السبت، ١٦ مايو ٢٠٠٩

فلاش - خالد الصفتي

السلام عليكم..



اليوم يبت لكم شي خفيف ولطيف وزريف = ظريف ..

الله يسلمكم قبل فتره اخت رفيجتي يابت لي مجموعه من فلاش ..



وفلاش تعتبر من كتب الجيب اللي يصير حجمهم صغير..

وهي تاليف ورسم خالد الصفتي..

عبارة عن مجموعه من القصص بالغالب تكون مصوره لكن لا يخلو أي عدد من قصه عاديه غير مصور بالاضافة إلى وجود المسابقات المتنوعة.

اللي عجبني فيها :
1- شخصيات متنوعه : اللي تمثل اغلب الشخصيات الموجوده بكل مجتمع ,وعلى سبيل المثال لا الحصر..
-حريص: اللي يخاف من الامراض والحسد والحوادث والى اخره..
-نظير : بو عين حارة..
علام: المغرور..
سرور: اللي كله يضحك..
عباس : عكس سرور كله عاقد نونه و متشاءم..
خليل البخيل وهذا يهودي بعد ..
توتو عضلات : ما صادفته وايد بها الاعداد بس من الحجي فهمت انه من طقة سنفور قوي..
مواطن مطحون: الفقير اللي طرق المعاش ومقرود..
والبحار الغبي اللي عليها افكار خخ اغبى من الغباء بس يونس..
ووايد غيرهم اول ماتبطلون أي عدد من فلاش بتحصلون البوم لعائلة فلاش..
2- توفر المسابقات المتنوعه كالتوصيل والرسم والاختلافات و التذكر والغاز وغيرهم ..
اللي تقدرون تشاركون غيركم فيهم مما يضفي متعه وناسه جربت العبهم مع اختي ومع رفيجتي هم اذا عنكم عيال في العاب تنفع لهم او مع ريلج او اخوج ..
3- انها ومو بس قصص والعاب لا في سوالف 2 مثل في عدد منهم لقيت طريقت البديكر بجربها اذا ننفعت بعلمكم ان شاءالله..
4-أي انه في طابع ديني ومحافظ مافيها قلت ادب او خدش حياء فتنفع الأغلب الاعمار .
وعلى فكره اغلبها بالمصري..
قبل لا اختم وين تحصلونهم تقدرون من خلال الاتصال ع دار الظمني ويوصلوونها لكم للي البيت..
سعر النسخه 500 فلس ..

هناك ١٠ تعليقات:

  1. شي حلو الصراحة

    ردحذف
  2. اهلين رور يونسون خووش تقرير تسلمين بس حسافه لو كانوا بلغه عربيه فصحى احسن ما افهم مصري
    Betty

    ردحذف
  3. هلا سوقنو..

    مشكور..

    وحياك الله..

    ردحذف
  4. هلا بتي..

    وناسه ردينا بنفس الوقت خخ..

    الله يسلمج يارب..

    مشكوره..

    لا المصري الخفيف اللي ينفهم مو الغلج..

    بس لو بالعربي احسن بعد عساس نقوب لغتنا ..

    حياج الله..

    ردحذف
  5. شخباري !
    من وين حصلتيهم ؟ يبيله نتذكر أيام المراهقة !

    ردحذف
  6. هلا اخوي..

    هالدرجه قدم :)

    من رفيجة اختي واهي ماخذتهم من الظمني اهما يوصلون بس الاسبوع اللي فات اتصلنا عليهم قالوا عندهم تنزيلات فمايوصلون حاليا عقب ماتخلص يوصلون..

    اهي بالمنقف جنه ..

    بروح لها ان شاءالله لي حصلتهم بنزل بوست عساس يكون عندكم خبر..

    حياك الله اخوي..

    ردحذف
  7. فلاش كتب مسلية اناعندى منها50 كتاب

    ردحذف
  8. بموت فيها

    ردحذف

دوركم تشخبطون :)