الاثنين، ١٩ أكتوبر ٢٠٠٩

ذكريات اعلاميه بربوع الجامعة +كتاب جر ناعم

السلام..
اليوم باخذكم جوله باكثر مكان احبه وفقدته بالجامعه..
واللي مداحرينه عليه يرانا ويبونا يطلعونا منه مع انه ماخذين ربعه @@
يلا سرينا ..
هالدجه اكثر مكان احب اقعد عليه لانه عليه طق اعصي خخ خاصة برابعه الكورس الاول 2007 م , ياما درست عليه او حليت واجباتي وحتى نوم نمت عليه :)

مكتب الدكتور التوب بالقسم حقاني وملتزم اول مره خذيت عنده خخ ماكان بالعني شافني زينه الكورس ال2 حسباله انا اسكت عبقريه خخخ..


هاللوحه نحطت عقب ماتخرجنا تعرفون احد :p


هالمكان مريته باخر كورس لي لما خذيت مقرر ندرس فيه الاذاعه الجامعيه وسوينا برنامج بس مادري اذا نزلوه بالسايت او لا !!



افااااااااااااااااااااق كنت ادوام فيه اسلم شغل الميداني خخ حفظوا ويهي كل اللي فيها عرفوني بالميداني حتى السيكورتي ار صديقي بس مال طب اسنان حسيت فيها بطفولتي لما كان الكل يعرفني ويسولف معاي وعادي امرهم 3 مرات باليوم خخ ..




هاللوحه لها قصه خخ..


بيوم كنت طالعه من افاق بروح للسياره وكنت امشي وانا مجندسه اكتب مسج ماوعيت الا طرباخ اح راسي دعمتها حواجبي احس من قوة الطقه طاحو طلعت لي صعروره خخ واتوقع لي الحين في طبعة يبهتي بس هم عقب الدعمه لفيت وكملت اكتب امسج @@

واحلى شي مر جيب لكزس فيه صبي ومنصدم خخ ..

اول مره بحياتي اتمنى اكون قصيره..




_____________________________________________________________

اما كتاب اليوم فهو
:




جر ناعم :


هو كتاب منوع يحتوي ع اشعار باللهجة المصريه وقصص خياليه وسير ذاتيه بالعربيه الفصحى .
ممتع وخفيف وبسيط ينقلك من الخيال الى الواقع من القصه الى الشعر ..
اكثر ماعجبني هو طريقة حديثه عن عائلته عن والديه وعن اخواته بمنتهى الحب (الله يتمم عليهم يارب).
والفصل الاخير خصصه لعبارات من تاليفه ,بعض مااعجبني منها :
- البطاله الحقيقه تبدا عندما تصبح موظفا .
-مستحيل توصل للمقدمه طول مانت مريح المؤخرة .
-الشيوخه عمرها ما هتحميك من الحب .. بس الحب هيحميك من الشيخوخة.
-الزواج الناجح هو ان تقع في حب الشخص نفسه كذا مره .
ملحوظه : ماعندي فكره عن مكان توفره بالكويت لانه يالي صوغه :)

هناك ٢٤ تعليقًا:

  1. رورو شفيهم يرانكم؟؟؟ لا تتحرشين فينه انتوا يايين كليتنه مسوين احتلال بدورنه ههههههههههههه

    وذكرتيني بايام الدجه بس دجتنه طبعا ;q اذكر مره كنت نايمه جان ايي دكتور شملان العيسى ويقعدني حدي افتشلت ... ومره هم كنت قاعده عليها وكنت مريضه وطول الوقت اكح جان ايي دكتور ابراهيم الهدبان ويعطيني حلاو بولو وعقبها بدقيقه يه رئيس القسم جان يقولي انتي ناويه على الي يدش ويطلع تعادينه؟! عصب علي ههههه

    مناشبينه الدكاتره على القعده بالقسم والسنه الي طافت قالوا راح يشيلون الكراسي بعدين هونوا ويابوا كراسي يدد .. يعني وين يبونه نقعد السيركل لوعه وزقاير ومسخره والكراسي طق مطاقق عليهم!!!

    وعلى طاري الكراسي الي بره مره واحد اهوا معاي بالقسم وكانت الساعه 3 العصر مادري 2 المهم منبطح على الـ 3 كراسي ونايم جان ايي المدير الاداري ويقلبه من الكراسي ويصرخ عليه ويزفه زفففففففف لوووووووووووووووووووووووووووووووول وانا ورفيجتي كنه بالقسم وكان فيه شباب ماتوا من الضحك عليه واهوا شعره كشه وعيونه حمر وحده منصدم تم جم دقيقه قاعد على الارض عقب ما اقلبه المدير الاداري لوووووووووووووووووووووووووول

    انا مره وحده بس دشيت افاق مع رفيجتي تدرس اعلام ... وعندي صوره مصوره مع رفيجاتي عند الباب كنه طالعين من الجامعه ورايحين P.1 مشي وكان الجو حلو :)

    وسلامت يبهتج انا بعد صارت فيني بس بالثانويه :)

    تصدقين مكان يبهتج ليلحين مبين باللوحه لوووووووووووووووول ;q المفروض ما يشيلونه يخلونها ذكرى حقج :)))

    اقتباس ---> " البطاله الحقيقه تبدا عندما تصبح موظفا "

    يعني انا حاليا ما يطلق علي لقب بطاليه؟! ههههه

    ردحذف
  2. مبروك التخرج و مافي أحلى من الذكريات الحلوه .. أشوى انج خلصتي سنينها و انتي راضيه عليها :)

    ردحذف
  3. هلوو رووروو

    والله ذكرتيني بأحلى ايااام
    هذا المكااان كان مكاني المفضل اعصر في مخي ونطلع افكار حق افلامنا وبرامجنا وكل مره دكتور سمير يطلع يزفنا ويطردنا لووول

    عبدالباسط ماخذيت عنده لاني كنت اذاعه وتلفزيون

    واللوحة اعرف كذا شخص منها بدون ذكر اسامي p;

    والاستيديووو وااايد طيحنا فيه وكنت موجوده لما الصور الصور الي على البوستر :)
    خوووش بوست يعطيج العافيه

    ردحذف
  4. سلامة يبهتج :)
    بس احلى شي انج طبيعيه كملتي المسج عقب الفلعه ههههههههههههه
    انا اذكر مره طحت بالجامعه وواحد يمعلي كتبي عقب الطيحه لووووول

    احلى شي ذكريات هالفتره :>

    الكتاب شكله حلووو عليج بالعافيه :>

    ردحذف
  5. هلا بيرانه هلا ..

    خخ انا قصدي عن اسيري اهو اللي محتل قسمنا @@

    ترا احنا من زمان بالشويخ وانتوا يتوا لنا :)

    واي انا ساعات اقعد بقسمكم لانه قسمنا زحمه ولاحظت اكثر قسمين زحمه احنا وانتوا ..

    خخ يعني مو بس انا اللي نمت ومامداني اغفي توني مغمضه عيني قعدني صبي بيسالني عن دكتور @@

    والهدبان محترم وطيب ماعمري خذيت عنده بس سبحان الله مبين عليه..

    احنا الاسيري من كثر مايشوفنا بالقسم يقول لي تخرجتوا اخذوا الدجه معاكم :)

    والسيركل خايس مو مريح حده وزحمه ومصبنه ..

    واي حرام زين ماوقف قلبه شهالدفاشه قعده عادي استغفرالله لو انا جان استعسرت عليه ..

    اي انا مصوره داخل ومع النافوره خخ ..

    الله يسلمج يارب اي احترت اي بقعه فيهم تبعي خخ..

    لا انتي يطلق عليج لقب مكيفه ومرتاحه :)

    ومرسو خيتو..

    ردحذف
  6. هلا اخوي 370..

    الله يبارك فيك يارب..

    انا متحسفه ع عمري اللي ضيعته فيها احس كنت ميته :(

    وحياك الله..

    ردحذف
  7. هللو فانتازيا..

    اممم لا دجتي المفضله اللي صوب العلوم السياسيه واللي جبال دكتوره عاليه العسره مره كنا مندمجين نسولف جان تطلع تزفنا الحمدالله والشكر غثيثه..

    د.عبدالباسط ماينزل مواد صحافه انا خذيت عنده نظريات واهي الزاميه و دولي ماده اختياري و ينزل مدخل بعد..

    انا اعرفهم كلهم خخ اتوقع اللي عرفتيهم الاذاعه وتلفزيون ..

    انا دشيته كذا مره ومره الدكتور لاهي يشرح وانا اتعبث فيه :)

    الله يعافيج يارب ..

    مشكوره..

    وحياج الله..

    ردحذف
  8. فيشه هنا يامرحبا يا مرحبا ..

    الله يسلمج يارب..

    خخ اي لانه مسج عمل عشتوا خخ ..

    ومحسوبتج متعوده ع الفلعات ..

    وي ياحليله جان قلتيله انت السبب ..

    اغلبها خايسه وتفشل خخ..

    مرسو والله يعافيج يارب..

    اي اهو خفيف وزريف..

    حياج الله خيتو..

    ردحذف
  9. انا في اماكن ما ادلها بمعهدي بس الشي اليديد الي اكتشفته انه فيه ورشة سيارات جنها قراج لشويخ

    قواج الله

    ردحذف
  10. بااااك

    حتى أسيري ما ارضى عليه ههههه اكثر دكتور يقط بدليات بالقسم لوووول

    تدرين انه اغلب البنات الي يقعدون اب قسمنا او بالدور الثالث اهما علم نفس !!! باطين جبدي مسوين زحمه وحده اعرفها كله تقعد عندنا بالقسم ومره قاعده اسولف معاها قلت لها انتي اعلام؟ لاني ادري اهيا مو سياسه جان تقولي لا علم نفس !! قلت لها عيل ليش انتي ورفيجاتيج كل يوم مرتزين عندنا تدرين شنو قالت ... تقولي اكشخ !!!! لووووووووول مت من الضحك على عقولهم وتفكيرهم التافه

    والهدبان الاب الروحي وينحط على الجرح يبرى اكثر دكتور احبه

    واسيري لازم يقط حجي ما يعرف يسكت بس في شي واحد يبط الجبد كله يلمم لوووووول عادي تسولفين معاه يحط ايده على جتفج ويييييع ينرفزني كله ادزه ومره كنت قاعده امتحن جان ايي يلمني ومادري شنو قالي انا تبلعمت اهوا زين بس عيبه هالطبع الخايس يعني احنا مثل بناته وطايحله تلمم بالبنات

    ومن ناحية مكيفه ومرتاحه هذا شي اكييييييد ورفيجاتي اغلبيتهم اشتغلوا يقولون لي ملينه انا احس ليلحين ما مليت مرتاحه :)))

    اليوم وايد قرقت عندج ههههههه

    ردحذف
  11. مدونتج حلوة وممتعة وشكلي كل يوم عندكم لوووول

    بس لحظة بالصورة الاولى مكتوب قسم الاعلام
    والانجليزي مكتوب communication ??~!!!! مو راكبة عدل
    يبيلهم كورس جديد في الانجليزي لوووول

    بس شلون النومة على الدريشة يقولون ممتعة :)

    ردحذف
  12. هلا اخوي المباركيه,,

    يمكن لانك بعدك مستجد شوي بتدل كل مكان ان شاءالله..

    موفق يارب..

    الله يقويك..

    حياك الله..

    ردحذف
  13. هلا شايونه..

    ولجم ولجم..

    وباول كورس يقول محد ايب اي خخ @@

    استغفرالله جان دشته بعد شالعبو او ع الاقل خذته مساند !!

    اي ماشاءالله الله يتمم عليه يارب..

    اي قطع شفته بالامتحان المدتيرم يم رفيجتي قلت وي ماسكها لا مو معقوله الظاهر مقرب عساس يسمعها بس لما طلعت قالت لي انه مسكها مت من الضحك والله مارضى بالفاينل ناديته قلت له دكتور هالسوال اجابته مو موجوده بالاختيارات قال حطي الاقرب وراح ماوعيت الا بايد حنينه ع ظهري لفيت حسبالي اللي وراي ياها وحي الحب خخ ولا الدكتور امبيه كنت ببجي تنحت وموقادره اكمل الامتحان ياربي شسوي باجيلي اكثر من نص الامتحان ودموعي بعيوني اهي اهي قلت كيفه بذمته <<< توازن نفسي..

    اي احلى شي مو من حلات الشغل ودوم مرتاحه يارب..

    اخذي راحتج انا اقدس القرقه :)

    حياج الله خيتو..

    ردحذف
  14. بااكووو

    عيل انتي الي كنتي محتله الدجه لوووول

    مرات كنا نقعد بالدجه الي صوب مكتب دكتورة تغريد تتنرفز وتتحلطم تقول الكراسي الي بره حق منوووو؟


    رفيجتي كانت ماخذه عند عبد الباسط كتابة مقال !!!!

    وعن اللوحة اعرف بعد من الصحافة :)

    والله انا حاسة اني اعرف عددددددددل يااا رورو شكلنا قاعدين مع بعض بالقسم بس ماندري لووول هذا ويمكن ماخذين مواد مع بعض بعد

    خليتينا نقرق وااايد بهالبوست يعطيج العافيه
    :)

    ردحذف
  15. هلا اخوي رزنامه..

    مشكور وحياك الله ع طول ..

    خخخ لا ويدرسون هالشي بالترجمه الاعلاميه :)

    اهو شنو الصح mass media؟؟

    عشتو اغلب دكاترتنا اذا مو كلهم خريجين امريكا..

    اي جنك طاير بالسما بس اذا مافي احد يخرب عليك :)

    حياك الله..

    ردحذف
  16. هلا فانتازيا..

    ولكم ولكم..


    خخ باخر سنه لي اي لانه ماكو كراسي برا و شايلين الرخام عن كل مكان ماعدا الدجات ..

    احلى القعده داخل القسم وشدعوه قاعدين ع راسهم ..

    صج عيل ماكنت ادري حسافه مالحقت جان سجلت عنده ..

    احم احم خخخ شوفي انا اعرف بنات اذاعه وتلفزيون 2003 بس شويه وكنت كل اسولف معاهم تخرجوا بالصيفي قبلي بسنه اذا تعرفين البنات الصحافه هون يعني شور اعرفج ..

    اي انا وايد خذيت مواد مع 2003 راي عام و شنو اخلاقيات وتشريعات والخ الخ اغلبهم 2003..

    اخذي راحتج زميلتي..

    خخ شكلنا اخر شي بنفضح بعض :)

    حياج الله..

    :)

    ردحذف
  17. واااي صج أيام كلش عاد ولا هالدجه على قولتج الي ماقعد عليها مايعتبر خريج اعلام :P

    وآفاق والاستديو امبييه صج أيام اهي اهي ..اي صح انا اذكر اني سويت مع قروب برنامج اذاعي ماادري وينه ماحطوا!!

    وترى mass communications معناها وسائل الاتصال الجماهيري أما mass media يعني وسائل الاعلام :)

    ردحذف
  18. سلامة راسج يا بعد راسي =****

    الموقف كلش مو شي بس صارت فيني و ازفت على يوم بقولج =P

    ردحذف
  19. هلا مد مد..

    اي دجة حبنا خخخ..

    واغلب اللي قعدوا عليها نزفوا:)

    اي اهي اهي احنا عشتوا برنامج جماهيري وحطوني بالاخبار طافج شكلي امبيه خخخ..

    اها يعني المفروض اسمنا ميديا مو كومنيكيش :)

    مشكوره ع التوزيح خيتو..

    وحياج الله..

    ردحذف
  20. هلا موم..

    بعد عمري الله يسلمج يارب مرسي..

    خخ دايما نمر بنفس المواقف الخايس :)

    اوكي ناطرتج عيل..

    وحياج الله خيتوو..

    ردحذف
  21. كح كح شخباري حدي مغبره مو :p
    ولهت على البلوووووووووووووق و ماشاء الله فيه شغلات حدها تشوووق بس قلت اول شي لازم اعلق على هالموزوع
    ياحلات هالقسم و الله ذيج المره تنحت جبال الدجه قلت الله هذي لها تاريخ عريق مع طلبة القسم :p
    سؤال شنو اكثر شي فقدتيه عقب ما تخرجتي ؟ غير الدجه طبعا :p
    و سلامه يبهتج تعيشين و تاكلين غيرها
    Betty

    ردحذف
  22. هلا بتوي..

    خخ حياج خيتو..

    مرسو مرسو..

    خخ اييييييييييي دجتي حبيتي كنت باخذها معاي بيتنا خخخ..


    ماديا ماكو اهي ذا بست بالنسبه لي وفي بعد الاكل خخخ مو محصله براوني كاريبو ..

    ومعنويا التقدير ووو وايد شغلات انتي تعرفينها :(

    الله يسلمج يارب لا حرام عليج خخ..

    مرسو بتوي..

    ردحذف
  23. أهي أهي أهي
    ذكرتيني أني راح أفارق الجامعة ما أبي أن مستانسة
    فعلشان جذي فكرت بخطة راح أتوظف بمكان قريب من الجامعة ...خطيرة يا ختون أفكار هههههاي
    شكله كتاب يونس و مدام أنتاج مصري أكيد خفيف دم ^_^
    ثانكس ve Fun reading!t'!

    ردحذف
  24. هلا خاتون..

    ع البركه التخرج مقدما..

    وموفقه يارب..

    اهم شي تشتغلين بمكان زين يارب..

    خخخ انا ودي اشتغل فيها والله كريم .

    اي يونس واحلى شي مشاعره الصادقه لاهله ماشاءالله..

    ولجم خيتو..

    مي تو مرسي..

    ردحذف

دوركم تشخبطون :)