زوجها و ابنتها (شوق) ردينة التي يعشقها صقر (ع شنو مادري خخخ).

وهناك منى عبد المجيد بدور مرايم صديقة شريفة التي تمثل دور المراه الفقيره التي ترغب بمرافقة الطبقة الغنيه وابنة زوجها مشاعل الزنكوي .

*المسلسل واثره على عائلتي *

لهذا المسلسل صدى كبير في منزلنا فالعموم يحرص على مشاهدته هذا امر طبيعي لكن خخ ابي وبحكم مااسلفت ذكره سابقا اننا 4 بنات وشاب واحد (حاليا 3 بنات الكبار تزوجوا) فابي يطبق مايراه في المسلسل علينا خخ ..

ففي اول حلقة يطلب من مفاتيح غرفنا .

ثم عندما شاهد قماشه تقرا الصحيفة لوالدها طلب مني ذلك .

وعندما راى البنات يقفن بينما والدهن واخيهن :) ياكلون في البداية نصدم ثم طلب منا ذلك !!

والمضحك انه اثناء تناول الفطور يقول لنا "ترا اخليكم توقفون :)"


انتوا شنو مسلسلكم المفضل؟؟


هناك ٢٣ تعليقًا:

  1. انا اتابع ام البنات والهدامة
    ام البنات ما احب عقاب
    احس ان زوج مثل هالزوج يدمر حياة زوجته
    ويوقف حجر عثرة لمستقبل بناته
    وذنبهم الوحيد ان الله خلقهم "حريم"
    اكثر شخصية عجبتني اهي سعاد (احلام حسن) لأنها قوية في هالمجتمع وتقول اللي تشوفه صح ما همها


    ملاحظة: رورو حبيبتي احب انبهج حق غلطة مطبعية في "وهي شريفة الزوجه الخاضة لزوجها عقاب"

    متابعينج

    ردحذف
  2. هلا سي ..

    يمدحون الهدامه بس انا ماحب التراثي وايد ..

    اي حتى انا كريهه ماقدر استحمله ..

    اي بالضبط واحس مو واثق بتربيته ..

    اي احلام زينه بس شخصيته خربت لها وايد شغلات بحياتها وجنها بدت تميل لمهدي !!

    مشكوره ع التنبيه تصدقين راجعته ومانتبهت ..

    وحياج الله..

    ردحذف
  3. رورو غير ان مو واثق بتربيته
    هذا ماشي على مبدأ المرة ما تطلع من بيت اهلها الا لبيت ريلها او المقبرة
    انا مادري ليش يا ربي بعض الرياييل جذي
    ليش ما يجربون ويحطون نفسهم بمكان المرة
    خل يقعد بالبيت ولا يطلع ولا تلفونات ولا ربع
    ويسوي اشغال البيت
    ونشوف اذا يستحمل يقعد على هالحال يومين على بعض

    اللي استفدته من المسلسل
    ان ليما نشوف عقاب نحمد الله ونشكره
    وندعي الله ان ما يبلينا بريل مثل عقاب
    الله لا يسلطنا ولا يسلط علينا

    ردحذف
  4. ولكم باك سي..

    صح كلامج ..

    واكبر دليل لما تراضيه ويزفها حيل مستهين فيها وعقب يقولها اي ولما تروح ايقول الحريم بجهنم شي جذي وايد مستهين فيها بس ترا اهي لها دور بهالشي وخلته يتمادى ويدوس عليها وانعدمت شخصيتها بوجوده واثر هالشي على البنات وحرمهم من ابسط حقوقهم واهمها التعليم ..

    لا واللي يبط الجبد حسباله انه اسكت ومو مقصر !!

    اي الله لايبلينا يارب..

    بس صقر ولده عجيب خخخ ..

    اليوم من كثر ماتحجينا عن حبه لردينا خربنا عليهم خخ ..

    امين يارب استغفرالله هالنماين بلوه وماتتعاشر ولا تستحمل ..

    مشكوره على المرور..

    ردحذف
  5. انا اتابع ام البنات والهدامه ودمعة يتيم

    ونمبر ون ام البنات اكيد
    والثانيه الهدامه
    بعدين دمعة يتيم

    توقعت دمعة يتيم بتكون اقوى من جذي بس للاسف الاحداث قاعده تمشي بشكل بطيء وممل وحياة الفهد كان ودي يكون تمثيلها احلى من جذي

    شكرااااا جزييييييلا :)))

    ردحذف
  6. بالسنوات الاخيرة اعتزلت مشاهدة التلفزيون في رمضان

    لان رمضان شهر عبادة وهل خرابيط بتلهينا عن العبادة وهم لانها بالغالب سخافه

    لكن بالصدفه شفت اول حلقه من ام البنات وعجبني وتابعته

    بصراحه من اروع ماشاهدت

    واتمنى ان المسلسل ينزل كرواية

    رغم ان فيه مبالغه لصورة الرجل المتسلط لهذه الدرجه

    الا ان القصه واحداثها وحتى الممثلين ابدعوا في الاداء

    خصوصا البنات كل شخصيه مميزه مع اني ماحب جم ممثله منهم لكن اشهد لهم اتقان الدور في هذا المسلسل

    الزبده ان العمل روعه كاداء ممثلين واخراج وبالتأكيد الكاتبه ابدعت

    ردحذف
  7. هلا شيونه..

    ودمعة يتيم عيبه انه تعرفين احداثه بدون لاتشوفينه اي احد يشوفه يقولج عنه..

    واهما عيبها يمغطون الاحداث غصب يخلون المسلسل 30 حلقة..

    العفو ولو :)

    حياج الله..

    ردحذف
  8. هلا اخوي عبدالرحمن..

    اهو صح المفروض مانشوف بس هم نحاول انه نوازن بحيث انها التلفزيون مايطغى على العبادة او نقصر فيها وبتنظيم الوقت كل شي يصير..

    اما كمبالغة في بيوت العن من جذي بس الحمدالله نادره..

    اي صاج بخصوص الشخصيات في اتقان بتمثيلها و متنوعه ..

    بس احس لي نزلت كروايه ماراح تكون بهالجمال لانه النص مو بس اهو اللي وصل لنا الفكره ..

    واحس احترقت خلاص انا عن نفسي ماقرا شي شفته الا كتزويد معلومات فاقرا نبذ او مواضيع قصير متعلقه فيه ..

    وحياك الله اخوي..

    مشكور على التعليق..

    ردحذف
  9. هههههههههههههه .. ضحكتيني على ردود الفعل في عائلتكم حافظها الرحمن :)

    الخاله اسمها سعاد(اللي اهي احلام)ومرت الخال(باسمه حماده) اسمها نوريه ... شرايج فيني كلش مو متابعه هيهيهي

    بس تصدقين يارورو .. معطم الريايل تأثروا بشخصية عقاب حتى الصبيان الصغار عندنا بالبيت حاسين ان هاذي اهيا الرجوله .. وآنا عن نفسي استانست قولي ليش؟ لأن مجرى القصة راح يتغير 180 درجه ويبين في البروموشن مال المسلسل والاغنيه فيها لقطات عن الحال اللي بيتغير وبينقلب حال هالجبار عقاب

    بصراحه على الرغم من اني قاطعت المسلسلات .. برمضان وغيره إلا اني احب اتابع هالمسلسل .. لأان اكو حلقة من الحلقات جسدوا مشهد صارلي شخصيا في مرحله من حياتي :)

    عساج عالقوه يارورو ... إلا وين فلم بدل فاقد ؟ هههههه تنحت :9

    ردحذف
  10. هلا الوتين..

    الله يسلمج ويحفظلج اهلج يارب..

    خخ مرسي عاد انا ماحفظ اسامي ..

    ليش ماتاثروا بصقر شخصيته حلوه وهم يمعه حبيتهم ..

    استانستي لانه يقلدونهم؟؟

    اي راح يتغير من حجي سعاد عبدالله بس حلقة اليوم امبيه صدمه احنا ندري بيموت بس مات مبجر ماتوقعت الحين ..

    ايهو مال الحب خخ اتغشمر معاج ..

    اهو مسلسل حلو يسوى تابعينه :)

    الله يقويج يارب..

    ماشفته وخلص انطره سيدي رفيجتي تمدحه ..

    وحياج الله خيتو..

    مرسو..

    ردحذف
  11. لا يارورو .. آنا المح اني استانست لأن الشباب والصبيان عندنا مستانسين واحسهم يقتدون بعض الشيء بشخصية عقب وإنهم رح يندقرون لمن تتغير الاحداث وهالشخصية المثاليه بنظرهم بتطلع عيوبها .. علشان جذي ماناقشتهم ولا ناجبتهم لمن قعدوا يتكلمون عنه باليمعه ويمدحونه (شباب عايلتنا اقصد) .. لأنهم بيعرفون نهاية هالشخصية الطاغيه شنهي

    والمشهد ياستي ماهو مشهد حب إلا مأساوي اهي اهي ... صج بجاني لأانهم ضبطوه :|

    وياستي خلاص عفيناج من بدل فاقد حتى إشعار آخر(دربالج حتى اشعار آخر يعني برد احن بعدين :9 )

    إلا شلون الصيف معاج؟
    حافظج الله بعد عمري رورو

    ردحذف
  12. انا اتابع الهدامه ودمعة يتيم

    ولو ان دمعة يتيم فيها احداث تبط الجبد بس هم بكملها

    وام البنات ولا مره شفت حلقه من حلقاتهم :<

    تعالي تشوفين جوله وحجي نقوله؟ اكلهم مو شي صح هيهيهيهيهي

    في بسكوب على فكره ( كاميره خفيه ) ساعات بدعه لا يطوفج :)

    والفلم اللي اطالبج فيه ترا ابيه عقب رمضان :>

    ردحذف
  13. ولكم باك الوتين..

    اها اتضحت الرؤية..

    اي شكله بيفلس من كل شي بس يستاهل وكل يوم احب صقر اكثر :"(

    اها الله يعينج يارب ..

    خخ اي ان شاءالله من اشوفه بحطه..

    وتمونين حني ع كيفج :) اخذي راحتج ..

    ماكو دوام :(

    متعوده كل سنه هالحزه عطله..

    بعد عمري اجمعين يارب مشكوره..

    ردحذف
  14. هلا فشونه..

    اتابع ساعات دمعة يتيم اما الهدامه شفت لقطة او 2 والباجي على حجي بتوي او اخوي ..

    اي شفته كل ماشوفه اتنرفز من حصه هذي هدوم للمطبخ !! وتسال عقب تضيع السالفه خخ ..

    حبيت حلقة ميامي وهم شفت القصار وشعبوله و شفت لقطات من نبيلة العنجري ومن ابراهيم دشتي ..

    احس مايسون شي اساسا مايمديهم خخخ..

    شسمه البرنامج خل ادوره بيوتيوب ؟؟

    اي ان شاءالله ولا يهمج ..

    ومشكوره..

    وحياج الله..

    ردحذف
  15. أم البنااااااااات حده عجيب
    وانا من وجهة نظري كلنا كرهنا عقاب هذا دليل انه متقن الدور عدل وإلا شرايكم!؟
    وانا معاج شريفه أهيا لها دور كبير باللي قاعد يصير فيها وفي بناتها..
    سبحان الله أنا مقاطعه التلفزيون كلش مايستهويني لا برمضان ولاغيره بس هالمسلسل واااايد شدني تابعت أول لحلقات باليوتيوب لأني ماشفته بالتلفزيون ..
    بس أحلى شي بالموضوع أن ردت المسلسلات الكويتيه السنعه ملينا بكل بيت خبل والا مجرم وإلا مدمن والا بويات و أوادم منتهيه صج القصه وايد فيها حجاره بس همن واقعيه عالأقل يعني البيت الثاني طبيعي تقريبا ومافيه انحرافات نفس مانشوف بالمسلسلات الثانيه..

    عموما سوري عاللإطااله :)
    تقبلي مروري **بيبي**

    ردحذف
  16. هلا بيبي..

    اي حلو بس مرات الاحداث بسرعه مرات بطيئة..

    اي صح حده ماشاءالله مقنع ..

    اي خلته يتمدى ..

    حتى انا ماحب التلفزيون وايد بس هالسنه فاضيه :)

    اي صح بس فكرة انه وايد بنات وصبي مكرره مو ؟؟ بس هالمره طرح متطور ..

    وهم الحلو انه بساطه ومافي تهول ولا تفصخ زايد مثل اخر جم سنه..

    لا اخذي راحتج ..

    وحياج الله..

    ومشكوره ع المرور..

    ردحذف
  17. ما اتابع مسلسلات بس الممثلين
    اكثريتهم جيدين فاتوقع بيكون المسلسل قوي
    شكراً جهد واضح ..

    ردحذف
  18. هلا اخوي ..

    زين ماشاءالله ..

    اي صح ماشاءالله الاغلب اذا مو الكل مضبط دوره ..

    العفو..

    حياك الله..

    ردحذف
  19. اسم البرنامج ( على فكرة )

    :)

    ردحذف
  20. انا بعد اتابع نص الحلقة..مافي وقت

    بس بالصج كنت اعرف ناس جذيه...بس سالفة توقف لما يخلص الريل عشاه ماادري..بس اللي اعرفه نفس نظامهم..
    فالمسلسل ما استغربته وايد... والدنيا بعدين غيرتهم فووووق تحت...

    ردحذف
  21. هلا يابختي..

    اي بس انا ضبط نفسي اشوفها ع اقل مره :)

    الله يعينهم يارب ولا يبلانا يارب..

    اي خو دوام الحال من المحال..

    بدا يبط جبدي عقاب طلع خيخه..

    وحياج الله بخ بخ..

    ردحذف
  22. وااااااااااااااي عالملاقة

    ردحذف

دوركم تشخبطون :)