السبت، ٦ يونيو ٢٠٠٩

(حب بلا ارقام من سلسلة زهور لـ د . نبيل فاروق)



اليوم قرات قصة في مجال مغاير لما هو معتاد وموجود في شخبوطتي في هذه المره اخترت قصة رومانسيه من سلسلة الزهور لنبيل فاروق والتي يصفها كتابها بانها سلسلة رومانسية رفيعة المستوى وهي السلسلة الوحيدة التي لايجد الوالدين الحرج من وجودها في المنزل .




قصتنا اليوم بعنوان حب بلا ارقام .




شادن فتاة جميلة ورقيقه التقت في احد الايام في اثناء وقوفها بشرفة منزلهم بشاب انيق ووسيم وغني وعملي يدعى احمد اعجب كل منهم بالاخر من النظرة الاولى مما ادى الى تقدم احمد لخطبتها ومن ثم اعداد عرس بسرعه دون انتظار اكثر من شهر .
وكان من المخطط له هو قضاء شهر عسل في باريس مدينة الفن والجمال والحب ليفاجئ احمد بان مشاريعهم في باريس في خطر وانه يجب عليه التصرف السريع لانقاذ عمله او تركه للخسارة ، ومن الطبيعي ان يختار احمد التصرف السريعه الذي بدوره يتطلب ترك شادن وحدها في اول ايام شهر العسل اثار هذا الامر غضب شادن بسب تكراره اكثر من مره ودعها هذا للتنزه وحدها بباريس دون رفقة احد حتى السائق واثناء ذلك تاهت للتكتشف انها لاتملك مال بالاضافة لعدم اجادتها للغة الفرنسيه ، وشاءت الاقدار ان يتغزل بها شاب تبين بعد ذلك انه مصري واسمه عصام وهو فقير لم يكن ذو جمال يقارن باحمد لكنه يتمتع بالرقه وشاعريه ليتعلق قلب شادن به وبسبب انشغال احمد بعمله التقت به 2 ( امم بعد شصار نسيت خخ ).

فمن تختار شادن زوجها احمد ام عصام ؟؟


مصدر الصور بالاضافه لتوفير نسخة مصورة للقصة ممايسهل عليكم قرائتها :


http://www.liilas.com/vb3/t109534-7.html



هناك ١٥ تعليقًا:

  1. لا حرام جذي ليش تكسر بأحمد المفروض تعذره يعني اهوا قاعد يشتغل و يكرف بالله عشان منو ؟ مو عشانها و عشان يدللها ؟ بطت جبدي شادن
    اتوقع راح تختار عصام صح ؟
    Betty

    ردحذف
  2. هلا بتوي..

    امم لحظة طيش ..

    ومنو تختار مااقدر اقول اقري القصه احسن ..

    وبالترتيب مو تشقحين لي النهايه ع طول خخ..

    ومرسي خيتو..

    ردحذف
  3. لا شنو لحظه طيش اهيا مو مراهقه ؟ وين قاعدين
    امبيه جني اشتطيت لوول
    هههه انزين راح احاول اكملها بس ما اضمن لج :p
    العفو

    ردحذف
  4. اهي تقريبا 20 يعني مراهقة ويمكن خبله :P

    خخ لازم تكملينها لان في تفاصيل دقيق ماتنعرف الا لما تقرينها كلها عساس تتوضح لج الصوره..

    حياج ..

    ناطره رايج فيها..

    ردحذف
  5. كل ما ادخل هني اشوف شي يديد
    من فتره وانا اتمنى انه ربي يحببني بالقرأه
    مشكلتي سمييييعه لكن اقرااااا ما احب
    تلقيني اقرا اول صفحتين و باااقي الكتاااب يصير خير
    و احيانا تيني عراااات اتنسى على القرأه و تلاقيني اروح لجرير واكود من هالكتب يعني بقراهم خلاص عزمت اتثقف قرائيا
    ومن ارجع البيت يصفون صف و يلازمون ربعهم من الكتب القديمه
    ادعيلي ربي يبليني بالقرأه جد احسهاااا مأساااة

    ردحذف
  6. هلا عفره..

    شفتيني بسم الله علي نشيطه خخخ..

    حاولي و لي قريتي شي ماراح تهدينه الا لما تخلصينه دايما قولي لنفسج جذي ..

    اخذي كتب بمجالات تحبينه ..

    ومدام انتي من النوع اللي بسرعه تملين من القراه اختاري مجموعات قصصيه اللي كل قصه ماتزيد عن 10 صفحات او كتب اللي تصير مقسمه لفصول صغيره كل مره اقري فصل او قصه عساس ماتملين بسرعه وحتى لو مليتي بتكونين خلصتي جزء وحتى لو ركنتي الكتاب ورديتيله مره 2 ماله داعي تقرين اللي سبق لانه كل جزء منفصل عن ال2 ..

    ان شاءالله تحبينها اهي متعه وافاده ..

    لي جربتيها بتحبينها ان شاءالله بس بلشي مثل ماقلت لج بشغلات خفيفه و بمجال تحبينه..

    وحياج الله خيتو..

    ردحذف
  7. ناايس.عاد انا ابي قصص من هالطقه،خلاص بسجل اسمها عشان اقراها..اي وبلييز اذا قريتي قصص من هالطقه قوليلي بلييز :)

    ردحذف
  8. اتصدقين بطت جبدي
    المفروض تقدر ظروف زوجها
    مو تسوي روحها ناقصها حنان لووول
    انزين شصار اختارت منو؟
    ياويلج اذا خلت زوجها؟ :(
    انتي مثل اختي تحب القراءه وايد .. واشكثر عندها روايات .. عاد انطرها تخلص قرايه عشان تقصهم حقي ههههههههه واندمج ترا من صجي :>
    بس اهيا هابه اللي بالانجلش
    امبيه جني قرقت وايد لول
    :*

    ردحذف
  9. هلا ماد..

    اي اغلب البات يحبون الرمانصيه خخ

    انا خلصت هذي وعندي وحدهوبشتري بعد جموحده وي خلصتهم اقولج ان شاءالله..

    وحيا الله خيتوو..

    ردحذف
  10. هلا فيشه..

    اي ماعندها سالفه ..

    بس يمكن لانه دلوعه ومافكرت بعقلها بقلبها وموسبب تزل عشانه..

    امم موجود بالرابط طاعي النحاسه خخ..

    راح يصير شي بيخليه تتوهق :)

    اي تونس القراءه شوفي اذا اختج ماقرتها انا اقصها لج خخ ..

    والله يخليكم لبعض يارب..

    انا ماقط قريت انجليزي كله عربي او الاجانب بس مترجم..

    وحياج الله خيتو..

    واخذي راحتج :)

    ردحذف
  11. ههه يعني انا مراهقه و خبله خوش نقزه الله يسامحج ;p
    عيوني تحرني ما اقدر اقراها من الابتوب :(
    لازم تقولين لي النهايه تعويض على الاقل مو انا مراهقه و خبله :p
    Betty

    ردحذف
  12. هلا بتي..

    لا حشى والحشى عن الف يمين..

    محشومه عن هالاشكال..

    في شين مهمين ..

    شكلي بجابلكم انتي وفشه واقولها لكم..

    ردحذف
  13. هههه اي رقعي رقعي مجروحه انا مجروحه ;p
    اي جابلينا و قولي شورانا احنا
    Betty

    ردحذف
  14. هلا بت بت..

    امم وين وصلت اهي بتوصل مرحله بتفلس من الاثنين..

    لانه ماكملت شهر العسل وردت مصر استغرب احمد بس ما حجاها الا عقب وعصبت عليه وقالت له طلئني المهم اهي راحت لاهلها زعلانه عقب نادت رفيجتها ورفيجتها قالت لها نتي غلطان لانج طلعتي مع عصام راحت بتكلم احمد اثر راد باريس مو الخبله قالت له في قارسون اسمه عصام مصري ومستانسه فاثر اهو شك وراح يدوره لما رد ياله اهي استانست اثر اهو ياي يطلائها..

    عقب جنه ماكو اكشن ليما احمد انكب في عمله عشان مايفكر وايد عاد ابوه حس فيه واهما يتناقشون قال اهي تقولي عملي وكله اتحجى بارقام مو عاطفي قال امبلى لو موعاطفي جان مازرت قبر مامتك ل20 سنه اذا ماشلخت خخخ المهم قال ردها اهي بالعده قالت تتوقع ترضى ولا بقدرة غادر تطلع شسمه البطله نسيت وقالت له 100% قال لا حبنا بدون ارقام وبس اذا ماخبا ظني :)

    ردحذف
  15. Hi, I do think this is a great web site. I stumbledupon it ;
    ) I'm going to return once again since I book marked it. Money and freedom is the greatest way to change, may you be rich and continue to guide other people.

    Here is my blog post acoustic guitar chord

    ردحذف

دوركم تشخبطون :)