الثلاثاء، ٢٢ سبتمبر ٢٠٠٩

1000 مبروك

السلام عليكم..
مثل ماقلت لكم ببلوقي ال2 انه بنزل لكم عن جولتي ..
رحت السينما لفيلم 1000 مبروك وقبل لا ا روح شاي الضحى نزلت عنه وناسه بوستها حلو ماشاءالله ..
المهم هذا البوستر مال سينما الكويت ..
اول شي ماتوقعت القى مكان بس اشوه لقينا بس لما دشينا ولا قريب من الشاشه ولا الباب يمنا :(
هذا بوسترات اللي حصلتها بالنت وشكلها يوضح فكرة الفيلم ..







بطولة :أحمد حلمي , ,رحمة ,محمد فراج ..

النوع: كوميدي ..

مدة الفيلم :تقريبا ساعتين..


تصنيف:G


القصة ..

يناقش الفيلم حياة شاب يحلم بأن يعيش 100 عام .. ولكنه يعيش يوم واحد يعاد تكراره مراراً ومراراً حتى يحفظ كل تفاصيل يومه .. يكتشف أثناء الإعاده أشياء سلبيه و أشياء إيجابية .


*هالحجي منقول من سايت السينما ..


دعاية الفيلم :

http://www.youtube.com/watch?v=iHlY7irdiSo&feature=related


راي بالفيلم..

اول شي ماحسيته كوميدي اوكي في قطات تضحك بس ككل لا ..

القصه باختصار واحد اسمه احمد اللي اهو احمد حلمي قبل لا ينام كلم عروسته وقالت له تمنى باخر دقيقه بالعزوبيه امنيه تمنى يعيش 100 سنه ع ابو انه باجر عرسه , الفيلم كله احلام واحداث مكرره من خلال هالشي تعرف على اهل ورفيجه بشكل اكبر ودرى شكثر اهو مقصر معاهم من جذي حاول يتغير للاحسن, وبكل حلم لازم يموت بالساعه 12 .

واي دخت من تيب مادري يباب امه وهونت مابي اتعلم شلون ايبب خخ << اللي قارري البوست مال ذكرياتي بيفهم قصدي..

ودخت من الاحداث المكرره :(

يعني حلاته فيلم كوميدي من قلب مو ناقصنا نكد..

واسم الفيلم 1000 مبروك مفروض 1000 موته او المرحوم او ع الاقل سندريلا :)

وتوقعت الفيلم بيروينا احمد من اهو شباب ليما يصير شايب عمره 100 سنه !!

بس في ميزه اهي اخر جمله قالها بالفيلم ..
تعديل :تذكرت فيشه هالفيلم تقزوره وبحط لج بعد جم بوست شي يسوى ان شاءالله ..

هناك ١٦ تعليقًا:

  1. هللو

    مع اني ما شفت الفلم، لكني شفت منه لقطات الاعلان على جم قناة، ومرة قريت مقال عنه كون انه نازل بمصر قبل، ف كاتبين إن الفلم يعتبر صدمة حق محبي أحمد حلمي واللي الناس متعودين عليه إنه يضحكهم، لكنه بالفلم هذا خذلهم وآخذ كاركتر أقرب ما يكون إلى الجدية. عن نفسي ما أبي أروحله ولا أفكر لعدة أسباب:

    1- فكرة الفلم مقتبسة احداثه عن فيلم أجنبي وهالفلم مو قادر أذكر أسمه واعتبره من أفضل أفلامي. الفلم يحكي قصة مذيع يروح أحد المدن الامريكية ليغطي مهرجان وهالمدينة فيها ثلوج ويضطر يسكن بالفندق طوال مدة اقامته، حتى يقوم من النوم ويفاجئ إن الاحداث تتكرر مثل أمس، وتتوالى الأيام والاحداث كل يوم تتكرر، بعدين حب السالفة وقام يطور كل شي مو عدل سواه خلال هاليوم ويعدله. وينتهي يومه بمجرد ما ينام ويقعد الصبح ليعود اليوم كسابقه الفلم اعتقد من التسعينيات يمكن 1991 أو 1990 بس جد جد وايد حلو

    2- من قريت القصة اللي قلتيها يا رورو ما عجبتني فحواها، شنو على أقل شي يموت علشان يتكرر اليوم
    مرة ثانية! على قولتج هذا ولا سندريلا..


    عاد أبيخ شي لما تكونين حاجزة حق فلم وقاعدة على الطرف أو يم الباب لأن ما راح تشوفين الشاشة عدل..
    يعطيج العافية..


    طماشة

    ردحذف
  2. هلا اخوي طماشه..

    شوقتني للفيلم الاجنبي احب بالاجانب افكارهم الغريبه ..

    اما فيلمنااهو فكرته بكل نهاية حلم يموت ولازم الساعه 12 بس مو ع اقل شي يموت لا يموت موتات جايده مدعوم ومتفجره فيه الطياره والخ..

    اي والقاه صغيره وانا لازقه بالشاشه كلش مو خوش موقع مره 2 بثبت اكثر وانا احجز ..

    الله يعافيك يارب ..

    مشكور..

    ردحذف
  3. شفت الفلم حلوووو بس اسف على الازعاج وكده رضا وايد احلى الفلم مقتبس عن فلم اجنبي والاجنبي كان وايد احلى
    مع انه قديم واييد يعني اغلب الافلام اجنبيه ومعربينها
    المفروض يزيد الكوميديا حبتين بس هالفلم كان عادي يعني الي شاف الاجنبي ما راح يعجب بهذا

    شكرا على الريفيو

    ردحذف
  4. هاي رورو

    اول شي مشكوووره والله انتي الحلوه :)))


    تصدقين من حطيت البوست الكل ما يمدحه وانتي كملتيها بعد ههههههه

    شكلي بهون عنه وبروح مال اليهال اونس

    والكل يقول انه مقتبس من فانتج بوينت

    يالله بروح اتسحر هههه

    يعطيج العافيه ومشكوره

    وناطره باجي جولاتج :))

    ردحذف
  5. هههههههههه انزين ترا بنطر الفلم اللي عقبه

    الصراحه رورو ماحب الافلام العربيه :<

    اهم شي بالرووووحه .. كليتوا نفيش؟ @@ :)

    احب افلام الانيميشن :)

    ردحذف
  6. بصراحه أنا قريت كلام بعض النقاد اللي وصفوا الفلم بالفاشل و بأن الفنان أحمد حلمي لو يوفق في هذا الدور بإعتباره فنان كوميدي لا يصلح لمثل هالادوار !

    و

    مشكووره على التنبيه ,, لأني كنت ناوي أشوفه !

    تحياتي

    ردحذف
  7. هلا اخوي نمول..

    الفيلم الاجنبي كان كوميدي ؟؟

    كده رضا احلى اخر افلامه اما هالفيلم ذكرني باسف ع الازعاج كلهم يبلهم وقت عساس نفهم فكرتهم وانا لما شفت اسف ع الازعاج مره 2 بديفيدي وعشتوا متنقصته لاختي كنت ببجي من الملاغه واختي تحن تبي تعرف شالسالفه مو فاهمه ..

    شوقتوني ع الاجنبي..

    مشكور اخوي..

    ردحذف
  8. هايات جاي الضحى..

    العفو ولو خخ من الحيا رفست ولد اخوي خخ لا اتغشمر..

    انا بعد ان شاءالله بروح مال اليهال اللي السماء تمطر طعام بس بروح له موصايمه :)

    شوقتوني ع هالفيلم..

    بالعافيه يارب انا الحين عطشانه خخ..

    الله يعافيج يارب ..

    العفو ولو..

    حياج الله..

    ان شاءالله..

    ردحذف
  9. هلا فيشه ..

    اي ان شاءالله كل بوست وترك فيلم ليما القى شي يعجبج خخخ..

    صج وي ماكنت ادري اشوه هذا تقزوره ان شاءالله الياي يعجبج ..

    لا كنت صايمه :)

    اي حتى انا احب الباباي عندي بس قدم :)

    وحياج الله خيتو..

    ردحذف
  10. هلا اخوي بو غرايم..

    لا اهو مو المشكله فيه بالعكس احنا رحنا عشانه المشكله بالفيلم نفسه ..

    وترا الدعايه اهي الفيلم بس كرر اللقطه مرتين :)

    والعفو ولو حياك الله..

    ردحذف
  11. فعلا يارورو الفلم ممل جدا ... اذكر فلم آسف عالازعاج كان احلى السنه اللي طافت

    يعطيج العافيه عالتقارير الحلوه

    ردحذف
  12. هلا الوتين..

    اي بسبت التكرار ..

    اي احلى بس مال تشوفينه مره وبس ..

    الله يعافيج يارب..

    ومشكوره ع الاطراء..

    ردحذف
  13. هلا رورو
    انا صارلي مدة مقاطعة السينما والافلام بشكل عام
    لأن ما عاد فيه ابداع وافكار يديده
    كل فلم قامو يطلعون له الف جزء صارو مسلسلات مو افلام :/
    المهم بالنسبة حق الفيلم اللي تتكلمين عنه
    ترا فكرته تقليد فكرة فيلم اجنبي
    اسمه Groundhog Day

    ردحذف
  14. هلا سي ..

    انا توني هابه بالافلام بالبيت اما السينما بيصير لي سنتين بشكل اكبر من قبل..

    من جذي احس اغلب الافكار يديده علي ودور القدم بعد :)

    اي صار مكرر ع قولت رفيجتي هبه فجاءه كل افلام كوميديه وعقب يصيرون رعب والخ..

    اي والمصيبه اجزاء وايد بدون لايكون في حاجه لهالشي بس حشو وتمغيط احداث وع اساسا ان الاول نجح يالله نسوي جزء 2 ..

    اي مثل مالاغلب اتفق ع انه الفيلم مقلد اجنبي بس في اختلاف ع اسمه ..

    مشكوره سي ..

    بدور الفيلم الاجنبي :)

    ردحذف
  15. لاااااااا لا تقولين

    اليوم كنت رايحه ولا ماكو حجز

    وبس هالوقت اللي كان يناسبنا

    وانا احب احمد حلمي تعجبني افلامه

    بس عقب كلامك ما اعتقد راح اروحله :(



    مشكووره يالغلا والله يعطيج العافيه

    ردحذف
  16. هلا وحده..

    خيره ماحصلت :)

    واذا تبين روحيه يوم الاثنين ع الاقل تدفعين دينار ونص خخخ..

    انا ماعجبني فيه انا مو كوميدي ومكرر لا وطلع نسخه من فيلم اجنبي توني جيكت بيوتيوب ع اللي حاطه اسمه سي لا في وطلع ابي وايد افكار مثله الشاحنه الوقت تكرار الشغله ردت فعله من التكرار @@

    العفو ولو..

    والله يعافيج يارب..

    وحياج الله..

    ردحذف

دوركم تشخبطون :)