....

2010-03-09T21:17:00.001+03:00

رسميا انا هون :)

http://trendygirl87.blogspot.com/

تم الدمج ..

2010-01-26T11:04:00.002+03:00

دمجت بلوقاتي مع بعض ..

مبدائيا بترندي (بلوقي ال2)

بس جاري التعديل والترقيع واضافة مدونات والخ ..

اشكر نمول وغير معروف وغير معروف وشي مي وجايونه وعين بغزي ع مساعدتهم..

واشكر مدمد و كريزي وانجو و بطالي والكل الكل اسفه اا نسيت احد ع مشاركتهم بارائهم ..

نطروني بنيولوك :)

معرض القهوة والككاو..

2010-01-24T20:07:00.003+03:00

السلام ..

قبل فتره رفيجتي دزت لي ايميل عن هالمعرض ..

وكان ودي اروح له ع ابو بروح له الاربعا مع رفيجتي بحكم انه عندها دوره هناك بس ماصادف وماتسوى اطلع 10 واهي تخلص دورتها 12 وشي ساعتين شسوي فيهم :\

المهم اليوم رحت له مع امي واختي ..

ماصورته لانه جايونه ماقصرت حطت تقرير كافي وافي عنه ماشاءالله..

http://chayaltha7a.blogspot.com/2010/01/blog-post_21.html

بحط لكم حصيلتي ..

القرشه مثل ككاو نتويلا مادري شلون ينكتب لامي وكوكيز و ككاو مع برتقال ..

براوني ماكنت ناويه اشتريه بس ذقته ولا حلو بين وبينكم ذقت نص اللي اللي حاطينه للتجربه اختي تقول الي تبع لو تعرف عربي جان فشلتج خخخ..

وهم الكب كيك حلو.. وفي حجم اكبريصيرالقوطي في 4 قطع حبيته واسعاره حلوه البراوني ب2 والكب كيك هذا ب4 والكبير بو4 ق ب2 ..

ومرينا صوب الكوكيز اختي تبي ع بابا جابر الله يرحمه قالت لا هذا للعرض وطلبات للعيد الوطني مو للبيع قعدت اقط نغزات عليها قلت لها ترا عينهافي اللي ياكله يقص ضحكت وسكتت خخ..

وهم يسون لمواليد والمناسبات القطع اللي شفتها من 750 لي دينارين و يسون بيض الصعو مطبوع عليه اسم او صوره بس ماسمته بجم..

مالتي..

مالت اختي ذقتها توها مو ذاك الزود وهم انا ذقتها طلع التركيز ع الشكل اكثر وفي وحده تبيع اقولها فيه ع سبونج بوب تقرالي السعر خخ كلما سالتها راحت تدور السعر :\

وهم وانا احوس ذى نت تري وطلع عند كازو بككاو خذيت ربع كيلو بذوقه اول كنت اخذه من كاستانيا بس كسروا فيني اخر مره قالوا لي مام نكست تايم يو تك مكس وي كانت دو ذس اقين << انا كنت اخليهم يعطوني اللي العادي مابي مكس ..

وذوقني هالنوع وهم خذيت منه ربع كيلو ..

ويم او بالاحرى جباله كان الميسرة وي طلع اليسره خخخ ذوقوني جايهم ولما سالتهم عن مال الليل قالت تبين عينه تذوقينه قلت لها اي ولا تعطين هالجيس ياحليلهم كريمين خخ وعندهم ككاو لذيذ بس مايبيعونه بالمعرض:\

وبس سلامتكم ..

بدمج البلوقات ادعولي ..

افكار شبابيه بسيطه لكن متميزة ..

2010-01-22T20:02:00.003+03:00

السلام ..

اول امس شاركت بقروب بنات بلوقر تونا بالبدايه نتعرف ع بعض ونسولف احنا مجموعة بنات تقريبا فوق 10 ..

للحين شفت وحيده بلياهم و مخمليه و دلوعه وسمو الاميره وميوسه والطبع الحشيم ان شاءالله ماكون نسيت احد ..

وان شاءالله بيتطور هالقروب ..

مشكوره سمو ع هالفكره الحلوه ..

(2)

مجموعة شباب يصورون فيديوات سواء مواقف من حياتهم العاديه او تمثيل..

في وايد شغلات يدد ماشفتهم ...

بس اللي شفتهم وحبيتهم..

*ليلى والذيب..

*المذيع الجميله..

*بو خرشد ..

صفحته :

http://www.youtube.com/user/MrFormat

(3)

قروب يدز ايميلات كل سبت وميزتهم انهم متنوعين (اسلامية\ للبنات\ للصبيان\اخبار \سيارات\علم نفس\منوعات ..الخ) وايد احبهم وانطرهم..

صفحته :

http://www.diplomail.com/

(4)

اذاعة اويامال ..

عرفتها من مسج اعلاني وصلني وقلت بدشها ونسيت :\

عقب كنت افتر بايميلي جان اقى ايميل منهم عن حلقه للمدونات عاد دشيته وسمعته ماشاءالله كانت الحلقه زينه ..

قابلو فيها المدون الطارق واتصلت عليهم المدونه سمبسوت وفيها فقرات متنوعه..

http://oyamal.net/wp/wordpress/

(5)
كنت بقول شي وكالعادة نسيت :\

تذكرت :)

اليوم اليمعه يعني موعد الفيلم الهندي المدبلج كويتي ..

وهالشي بلشوه اعتقد من الاسبوع اللي فات شرايكم بهالشغله حبيتوها او لا؟؟

انا حبيتها ..

بس اغلب اللي اعرفهم لا ماحبوها :\

الاعلام الكويتي ..

2010-01-16T19:13:00.006+03:00

السلام ..

اليوم بتحجى عن الاعلام بحكم انه تخصصي اول <<< ايام الجامعه كدراسه ماشتغلت فيه مع انه احب بس جوه مايشجع و الاهم ماتوفرت الفرصة للاسف ..

المهم بتكلم عن الاعلام الكويتي من حيث القنوات - المذيعين - الجرايد وبقط نغزات واللبيب بالاشاره يفهم :)

واستعنت برسومات الاخ عادل القلاف عنده اكاونت بفلكر و بلوق :)

اول شي بتحجى عن الجرايد خبري فيهم 15 جريده مادري اذا زادوا او لا انا بعرف الوزير اللي غير القانون مايدري انه في اوادم شغلهم يقرون جرايد الله يرضى انه باليوم اقرا 9 جرايد انحولت حسبي الله ونعم الوكيل والمسعوره تقولي انا قبل اخلص بسرعه ..

وانا اهز راسي عقب استوعبت الطيبه تشلخ ع راسي ع ايامهم بس 5 جرايد عن التفلسف ..

ولا الوزير اعلامي اكاديمي قلنا بسوي لنا شي كادر اللي مساكين يشتغلون بالاعلام عيزو واهما يحوسون ويشتغلون وماينعرض الا شغل الحبايب او هيئة للاعلام نتوظف فيها احنا خريجين الاعلام اللي طحنا بجبد نفسنا واهلنا مو راضين ايبونا لنا واسطه بحكم انه احنا مع القانون @@ اتوقع محد يمشي ع هالشي الا عايلتنا خخخ وغير جذي الهيئة تطور الاعلام الكويتي وهذاالاهم ..

يعني مانبي واسطة ونبي شروط للقبول مو كل من هب ودب يشتغل مثل ايام الجامعه طلبة صحافه مايعرفون يكتبون :\

لانه القبول ع الدرجات وفي ناس مضبطه عمرها مثل دكتور عطا بنت اي لانه حضر عرسها مع انه الفاينا ماحلت فيه ولا سوال واهو عليه 30 درجه مو شويه :\

المهم الجرايد كثرتها ع غير سنع زادت علينا المناهج ايام الجامعه و غثتنا بالدوام :\

كل اقول لرفيجتي اهي بعد خريجة الاعلام هذي حوبة دكاترتنا يزفونا ليش مانقرا جرايد يالله سخرية القدر :\

التلفزيون ..

وهم القنوات زادت ع غير سنع ابرز مثل القناة السور مالت حامي الديار اللي يقال انها من غير تصريح شلون بالله مادري @@ وزارة بطيخ..

ودي اعلق بس اخاف يقشوني امن الدوله :p

مو بس جذي كل من هب ودب صار مذيع مابقى الا انا بس انا ماانفع اخورها وصريحه بزود يومين بالكثير و مفنشيني خخخ..

لا وع كثرتهم برامج مبيوقه ومكرره و ماكو اعداد وهواش واثارة الطائفيه والفتنه مع جرعات من الملاغه اللي ماتنبلع ..

خخخخ ..

مره تحجيت عن المذيعات هالمره بتكلم عن اسوء وافضل مذيع ومذيعه ..

الاسوء..

استغفرالله يعني ع شنو صايرين مذيعين مادري لاستايل ولا قدره اعلاميه وماكو مؤهلات تساعد حتى نبرة الحس ما تنفع ..

عيل مذيعه تقدم واهي ماسكه ورقه a4و تقرا منها حتى اذاعة المدرسه ماسوها :\

الافضل :

ماشاءالله متمكن ومتوفره فيها الموهلات الاعلاميه من سرعة بديهة والقاء وينفع بمختلف البرامج سواء الحواريه او المسابقات ..

هم متمكنه القاءجيد وسرعة بديهة وتفكيره زين حسب اللي شفته ببرامجها ..

وصلنا للطامه الكبر المسلسلات ..

سوال يطرح نفسه اهي الرقابة خلت كل شي ويت للبلوقات خل يشوفون المسلسلات تستخف بعقليه المشاهد لانص ولا حوار والاهم ماكو واقعيه ولا منطق وتشوه صورتنا برا..

خلصنا من مسلسلات فجر السعيد بس مافتكينا منها فتحت قناة كامله :\

فطلع لنا النايف مادري الراشد اللي اهو بتاع كلو بالمسلسل بيكمل مسيرتها الظاهر ..

وحتى لو المسلسل حلو احداثه بالكثير10 حلقات بس لازم نمغط الاحداث ونحشيها سوالف بايخ وننسى المنطق ونختمها بشي خيالي سخيف ..

باختصار ليش كل هذا !!!

دكاتره عجبة :\

2010-01-12T22:05:00.004+03:00

السلام ..

اليوم بسولف لكم عن دكاتره عجبه درسوني بالجامعه بمختلف التخصصات بين كليتي وكلية العلوم الاجتماعيه..

طبعا حش مباح وبدون ذكر اسماء ..

وقبل لا ابلش لازم احمد الله ع تخرجي صاغ سليم بدون اي مرض نفسي يؤدي الى انتحاري خخخ..

(1)

اول دكتور اهو دكتور اعلام غريب عجيب ..

على سبيل المثال ..

1- يعطينا بونس بالامتحان اوكي شي حلو بس البونس عنده لي حليتي غلط ينقصج درجات @@

2-كدشنا كرفنا ع غير سنع اهي ماده عمليه فشي طبيعي نشتغل بس لازم نشتغل مثل اللي موجود بالسوق والمتعارف عليه بالكمبيوتر مو الورق ..

عطانا هوموركين كل واحد (ماكيت) لغير الاعلامين الماكيت مثل الرسم البياني كشكل وتقسيم وعباره عن مسودة لصفحة الجريده ..

وعقب عطانا ماكيت كامل صغيرون بالضبط حجمه اي فور 60 صفحة لجريدة القبس نرسم عليهم 188 اعلان :\

وورقه المتطلبات شمسوي فيها الاخ حاط الاعلانات بس بشكل عشوائي مخربطهم يعني الاول مثل ص 60 ال2 20ص ال3 ص1 والخ ويقول اللي تبيه مرتبه وجاهزه كا في نسخة بس ها انقصها 3 درجات :\

طبعا محد خذاها لانه ينقص درجات بدون لا نغلط فمو ناقصنا بعد ..

اذكر يومها من الظهر لي المغرب وانا اسويه وماخلصت ورديت لي ال9 ظهري انكسر ..

ولما سلمنا اياه عقب ماصلحه قلت ابيه براويه اهلي جان يقول اهلج لو يشوفونا يقعدونج بالبيت مايخلونج تكملين << مدام تدري انه شي يفشل ليش تعطينا اياه :\

- الامتحانات يبي الاجابه اللي باله لو كلمه باله حاطه مرادف له ينقصج وجنه العيد :\

بالامتحان قمت اكتب كل شي عاد اهو طل بورقتي قالي شتكتبن قران 16 صفحه @@

قلت عاد ان شاءالله في شي يعجبك !!

وطبعا الامتحانات ازعاج مادري شلون قدرت احل..

- الفاينل كان مطلوب منا نصمم اعلان انا طلع لي سياييراهو سهل بس انا ميح فيهم المهم لما خلنا نداوم ع ابو كل وحده تقيمم اعلان ال2 ..

انا كنت رايحه مع رفيجتي وحتى لو مو يايين مع بعض شي طبيعي انقعد مع بعض خو رفيجات المهم دشيناالكلاس ولا يقول لنا انتوا كل مع بعض احنا سكتنا وقعدنا و عقب دشت بنيه متاخره قال لرفيجتها بي ليش رفيجتج متاخر شوفي هذيل وياشر علي انا ورفيجتي ويقول يايين مع بعض جان اقوله اي مارتني اليوم قال اخاف يحسدونكم قلت اذا في احد بيحسدنا فهو انت :\ جان يضحك ..

هذا جزء من اللي كان يسويه فينا ..

(2)

دكتور بكلية العلوم الاجتماعيه وايد يمد ايده اول مره شفته مسك بنت ع جتفها قلت يمكن لانها فري فعادي ..

عقب رفيجتي بالميد تيرم تساله حسيت قريب منها قلت معقوله ماسكه لا لا مو معقوله لما طلعت ولا تقولي انه مسكها @@ جان اطفرها و اضحك..

وعدى الكورس وصار يوم الفاينل وصلت لي سوال 27 شي جذي وجنه عن مجلس الخمه قلت له دكتور الاختيارات كله غلط والاجابه مو موجوده قالي امم لا موجوده ركزي وراح ماوعيت الا ايد حنونه ع ظهري قلت يحليها منو اللي بتواسين امبيه طلع اهو سبع البرمبه يقولي حلي ع الاقرب اي اقرب اي بطيخ الحين انا ببجي وين اقدر احل قعدت متنحه وايد وباجيلي نص الامتحان ماقدرت ارد احل الا عقب ماسويت توازن نفسي انه هالشغله موذنبي وبذمته كيفه :\

(3)

باول كورس بالجامعه خذيت عربي فكنت مره رايحه اسلمه البحث وبالمره قلت اشوف درجة الميدتيرم ياريتني ماقالت له ..

قلب السالفه فيلم مدبلج ..

انا:دكتور مايخالف اشوف امتحاني الميدتيرم؟؟

اهو: لا افهم ماتقولين..

انا : امتحان نص الكورس..

اهو : لا افهم ..

انا: منتصف الفصل الدراسي..

اهو: هم لايتعلمون لغتتنا وانتم تتفاخرون بلغتهم الخ الخ ..

انا : امي تتحجى جذي تقول تيرم وكورس..

اهو : ضحك وسكت ..

انا بقلبي سليحط ..

(4)

هذا انا بالميداني تلفون ومسن وايميلات وسايتات وجرايد ومدابج عشان احصل خبروساعات يفشلوني وماينزلونه سليحط :\

محاضرتي 11 بكيفان انا الساعه8 يالجابريه تخلص 12 محاضره كيفان ع طول منها للجابريه او شويخ وكل ثلاثا عقب الميداني اروح اغطي خبر يا بالخالديه او العديليه او الشويخ ارد بيتنا 8 بالليل ..

واخر يوم سلمونا جدول في الشغلات اللي نشرت انا نشرت 33 شغله اهما حاسبينهم لي 9 بس وا فوادي يارني الله يارني الله ...

طبعا ماسكت ..

(5)

دكتوره مليغه نفسيه اللهم ياكافي ..

خلتنا نشتري كتابين ونصور نوت الكتابين مافيهم شي يذكر الا صفحتين و او اكثر بشوي ..

والنوت قلنا صورناه دكتوره قالت اي خلوه عندكم عشان مايقولون ماعطيتكم شي !!

وبالامتحان راح ايكم هالسوالين صح وغلط المهم بالامتحان مايونا هالسوالين يونا غيرهم !!

ومره 2 خذيت عندها ع ابو ماكو مواد الشكوى لله ..

امبيه عاد هالماده ماساءه كدشتنا بجتنا عطتنا كوزات برزنتيشن سوت الشعب خلط واهي لا مايبت صبي او 2 لا شعبه كامله دمجوها معان والبرزنتيشن مجموعة شباب وال2 بنات لنفس الموضوع والطلبه يقيمونا @@

وعطتنا مشروع نصمم بلوق ونحط فيه10 بوستات كل بوست بيوم طبعا حزتها ماكنت اعرفه طلعت روحي يالله عرفت انزل صور و نقيم جم بلوق وهم نكتب تقرير عن البلوقات ..

وعقب نصمم سايت عاد هذاعباله يبيله تعلمنا خو احنا مو عباقره المهم وهقتنا لانها ماتعرف مدام ماتعرفين شكو تعطينا :\

اي ونسيت اقولكم مره زعلت علينا انا ورفيجتي ..

تهقون ليش ؟؟

لانه ماسلمنا عليها بحفلة التفوق هو غصب :\

لا وتبط الجبد تشوف منو اشطر وحده بالكلاس وتقول شغله التوب بس لانه معدلها عالي عسى ماشر:\

جنه وايد قرقت ..

سبحانك اللهم وبحمدك اشهد ان لا اله الا انت استغفرك واتوب اليك ..

مطعم سراي + بلوق + فيلم the ugly truth

2010-01-09T23:05:00.006+03:00

السلام ..

قبل فتره رحت مع خواتي مطعم..

العاده كل مانروح له يانهون يا يكون بعد مابطل ..

وهذي المقابلات ..

زيتون وزعتر ولبنه وخبز ..

فتوش بس ماستمتعت فيه انا احبه يكون خيار وطماط وخس و خبز بس ماحب غيرهقلت للريال قال مايصير لانه اوردي مسوينه ..

تبولة لاختي تقول زينه مو وااو ..

هم ملفوف لاختي بس ماعجبها وانا ماحبه فماذقته ..

حمص باللحم او العكس عجبنا ..

روب عابو ماكو كبه باللبن قصوا علي فيه..

كبه زينه مو وااو اهي لي بس وزعته ع خواتي وبقت قطعه ..

مشويات مشكله ياحلات القيصر جبل هذول جعوص خخخ رجيم اجباري طبعا ماخلصناعقب وليمة المقابلات..

اللحم طعمه حلو اما الدياي نو ..

عجبتني خدمته وديكوره لايق مع لبس القرسونات ونوع الاكل:)

واللي حاب يعرف السعر18..

مع ماي كبير و2 بيبسي..

***********************************************

شخبوطة تساؤل ..

شنو عيوب ومميزات البلوق؟؟

بالنسبه لي :

المميزات..

1- امكانية التعديل عالموضوع باي وقت وبكل سهولة .

2-سهولة انشاء المدونه .

3- وجود البلوق رول اللي يساعدنا ع التعرف ع اخرما طرحه الزملاء..

4- سهولة تغير التصميم واضافة صور وغيره .

وبمستوى اجتماعي نتعرف ع ناس يدد نتناقش بمختلف المواضيع ونتفاعل معاهم ..

عيوبه:

1- وايد يتنح يعني ساعات ادش الردود صفر افتح الموضوع القى جم رد @@

2-ردي ماقدر اعدله سواءببلوقي او ببلوق غير.

3- مااقدر اضيف صور للرد ..

4- عادي انزل رد عقب مالقاه !!

هذا اللي بالي الحين ..

وت ابوت يو :)؟

***************************************

قبل فتره شفت هالفيلم ..

والبوستر يعطيكم فكرة مختصره عنه ..

باختصار المرا تدور حب والريال يدورالخرابيط قطع..

وراي فيه :ماحبيته ماكو قصه وفيه قلت ادب بالفكره ..

وبس سلامتكم ..

بكلية الشريعة تهزأت فبكيت ..

2010-01-07T22:11:00.006+03:00

السلام ..

قبل فتره نزلت خاتون بوست عن مواقف المحرجة بالجامعة المهم حزتها تذكرت موقف خايس مريت فيه باخر كورس لي هالكورس كان متروس مواقف مش ولا بد اهي اهي..

الله يسلمكم احنا كنا ميداني وكانت كل بنت تغطي اخبار كليه معينه ورفيجتي بالشريعه ..

ومره في ندوه بتغطيها فحزتها انا موجوده بكيفان بحكم انه محاضرتي الي قبل البريك انجليزي فاخذها بكليتي مو مثل باجي المواد بالشويخ المهم مالكم بالطويله..

رحت معاها وياريتني مارحت ولا اشوه رحت خخ بعد شوي بتعرفون ليش ..

قعدنا نحوس ندور مكان الندوه قالوا بالمسيد وفي مكان للحريم قلنا اوكي نروح وبهالحزة كان زحمه لانه صلاة وفوقفنا اخر الرصيف يعني بينا وبين باب المسيد جم متر فاللي بدشه مايمر صوبنا لانه بعاد ومروا وايد صبيان والوضع طبيعي ماوعينا الا بهاللي ياي من اقصاه ويصرخ ويقول يابنيه روحي لاهلج ..

انا طبعا ويهي انصفق اتصروعت وخطتين مشيت جان ابجي خخخ امبيه خرعني عسى ماشراحمد ربك اني محترمه وماداحر رياييل ولا جان غسلت شراعك وقلبت الندوه من ندوه مادري شسمها لي سماحة الدين وغض البصرواخلاق المسلم السوي ..

لاتشوفون شكثر بجيت امبيه انا حسبالي بروحيالليابجي لاني ام دميعه ماوعيت الا رفيجتي دموع بعد مع انه دمعتها عزيزه ع قولتها بس يمكن لانه طفح الكيل ..

والادهى انه المحاضر بالندوه وايد متشدد ع غيرسنع امبيه اخلاق المسلمين مامرت عليهم الظاهر وللاسف انهم يمثلون كلية الشريعه احنا شفنا دكاتره وايد مو جذي وبس وهم مطاوعه عاديين مو دكاتره بس اخلاقه من اروع مايمكن وهذا الصح ..

اهو الطيب مايدرس بنات اوكي كيفه البنات ماراح تموت ولا بيطوفه اشي اذا مادرسهم بالعكس احسن لهم بس ماتوصل درجة رفيجتي تساله يسكر الباب بويها عيب اهو سكره انا صرت جذي @@

والباب قزاز فشافني الظاهر حسباله انجلطت فتح الباب وحاجها بمنتهى الدفاشه تساله عن الندوه يقولها العنوان بس تقول شنو محاورها يردعليها العنوان مره2 تقول اي تحاول تسحب حجي ماكو يقول لها بالندوه تعرفين شدعوه عليك ..

المهم نرد لي البكاءالجماعي وعقبشفنا بنات من الشريعه يقولون لنا روحوا الندوه في مكان للبنات قلنا عوع مانبي ..

وهسترنا نبجي ع نضحك اقولها ماتخيل شكلنا داخل رفيجتي ترد تقول ما يبلش الندوه الا لما يطلعونا لن ابداالندوة بوجود هاتني الفاجرات خخخ استغفرالله..

عاد ارد امبيه الدين المفروض يغض البصر مو يخوزر ويصرخ ع بنات الناس ..

مايقول الا الله يهديه ولا يبلانا يارب..

تذكرون قلت لكم اشوه انه رحت لها..

لانه كان حزتها عندنا كل اسبوع بالميداني نسوي مادة صحفيه فكان باجي لنا مقال فكتبت عنه وانشر بافاق شنو استانست :)بس هم لازلت حاقده عليه ..

والمقال منزلته بالبلوق وتوني اكتشف انه كان اول بوست خخخ ..

*بسم الله الرحمن الرحيم *

قشور الدين ..

بكي بورد : رورو الشخبوطه

كثيرا هم أولئك الذين يهتمون بالمظاهر ويتناسون الاهتمام بالجوهر الذي هو أساس شخصياتهم فلا يعملون على صقله أو تنميته بل يسارعون على اقتناء آخر صيحات الموضة التي تساعدهم على تجميل مظهرهم الخارجي ، ولا يقف الأمر عند هذا الحد بل يتعداه ليكون لهم معيار ومقياس لحكمهم على الآخرين ، ولكن فحوى هذه الظاهرة انتشر بكل آسف ليصل إلى الدين الإسلامي الحنيف.
أن تبتعد عن جوهر ولب وأساس الدين ولا تأخذ منه إلا المظهر والذي يتمثل بتقصير الثوب وإطلاق اللحية بالنسبة للذكر أو الحجاب الإسلامي للفتاه (أنا هنا أوضح فقط ولست أعمم) والاكتفاء بهذا الشيء دون تعلم أهم وابرز أحكامه وقواعده وتطبيقها هذا هو المقصود بقشور الدين، وهذه الفئة انتشرت للأسف في الآونة الأخيرة هي فئة شاذة ضالة اهتمت بالشكل وجعلته كستار لتصرفاتها ، وأغفلت عن الجوهر المتمثل بالأخلاق الكريمة والقيم الإسلامية الفاضلة ،و التي دعانا الدين الإسلامي لها وأوصانا بالتحلي بها ، و لعل ابرز الأمثلة عليها هو حديث الرسول صلى الله عليه وسلم في حجة الوداع (إنما بعثت لأتمم مكارم الأخلاق )، وفي رواية أخرى: (إنما بعثت لأتمم صالح الأخلاق ) فغاية دعوته عليه الصلاة والسلام أن يتمم الأخلاق؛ أخلاق الناس بينهم وبين الله، أخلاق الناس بينهم وبين أنفسهم، وبينهم وبين بعضهم البعض، يتمم صالح الأخلاق ومكارمها وأحسنها، فكان أفضل الناس خلقاً عليه الصلاة والسلام ، وتكون الأخلاق في حسن المعاملة و احترام الآخرين والتعاون والبر والإخاء ، فأساس الدين هو اليسر وليس العسر ، لكن هذه الفئة للآسف تعامل الآخرين بتزمت وقسوة ،لذلك فان دينهم للأسف ما هو ألا قشور لو أزلتها لنصد مت بفراغهم الداخلي من سوء معاملتهم وعسر تصرفاتهم وظنهم السيئ بالآخرين ، أي أنهم بتصرفاتهم ينفرون الناس من الدين والالتزام به أو الدخول به فالحكم الأولي لهم من خلال مظهرهم هو أنهم من رموز للدين ،وقد تكون الطامة الكبرى لو كان هؤلاء الأشخاص هم الدعاة للدين ولعل خير مثل واستناد لهذا الأمر في قول الله تعالى في كتابه الحكيم (ولو كنت فظا غليظ القلب لانفضوا من حولك(.

ومن وجهة نظري المتواضعة فاني أرى إن هذه الفئة لا يصلح حالها إلا بتغيرها لنفسها وذلك برجوعها لله ولفطرة الإسلام السليمة فقد قال الله تعالى في سورة الرعد ﴿.. إن الله لا يغير ما بقوم حتى يغيروا ما بأنفسهم ٍ.. ﴾ ، وباقتدائها بخير المرسلين محمد صلى الله عليه وسلم نسبة لقول الله تعالى في سورة الأحزاب 21: ( لقد كان لكم في رسول الله أسوة حسنة) .

*عنوان البوست ع وزن رواية باولو كاويلو ع نهربيدرا جلست فيكيت شغله جذي:)

افلام + الفورنو

2010-01-04T21:21:00.007+03:00

السلام ..

اول بوست بهالسنه :)

عندي وايد مواضيع وودي اقرا بس متنحه الا ابي الكتاب اللي ضاع خخخ..

اليوم بسولف معاكم عن جم فيلم شفتهم قبل فتره وعن مطعم احبه ..

اول فيلم :

معناه بالعربي اعترافات مدمنة تسوق ..

البطله تموت ع الشوبينغ ع غيرسنع يعني نظام اللي تتشرا وماتحط بخاطرها بس عاد حزة الحساب تقزرها بالماستر و الفيزا (مامر عليها هالمثل مد ريولك ع قد الحافك :p)..

وتحب الصحافة وراحت قدمت بمجلة للفاشن بس قبلتها مجله 2 بس انشهرت من خلالها وكانت تكتب باسم ذات الوشاح الاخضر او صاحبة الوشاح الاخضر << حبيت هالجزء ..

ونتيجة هالنجاح طلبتها مجلة الفاشن اللي كانت تتمنى تشتغل عندها و قالوا لها كتبي بمجال الموضه الرخيصه << كسعر طبعا

اما البطل فهو اعتقد رئيس التحرير بالمجله (مو الموضه ال2) ولد من عايلة مشهوره وغنيه بس مايحب يعتمد ع اسم عايلته او فلوسها حب يبني نفسه بنفسه باختصار شخص عصامي << هم حبيته خخ..

راي بالفيلم :

حلو حسيت قريب مني باكثر من شغله باستثناء الفيزا خخخ..

وايد حبيت نجاحها بمستوى الصحافة والحب والبطل << شبقى خخخ..

وحبيت رقصة امها وابوها خخخ..

http://www.youtube.com/watch?v=tiGSp9Iio0o

****************************************

الفيلم ال2..

كنت بدشه بالسينما ولقيت وقت حلو وبيوم الاثنين بس كان ع اختي امتحان << لحظه هالسالفه قلتها من قبل :\ طبعا ماذكر خخخ..

المهم بنفس اليوم دشيت موقع الديفيدي ولا القاه منزليته قلت اوفر خخخ ..

الفيلم باختصار بنت مريضه من لما كانت صغيره وتحتاج متبرع بس للاسف اهلها ماينفعون لانه مو مطابقين لها لا امها و لا ابوها و لا اخوها فتقرر امها تحمل وتيب بنيه عساس تساعد اختها المريضه ..

وكل ماتكبر المريضه تدهور حالتها اكثر و اختها تروح ترفع قضيه ع اهلهم لانها ماتبي تتبرع لها وملت من العمليات وتعبت ..

اللي عجبني شخصية المريضه وايد حلوه وطيبه ..

الام مادري ماحبيت انه تيب ياهل لمجرد يكون حقل تجارب :\

البنيه الصغيره ام ماحبيت انها ترفع قضيه ع اهلها بس لما عرفت الوضع والسبب عذرتها ..

عيب الفيلم كان استرجاع للذكريات ساعات احس الاحداث مخربطه ..

وحبيت البوم اللي سوته البنت :)

http://www.youtube.com/watch?v=17sIyLOm0Xc

@@هو وين بوستر الفيلم ال3 خخ خيره اكتب عنه عقب ان شاءالله ..

******************************************

الفورنو ..

فوتشيني اعتقد مع انه بدون لحم او دياي بس لذيذ بس اذيه بالاكل ..<< طلب اختي الوسطيه..

كان ودي يكون بصولص الابيض لانه مره خيرونا واخترناالابيض وكان لذيذ بس هالمره قال مايصير لانه جاهز وصج حسيتها مو فريش ولذيذه مثل قبل..

غرامي الببروني واول مره اجربها عندهم شنو لذيذه وخفيفيه حبيتها ..

وناويه اجرب ريوقهم شوقتني عليه جايونه..

وبس سلامتكم ..

كل عام وانتوا بخير يارب..

2009-12-31T18:12:00.003+03:00

السلام عليكم ..

وكل عام وانتوا بخير يارب..

وان شاءالله تكون سنة خير عليكم ..

وفيها انجازات تذكر لانه هالسنه بدعت ماسويت شي بس دورة وغصب بعد خذيتها خخخ..

وبما ان مناسبه حلوه براويكم ككاوي اللي صارلي قرن ادوره وصيت اخوي لما كان ببريطانيا وشافه باكثر من منطقه والمطار وماحصله الحمدالله اليوم لقيته بجمعية الخالديه عاد ماكنت ادوره كنا ادور ماسك الككاو خخخ..

صوره للي ببطنه ..
وهالنوع اول مره اشوفه ..

وهالحجم هم يديد علي خبري فيه الكبير حلو حجمه عشان مامصخها لانه نظامي لما تفك ماحتسك خخخ ..

وبس سلامتكم ..

the princess and the frog+ فوندو

2009-12-29T20:26:00.003+03:00

السلام ..

امس اول مره اطلع مع مدمد و اول مره اشوفه بره ربوع الجامعه وعقب سنتين ونص تقريبا :) وان شاءالله مو اخر مره ..

اول شي دشينا السينما لهالفيلم :

the princess and the frog

دعايته :

http://www.youtube.com/watch?v=h6DmEgtibOg

القصة
تدور الاحداث في مدينة نيو اورلينز لحكاية كلاسيكية ملتوية، وهي عن الفتاة الجميلة اسمه تيانا والأمير الضفدع الذي حاول بشتى الطرق من أجل أن يكون إنسان مرة أخرى، قبلة واحدة تقودهم لمغامرة من خلال الرحلات المائية الموسيقية في ولاية لويزيانا.

ملاحظاتي :

1- الفيلم زين بس الازعاج كان وايد فتشتتنا يعني مره مخربطين بكراسي اللي يمنا وعقب ياهل كان يدابج ع الدري يمنا عقب ماوعينا الا طراخ طراخ طراخ مو رمي لاتخافون ولا احد يتسطر خخخ بس الياهل بو سنتين تقريبا غيرنشاطه وقام يركض جدام الشاشه @@

المهم ولما اندمجت ماوعيت الا ايدي غرقت خخ مو بالنهر اللي بالباباي بصولص الفلفل مال الناتشوز اهي اهي خبري فيه كان بحضن اختي ..

2- الفيلم احس مو ليهال وترا مقطع خخخ انا استغربت انه مقطعينه مو لانه عادي عندي هالسوالف قطع اول لا لانه فيلم اولاد عم حطوا العن من هاللقطة @@ بس زين سوو مدام الفيلم كله يهال..

وعقب تمشينا ورحنا ناكل فوندو و الميلك شيك لمدمد ..

وع الطاري اختي تقول انه بلولو هايبر حطوا باسكن وفيه هالفوندو :)

معتوق في بانكوك + ريوقي +شمس الليل لنبيل فاروق

2009-12-21T20:09:00.005+03:00

السلام..

رديت للبوستات المزدوجه من كل بستان زهره << شخباري مجلة ماجد :)

اليوم رحت لفيلم معتوق في بانكوك والحمدالله انه التذكره بدينار ونص:p

اللي ما عجبني فيه:

-طارق العلي وايد ماخذ راحته مع هالتايلانديات :\

- الفيلم يبيله بطله اصغر من عمو طارق :p

- مادري شعلاقته بتايلند 2مره يسوي شي فيه عدل !!

- ماكو قصه احس ميمعين جم فكره من افلام قديمه ودامجينها ..(النصب بالسفر- العصابه- الاشخاص متشابهين)

احلى شي في جم موقف بسيط بس يضحكون ..

دعايته :

http://www.youtube.com/watch?v=DD14sVEpdgM&feature=related

_________________________________________________________

ريوقي العاده يكون من كاريبو ..

وهذي جم لقطه لطلباتي منهم ..

سيزر و اخليهم يخلطونها وساعات يحطون فيها خبز وساعات لا..

صمونة تركي ذوقته 3 وعجبتهم :)

هوت شوكلت هاليوم كان احلى هوت شوكلت ذقته عندهم كانت الكريمه وايد ونوعيه الككاو مغيرينها :)

طبعا مو كلهم اطلبهم مره وحده..

وهم اطلب كرواسان جبن مره خذيت ساده كرهت عمري خخخ..

وايام الجامعه كنت اطلب منهم براوني لذيذه وصولص الكاكو سايح ايباااه خخخ ..

وهم عندهم كيك انجلش جنه كان حلو بس من حبيته طلبته جم مره وقطعوه @@

____________________________________________________

هالروايه قريتها من زمان قبل معرض الكتاب ..

اسمها :شمس الليل ..

مؤلفها : د. نبيل فاروق ..

القصه عباره عنمجموعه من الرسائل البريديه من البطله صفاء لصديقتها في مدينتها السابقه تروي فيها تفاصيل حياتها واهم الاحداث التي تمر بها هي حبها لجارها الشاب الكفيف .

وبس سلامتكم :)

بافلوز + امير البحار + crumbs

2009-12-19T13:05:00.008+03:00

السلام عليكم..

وكل عام وانتوا بخير يارب..

واجازه سعيده :)

امس الله يسلمكم رحت الافنيوز خخ المهم وكنت ابي هالكافيه و فيلم امير البحار

المنيو :

بطاط مثل فكرة تويستر بس عيبه مكان الكريمه وايد ومكان شويه ..

بس لذيذ هجمنا عليه خخخ..

في كالعاده صوره مختفيه اهي كانت هالمره لسلطة السيزر و عجبتني حموضتها واختي حبت الدياي..

وهذا باستا عيبه ماصخ :\

اختي زادت ملح وعجبها ..

ملحوظه صغيره احنا اللي عندنا عادي عند الناس مالح :)

همبرغه نايس احلى من مالت فرايديز..

وحلينا بهالحلو اسمه شي جذيبافلوز صنداي براوني..

عباره عن براوني ساخنه مع برد فانيليا وفوق عليها كريمه و كاجو وكوكيز وصولص ككاو ..

واكلهم زين وسعرهم رخيص كل هذا ب11 دينار بس,,

والاهم اختي عجبها المطعم :)
***************************************

عقب رحت فيلم امير البحار للهندي كنت ناطرته من العيد وقبل يومين نزل ..

لما شفت دعايته:

http://www.youtube.com/watch?v=ViGKahqSO2w

قلت عسى مايقلد اسماعيل ياسين بالبحريه :\

بس طلع لا..

معلومات عنه من سايت السينما وغريبه ليش ما يحطون اسم المؤلف !!

عموما اهو من تاليف يوسف معاطي ..

القصة
تدور احداث الفيلم حول الطالب أمير الذي يفشل كل عام من التخرج من الكلية البحرية وعن حبه لجارته سلوي(ابنه عميد الكلية)ولكن عند تخرجه من الكليه البحرية بعد ثالثة عشر سنة يأخذ سفينة أبيه الخاصة ويخرج بها في البحر مع امه واخوته وسلوي (التي هربت من حفل خطوبتها) و ينفذ منهم الوقود وبعدها يأتي القراصنة ويخطفوا السفينة ومن عليها ويطالبون بفدية مالية كبيرة. وتدور الاحداث الكوميدية.

جنه كاتبين الفيلم كله خخخ ..

رايي فيه يضحك بس توقعته احلى اخر فيلم للهنيدي رمضان مبروك ابو العلمين حموده كان احلى لانه في رساله وركز على قضيه مهمه اهي التعليم ..

وهذا تحسون احداثه معروفه خصوصا عقب ماقريتوا قصه اللي بسايت السينما :p

**********************************************
وطبعا فترينا شوي في جم محل مسوي تنزيلات بس مانغو كان حايشه زلزال خخخخ..

وقبل لانطلع اختي كانت تبي باسكن فشفت هالكشك ..

وخذيت منه كب كيك ..

عجبتني علبته من داخل في شي يقضب الكيكه عساس تثبت ..

لانه قبل هالمره كنت ماخذه كب كيك من دين اند ديلوكا وكان القوطي كبير لمافتحته باكلها توقعت الكيكه مختربه بس اللي لقيته انه متكوكسه ومسويه وقوف ع الراس وثابته على هالوضعيه..

وهذا النوع اللي خذيته :
red velvet cupcakes

وكالعاده لما نجرب الشغله اكثرمن مره نقارن بينهم :

هذي الكيكه ماعجبتني وايد عيبها ماصخه اما الكريمه حلاها زايد و ناشفه :\

كيكه دين اند ديلوكا حلوه و الكريمه ماصخه بس فيها نقط طعمهم حالي وايد بسهذاحبيتها اكثر من اولى ..

اطالب المطاحن يسون لنا هالنوع :)

وخذيت هذابعد اللي لونها وردي ::

وهذا سايتهم :

http://www.crumbs.com.kw/site/

فيلم ولاد العم + مطعم رايس+ طلقه في الصدر الشمال = جولتي امس

2009-12-12T21:50:00.007+03:00

السلام ..

امس رحت فيلم ولاد العم وكنت من زمان ابيه :\

بطولة

كريم عبدالعزيز , منى زكي

النوع

حركي, درامي

مدة الفيلم

125 min

القصة
دور احداث الفيلم حول المخابرات والجاسوسية من خلال أحد ضباط المخابرات المصريين الذين يحاولون استعادة فتاة مصرية، اختطفها جاسوس إسرائيلى بعد أن تزوجته دون أن تعلم هويته.

http://webserver2.kncc.com/arabic_synopsis.php?mv=2834

رايي :

اول شي من العنوان توقعت انهم عيال عم بس واحد مع اسرائيل وال2 مع مصر طلع لا@@

والفيلم عباره عن استخبارات وجواسيس يعني طقني واطقك واحد يكفخ 10 و يطولون يالله يموتون :\

وتوقعته احلى لاني احب تمثيل كريم عبد العزيز ..

وطلعت راسي يعورني :(

دعايته :

http://www.youtube.com/watch?v=I7QOznhUXXE

****************************************************

وبالطريج كنت اقرا هالكتاب ..

وهو عباره عن مجموعة قصصيه كان محورها الاساسي بندقيه ب9 طلقات عاصرت فترة التهدايدات العراقيه (عبد الكريم قاسم)وانتقلت لتستخدم في الغزو العراقي الغاشم (حسبي الله عليهم) .

كل طلقة تمثل بطولة تمت بها سواء من شاب او فتاة او حتى طفل ممن تعرضوا وعاصروا ابشع الجرائم و رفضوا الهروب .

رايي :

حبيتها فكرتها حلوه تمثل فتره صعبه مرت فيها الكويت مستحيل ننساها .

والله يحفظ الكويت يارب..

************************************************

وعقب ماخلص الفيلم رحت صليت عقب تغدينا بمطعم رايس واهو من اختيار اختي لاني انا اللي اخترت الفيلم فالمطعم دورها تختار:)

المقابلات خبز يابس وزبدة ..

هاللقطة الوحيده للديكور ..

كلشي عليه حبات عيش..

والطلب بصينيه انا كان برياني لحم ومعاه دقوس وسلطة الروب واجار ..

واكثر شي حبيته السلطه ..

واخترت مع طبقي لبن اهو يخيرونكم بينه وبين االمشروبات الغازيه ..

طلب اختي مربين والباجي مثلي بس غير فيه غندور صغير اتوقع صبار واهي سلطتها سلطة الملفوف جنه ..

وعقب يابولنا الحلو المهلبيه ماحبها ولا اختي اهي مو ع كيفنا نختاره ع كيف الشيف خخخ..

وكريم كراميل انا احبه بس طعمه كان عادي..

والحلو طولوا فيه عكس العيش بسرعه وصل..

عقب يابولنا قوري جاي انا مو وايد احبه واهو فيه مروره شوي..

رايي بالمطعم زين مو وااو بس فكرتهم حلو بس حلاته احنا نختار الحلو :)

صرت ملكة :p

2009-12-11T21:20:00.005+03:00

السلام ..

صرت ملكه وعندي تاج وورد ورصاص :)

كلهم من جايونه مرسي ..

والثمن اجابات ..

اسمك واسم مدونتك؟

رورو الشخبوطة ..

اسماء مدوناتي ...

1- ترندي قيرل ..

2- شخبوطة ..

احب الالوان؟ الايام؟ الارقام؟

اللون الفوشي ..

الايام اي يوم عطله احبه واعتبره عيد بعد :)

الارقام افضل رقم 1..

برجك وتاريخ ميلادك؟

برج الدلو ..

تاريخ ميلادي 11/2/1987

قرب :)باجي شهرين >> نغزه

ماهم مميزاتك؟ واهم عيوبك؟ وماهى الصفه التى تتمنى ان تتوفر فيك؟

ميزتي اني صريحه وحقانية و صاحبة مبدا وساعات احس اني طيبه خخخ,,

عيوبي فاقده الذاكره و اتنرفز و سلبيه ساعات ..

الصفه اللي اتمناه اكون ايجابيه و ما تنرفز ..

مكانك المفضل؟

بيتنا و اي مكان في يمعه حلو وناسه ..

واول كنت احب دجة القسم..

اي هى هوايتك المفضله؟

القراءه والقرقه الشفويه فيس تو فيس ..

ما المقوله اللى تؤمن بها؟

ليس الفتى من قال كان ابي ** ان الفتى من قال هائنذا.

مابين طرفة عين وانتباهتها *** يغير الله من حالٍ إلى حالِ

تفالؤ الكويت مازالت جميله << د. احمد الربعي <<بنتفائل والله كريم

انما نعامل الناس باخلاقنا لا باخلاقهم..

اجمل هديه قدمت لك من مين؟

اجمل الهدايا اللي تكون مفاجئه وغير متوقعه حتى لو قرطاس:)

اسعد يوم فى حياتك؟ واتعس يوم فى حياتك؟

اي يوم انجز فيه شي يذكر اهو سعيد ..

تعيس يمكن يوم وفاة ديده الله يرحمها يارب بس بنتلقى بالجنه يارب..

موقف طريف لا ينسى من ذاكرتك؟

وايد بس مايحضرني شي الحين..

معاك ثلاث وردات لمين تهديهم ؟

الوردة الأولى لديده و يدي واحمد الربعي << الله يرحمهم يارب

الوردة الثانية لامي

الوردة الثالثة لعائلتي ورفيجاتي واللي يحبوني ..

الورده الرابعه اللي عطتني اياها جاي:p

معاك ثلاث رصاصات على من تطلقهم؟

خخ شسالفتي اليوم مع الرصاص :)

عموما ماحب العنف ولا ايده وافضل الاستفزاز عليه بس الرصاص اذا في مجال يزيل كل من يسوي واسطه ويبديها ع الكفاءه فيستاهلها و يبيلي وايد عيل:(

اي رايك فى الحب؟ ولمن تقول اجمل كلمه حب؟

اه من الحب وسيرة الحب وظلم الحب

الحب مزيج من المشاعر الاحترام والتقدير الوفاء الاخلاص الشوق التضحيه العطاء ..

للي يستاهلها معاني مو رومانصيه ولا من النوع اللي ابوح بمشاعري ولا راعية كلام حلو ..

هل من السهل ان تمثل الحب لشخص يحبك لعدم جرح مشاعره؟

امم اهو لا بس يعتمد انا نادر اللي ماحب ناس بس جذي عبط العاده اكره او بمعنى ادق اتنرفز من موقف او شغله معينه ومجرد مايتعدل الشخص ومايكررالموقف الخايس بكون معاه اروع مايكون فاذا احد قدملي ابسط حقوقي وهي الاحترام بقدمله كل شي ومع العشره بحبه ان شاءالله ..

المراه فى نظر الرجل ।لحظة الحنان ......... أكمل ؟

اعظم كائن

الرجل فى نظر المراه...الآمان ..........أكمل؟

السند ..

ماهو اسعد خبر سمعته هذا العام؟ وماهو اتعس خبر؟

اسعد خبر:انه ولد اخوي طلعوا براطمه علي خخخخ..

اتعس خبر: وفاة ديده الله يرحمه يارب و اي خبر انه في خطيب يرفع ضغطي :\

لمن تهدى التاج؟

مدمد >>made n q8

الوتين - خاتون <<اذاحابين ..

فشه اذا ردت مختفيه :\

مرسي جايونه :)

اضافة : اهداءشريته بس عشان اصوره لج اكيد عندج مثله خخخ..

جولة ع الطاير ..

2009-12-09T12:46:00.004+03:00

السلام ..

امس طلعت من الدوام ورحت الافنيوز بس امبيه الطريج زحمه حده :\ المهم وصلت هناك لقيت اختي طبعا انا وياه متفقين مو صدفه رحنا بنحجز بالسينما بس انصدمت الفيلم اللي ابيه 6 متاخر :(

المهم حجزنا فيلم 2 مو بالي ادشه كلش ولا اعرفه اساسا ..

وعقب رحنا كلينا بفرايديز هالمطعم احبه حبا جما و باخر كورس بالجامعه يمكن كل ثلاثاء انا اتغدا فيه ..

وطلبنا كان كله مقابلات هذيل اكثر شي نحبه بفرايدز جربت اغلب الاطباق بس ماحبيتهم مثل هذول ,,

تويستر ..

شوربة بطاط ..

سيزر ..

__________________________________________________________

مامدانا ناكل الا صار وقت الفيلم ..

الا اهو اولد دوغز حجزته و بوزي لي ركبي الا بدش السينما وانسب وقت لنا كان هذا ..

طبعا ركضه رحت اصلي وحتى ماخذينا نفيش لانه كان في قبلنا جم واحد ومع هذا دشينا والفيلم بادي :\

من موقع السينما :

http://webserver2.kncc.com/arabic_synopsis.php?mv=2831

بطولة

John Travolta, Robin Williams

المخرج

Walt Becker

النوع

كوميدي, عائلي

مدة الفيلم

87 min

تصنيف

PG

القصة
صديقين حميمين روبن ويليامز وجون ترافولتا تقلب حياتهما رأسا على عقب عندما تسند لهما مهمة رعاية توائم يبلغا السادسة من العمر وفي نفس الوقت فانهما على وشك توقيع اكبر صفقة تجارية في حياتهما.

هالتوام اهما عيال روبن اللي اسمه بالفيلم دان ..

راي الفيلم احلى من المتوقع دشيته ماده بوزي طلعت شاقه الحلج :)

اي دعايته ..

http://www.youtube.com/watch?v=RhY8AP806tU

***************************************************

وعقب مرينا خذينا برد من قولد ..

انا ماحب الخبيصه اهي اهي ع ابو ابي كورتين وحده الورديه جنه علج وال2 الزرق شعر بنات وبزيد خدود بنات مادري عيوز ماكنت ادري انه بيخلطهم جذي بس ماخليته يكمل الخلط :)

وهذا مال اختي اذكر ككاو ونوع ال2 نسيت اسمه و زادت براوني ,,

بس خدمتهم حلوه واسعارهم احلى ..

__________________________________________________

ولازم خو قصه مع اني هالفتره متنحه مااقرا وايد..

بس مو لانه امس زحمه فمليت وقريت هالروايه اسمها سلمى وتاليف غازي القصيبي ..

النبذه الخلفية :

يرفع الرئيس جمال عبد الناصر رأسه من الاوراق التي تكتظ بها طاولته الصغيرة، في بيته في منشية البكري. يشرق وجهه عندما يرى سلمى واقفة أمامه. يقول ضاحكا: - سلمى‍‍ كيف دخلت؟ لم يشعرني أحد. لم أحس بك. تضحك، بدورها ، وتقول: - سيادة الرئيس! هل نسيت أنني مديرة المخابرات العامة؟!

راي :

امم القصه ذكرتني بسلوى المطيري لانه البطله اغلب الوقت نايمه وتحلم بابطال عقب ماتسمع عنهم شي بالراديو ع سبيل المثال صلاح الدين واحمد شوقي وعبدالوهاب و جمال عبدالناصر وحتى شارون :\

وبس سلامتكم :)

كابتن مصر لـ عمر طاهر + سوالف وذكريات ..

2009-12-04T22:46:00.004+03:00

السلام ..

واخيرا انتهيت من قراة كتاب لانني مؤخرا بدأت بتصفح بعض كتبي ورواياتي وقراءة بضع صفحات منها من ثم رميها :(

عموما كتاب اليوم يحمل عنوان (كابتن مصر.. البوم ساخر للمراهقين)

يعد هذا الكتاب ال3 من حيث الاعمال التي تابعتها سواء قراة او مشاهده لمؤلف عمر طاهر ..

وفيه يتناول الكاتب قضايا وظواهر بارزه بحياة كل مراهق باسلوب شيق وبسيط وممتع من خلال 15فصل ..

ولعلل المميز باسلوبه انه مناسب لهذا العصر من حيث الفاظ او التكنولوجيا المطروحه فيه (فيس بوك - شات -نغمات -ايميل ..الخ) بالاضافة للاستخدام المعرب (الكتابه بحروف انجيزيه لكلمات عربيه اكره هالشي :\ والحمدالله كان مقتصر استخدامها ع عناوين الفصول)وملائم للفئة المستهدفه و هي المراهقين .

ال15فصل كالتالي :
1-الجمجمه دي فيها ايه ؟؟

معظم ماطرح فيه اسئلة حول مختلف مجالات الحياة ..

ex:ليه سوبر مان يلبس الاندر وير بتاعه على هدومه من بره؟؟ <<( صج ليش يمكن لانهم ماركه خخخ )

2- تحب تطلع ايه لما تكبر ؟؟
عن اسئلة الكبار للاطفال والخ ..
3-ليه بنكره المذاكرة ؟؟
وفيه تناول تخصيطنا للمذاكره وتطبيق وعوامل التشويش التي تاثر عليها , ثم تطرق لاسباب كره المذاكرة , ومن ثم اشار الى كيف نحب المذاكره ولكي تحدد الاجابه يجب ان تعرف لماذا انت تذاكر ؟؟ ’ واثناء شرحه عرض بعض المواد الدراسيه والهدف الاساسي من تعلمها .
4- ياترى جدي وهو كان طالب كان عامل ازي .؟؟
مقارنه بين الطلبه في السابق والطلبه الان ..

5-ازي تعرف ان الاجازة بدأت ؟
عبارة عن عرض لبعض المواقف ..

6-ليه اكل الشارع احلى من اكل البيت ؟؟
مقارنه بين اكل الشارع = المطاعم واكل المنزل << انتوا شنو تحبون اكثر ؟؟

7-من فضلك علمني الغلاسة ؟؟

اتوقع معنى الغلاسه هي الدم الثقيل , عرض مميزات الغلاسه ومواقف تبين مداها او بالاحرى تبين انك غليس اذا فعلتها خخ..

8-حدث في مثل هذا اليوم (قصص واقعية )
مجموعه من القصص الواقعيه الاطفال ومراهقين ..

9-لو بطلنا نسأل نموت !
مجموعه من التساؤلات لكن هذه المره بشكل عنوان لمقال ثم تفسيرها بمقال امم احببت معظمها مثل سؤال الاصنصير ؟ و المايوه صح ولا غلط ؟ و الحمدالله ع ايه ؟؟

10-من اللي قال البنت زي الولد ؟؟
اسباب ومقارنات تبين الاختلاف بين الجنسين ..

س: لو كنت من الجنس الاخر ماذا كنت ستفعل وهل تعتقد انه حياتك ستتغير ؟ << السوال للبنات والصبيان ..

عن نفسي اي طبعا بتتغير كوني صبي يعني مجالات المختلفه بتكون اسهل متوفره اكثر بدرس برا عادي و فرص الوظيفيه اكثر من واقع تجاربي الوظيفيه انه التفضيل للذكور بس لانه ذكر رغم انه قدراته اقل , ماراح اخاف بطلع بالليل عادي بسوق داري بترتب بروحها اغراض بتصير اقل ماحاتي شبلبس بعرس او عزيمه او عيد او حتى عزا الله يسلم الدشداشه وعموما الولد وايد معطينا حجم اكثر من اللي اهو يستاهله ساعات مو الكل وخاصة اليدات لانه متربين ع انه ريال فهو احسن اما الحين لا احس نوعا ما صار في مساواة بالمشاعر بس لكن الوظيفه وغيره لا للحين احنا مظلومين :\
هم بحب بتزوج اللي احبها طبعا اذا الله سهل ..<< ميزة لنا انه اهو اي لي عندنا مو احنا نروح لهم خخخ ..

11-ليه لما بابا بيقول ان شاءالله بيكون اقصده ان شاءالله لا ؟؟
عباره عن شرح مصطلحات الوالدين ..

12-تحب تكون مشهور ؟؟
اختبار تختار شخصيه مشهور من عدة شخصيات مطروح ثم تتعرف ع شخصيتك من خلالها ,,

13-مين ينفع يكون مثلي الاعلى ؟؟
عرض لقصة بحثه عن مثل احلى بين المشاهير و من حوله ليتعلم انه المثل الاعلى هو من تتعلم منه لا من تقلده فتصبح نسخة مزيفه منه ..
14-ازي تعرف انك مراهق ؟
عرض للمظاهر الفسيلوجيه و البيلوجيه والحياتيه التي تبين انك في مرحلة المراهقة ..

15-هيا كلمة صايع كانت شتيمه زمان ؟
مقارنه للمدلول كلمة صايع بين الماضي والحاضر ثم الختام بنصائح مفيده على سبيل المثال :

1-الصبر هو الحاجة الوحيدة اللي لازم تستعجل وانت بتتعلمها ..
2-اول خطوة للنجاح انك تعرف انت عايز ايه..
3-اوحش حاجة انك تكون مابتعملش حاجة , لانه يبقى صعب تعرف هتخلص امتى ..

ملاحظ الكتاب معظمه باللغة العربيه الفصحى :)
#####################################

ع طاري الدراسه كنت مجهزة جم سالفة ونسيتهم ,,

خل ابلش باختي الصغيره بعاشر يعني 2 ثانوي ومن لما كانت ب8 واهي مجابلتني كل يوم بتدرس شي مره علم نفس مره تقولي عادي ادرس اعلام قلت لها اي قالت ترضين اصير مثلج !! بقلبي حشى ملكي الخاص خخخ ..

ومره بتخصص هندسة كمبيوتر بالمعهد التجاري خخخخخخخخخخخخخخخخخخخخخ ماخبرت هالتخصص موجود فيه امبيه خخخ انا حسبالي بس انا اللي قالت لي عنه بس مره كان عندها مدرسها واسمعها تقول انه بتدش هالتخصص واهو يسيرها يقولها اه بس دبلوم خخ ماكسر بخاطرها ..

ومره دشت المستشفى لما زرناها جان تقولي ابي ادرس تمريض !!

هالفتره هابه انه بتدرس برا لوعت جبدي بهالسالفه وكل يوم سوال غير اليوم تقولي اتفضلين سكن بشقه ولا السكن الجامعي قلت لا اصير هومليس احسن !!

ع طاري طموح اختي ..

حققتوو طموحكم ..؟؟

انا كنت ابي اعلام واستانست اني تخصصته بس عقب لما تخرجت وطحت بجبد نفسي قلت لو داشه تربية رياض اطفال ابرك لي مع انه وع بس دوام اقصر احتكاك باليهال احسن من الكبار و مايبله غني ورقصي خخخ و دوام قريب من بيتنا صج اروح مشي ع قولة ابوي ولي تاخرت اركض :\

والاجازه يابوي 3 اشهر خخ ..

كنت بقول شي ونسيت ..

اختمه لانه مخي قفل ..

تذكرت مادري ميزه ولا عيب اني ادش المدرسه مبجر !! يعني اللي عقبي بسنه خذوا الانجليزي من اول ابتدائي والحاسوب من المتوسطه <<حسب المدرسه انا فلست من الاثنين ..

بالجامعه اللي عقبي زادوا شعب تخصصنا من 2 صاروا 4 !!

لا وينحسب لي اني اكبر منهم مع انه مثل المواليد اهي اهي ..

يعني حتى ميزت اني اخلص تعليمي مبجر طلعت خرطي الا شويه :(

جولات العيد..

2009-11-30T23:00:00.002+03:00

السلام ..

وخلص العيد ولا حسينا فيه وخلصت الاجازه وفي ناس بتداوم خخخ ..

المهم بثاني العيد كنا بنروح المارينا بس لانه بالطريج المطر كان قوي رحنا الافنيوز وهناك كنا بنروح السينما امبيه دشيناه قلت فاضي وناسه الظاهر لانه مطر وصلنا لي السينما وعرفنا سبب انه المجمع فاضي لانه الكل رايح له الطابور لي باب الاصنصير عشان نوقف فيه لازم ندش الاصنصير خخ حلاتنا والله ..

جان نكسلها ونروح المطعم دشينا جوكلت بار..

المانيو متغير اذا ماخاب ظني وجنه رافعين الاسعار بعد :\

الوردة الجميله ..

كلوب ساندويش ..

باستا ..

وحلينا بهوت جوكلت كيك << جنه اسمها جذي..

***************************************

فاصل اعلاني..

فيووووووووووول :)

هذي هديه اخوي لولد اختي بمناسبه يوم ميلاده استانس عليها بعد عمري بنفس الوقت خبزني وملامحي راحت فيها منه اهي في مكان شبك اهو بالخيمه وانا اطل عليه ايلي ويلزق ويه بويه وعقب يهفني بيده وطبعا لما يلزق ويه يكفخني براسه اح وغير جذي لي خليته ولهيت بالنت ماوع الا الخيمه بكبره فوقي خخ..

**********************************************************

اليوم الثالث رحنا المارينا هالعيد زحمه اكثر من العيد اللي فات ..

واي صادف اللي جدامنا غرب وكل وحده بتدفع بروح تذكرتها اوكي عادي بس وحده تيمع الفلوس وتدفع مره وحده مو كل وحده عند المحاسب تطلع فلوسها يمكن 2 عندهم خرده والباجي اللي 5 واللي10 واللي 20 ومال التذاكر يشرح لهم انه بياخذ من وحده والباجي يعطونها واهما ساعه يالله ستوعبوا ولما خلصوا ما وخروا قعدوا يوزعون التذاكر ع بعض فراغه ..

المهم الفيلم كان نيو ومن الجزء الثاني من سلسلة تويلايت

امم اللي ضحكني انه وايد تفاعلوا البنات بالفيلم ولما بنطلع لفيت ولا الاغلب اللي بالفيلم بنات يعني لو الحضور 100 ع الاقل 90 منهم بنات..

الفيلم عادي توقعته احلى والصاله بارده تيمدت اصابع ريولي..

البطله بكل جزء يزيدون حبايبها ..

بالاول مصاص دماء والحين زاد المذؤب بالجزء ال3 الظاهر تحب زومبي :p

وعقب مارينا فيرجن لقيت الجزء الاول من الكتاب بالعربي اسمه الشفق امبيه متييييييييين والجزء مافي احداث وايد كفيلم وحتى لو مايسوى !!

اي دعايه الفيلم ..

http://webserver2.kncc.com/arabic_synopsis.php?mv=2835

ومرسي..

وانتوا شلون قضيتوا العيد .؟؟

happy birthday smsm

2009-11-28T21:25:00.006+03:00

السلام..

اليوم بالنسبه لي الحمدالله ممتع..

الجو بديع ماشاءالله مطر كنا بنروح المارينا بس لانه قوي رحنا الافنيوز..

وكنا نبي سوالف لحفلة بسيط فمرينا بروي وع حظنا كان تنزيلات :)

طبعا الحفله لبيبي صبي عمره سنه مو اليوم ميلاده لا 24-11 بس اختي ماراح تكون عندنا فاجلناه لي العيد..

كلشي خذينه ع رقم 1..

الصحن..

الكلنكس وهم القلاصات والشمعه والكبوس بس ماصورتهم ..

صدريه له..

وطبعا اليوم بسيط مثلا حفلاتنا قبل ايام ديده الله يرحمها كنا نحط كيك وفطاير والعشا ونطفي الليتات ونشغل الشموع ونغني عقب ناكل وبس..

الكيكه الاولى..

ال2 بالنت كانت جذي واحنا قلنا له اكتب عليها هبي بيرث دي سمسم اهو لما كلم امي قال ماراح يزينها قالت عادي ع ابو جاهزه ومايقدر يضيف اسم سمسم..

الصدمه انها صارت جذي جنه بيت بنوه لي الحجر الاسود والمقاول باق فلوسهم ونحاش اهي اهي..

طالبينهم من بترا ..

http://petrafood.com/shop/catalog/index.php?osCsid=4248257ecb94302e04169319a891e1e8

وعشانا مزه بارده..

ومشويات..

المعازيم ماكو الا انا وخواتي وامي والجاليه الاثيوبيه :)

وكل عام واهو بخير ..

عيدكم مبارك ..

2009-11-27T11:42:00.003+03:00

السلام ..

وكل عام وانتو بخير ..

احترت شنزل بوست كنت بعيد القديم مال العيد اللي فات لاني حبيته وايد بس قلت مو حلو جنه ماعندي مخ افكر خخخ..

وعقب قلت بحط طلعتي وبالمره اعايدكم طلع السواق بيزي ..

فماكو الا هالجم صوره تقزوره..

حرام كسورا خاطري..

المصدر
http://www.sohbanet.com/vb/showthread.php?t=58573

ما فقدتوا العيادي:)

مطعم ليل نهار + فيلم طير انت + عصر الحب لنجيب محفوظ = طلعة الويك اند

2009-11-24T14:32:00.006+03:00

السلام ..

شلونكم..

لي ياني وياكم خير لفاني ولفاكم وشر تعداني وتعداكم << متى تنقال هالعباره :)

المهم يوم السبت طلعنا طلعه اخواتيه بحته من زمان ماصارت ..

اول شي حسنا ندور مطعم وي نسيت احط كيكه اللي جربته يالبوست الياي ان شاءالله ..

رحنا صوب النافوره برا سراي كان مسكر مانبي ستار بوكس رحنا الصوب الثاني كافيه بلان زحمه و الباجي مانعرفهم عاد صعدنا فوق واستقرينا ع ليل نهار اول تجربه له ..

غيرنا مكان فيه 3 مرات مره نبي طاوله اكبر ومره لانه اختي تبي داخل ..

اهو لبناني بس في وايد اكلات لبنانيه مو موجوده مثل التبوله ..

انا طلبت سيزر .. طعهما زين مو وااو..

معجنات لاختي الكبيره استغفرالله عينتهم مو شي وجيكو ع البتزا تذكرت تعليق اختي الوسطيه عليها :)

فتوش ماقدرت اكله لانه في خضرا وفجل وبصل وهالسوالف ماكلها واخبز بعد شكله غريب ..

صاج لبنه وزعتر لاختي الصغيره جنه او الوسطيه اهو 4 قطع كل وحده فينا كلت قطعه هم ماحبيته حسيت في نعناع وانا ماحبه ..

وهم طلبنا صمونه ستيك بيروت اسمه شي جذي لاختي يالصغيره او الوسطيه اهي وحده طلبت صاج والثانيه صمونه واهم الصمونه 4 قطع كلنا ذقناها اختي الكبيره حبتها انا عادي بس احس مو ستيك ريحت الستيك المقصد انه الستيك جنه حالفين عليه ..

ببروني مالتي طبعا كلنا كليناه والباجي تيك اوي ماحبيت طعم الطماط واضح حيل استغفرالله هم ماحب طعم معجون الطمام خخ انا شاحب!!

واختي الكبيره هم حبتها..

وي نسيت احط صورة عصير اختي :\

________________________________________________________

عقب قعدنا نتمشى لي 2 وشي بس كنا كل 2 مع بعض الصغيره والكبيره دشوا اتش اند ام وانا والوسطيه رحنا بيمنكي بول اند بير كليرز ناين وست ومانغو و استرادي وقالوا القروب ال2 انهم بيردون البيت جان احنا نروح نحجز السينما ماوعينا الا اهما بويهنا قلنا لهم انه حجزنا لما دروا انه طير انت جنه يبون بس يبيله دزه عشان يقتنعون مع حنتنا اقتنعوا راحوا اهما يصلون وانا مع الصغيره هالمره رحنا حجزنا لهم ..

والفيلم كان طير انت طبعا ماشفت لادعايته ولا قريت عنه شي بس شفت بوستره ..

وقبل لايبدي الفيلم بدقيقه يو اشوه ..

طبعا خذينا ناتشوز ونفيش وبيبسي لهم وماي لي وانا اطلب اللي وراي كانت لابسه كمام انا لا ارادين غطيت خشمي وعقب الكبيره اللي معاه تقولي اختي ترا احنا طلبنا ناتشوز اخر مره ولقينا فيه دوده طلبي نفيش او اي شي 2 بس ناتشوز لا ..

جان اقولها وي عاد طلبنا وابتسمت وقلت لها مشكوره جان ترد لي ورا وتلف ويها وتقول كيفج بس الدين نصيحه قلت لها بالعكس ماتقصرين استغربت من ردة فعلها اخاف بجت عقب خخ ..
المهم نرد للفيلم ..

بطولة

أحمد مكي , دنيا سمير غانم

المخرج

أحمد جندي

النوع

كوميدي

مدة الفيلم

122 min

>> مو كاتبين التاليف لعمر طاهر ..

القصة
شاب منطوي يحب فتاة ويظهر له جني يحوله لعدة شخصيات لتتناسب مع ذوق الفتاة، وكل مرة من المرات يحدث موقف طريف يؤدي الى الفشل في الوصول لقلب الفتاة.

http://webserver2.kncc.com/arabic_synopsis.php?mv=2818

الحلو انه كل مره شخصيه غير.. واهما 7 شخصيات للبنت والولد ..

الولد اسمه بهيج والبنت ليلى ..

1- اهو كول وعضلات ورياضي واهي كول بس محافظه يعني لبس وفريبس ماترافج وبس تصافح خخ بس ضحكني قاعده معاه ع البحر وتقوله انا مارافج صبيان عيل اهو شنو@@

2- اهو صعيدي و قوي و ظالم واهي صعيديه كول عندها نت و تحب مهند..

3- اهو حساس ورقيق وغبي خخ واهي لبنانيه وتحب الريال الدفش ..

4-اهو غني وفسقان واهي مندوبة تجميل << بس مضبطه الستايل ..

5- روش << توهقت وسالت اختي قالت لي يمكن جذي خخ اهو اللي يطلع بستايل السبعينات واهي بعد مثله..

6- ومره صار مدرب منتخب واهي مشجعه ..

7- فيلم هندي ..

حلو انه في رساله بالفيلم انه كل شخ يرضى بنفسه يدور مميزات اللي تبرزه ..

وانه الريال ماينحب عشان شكله ولا افلوسه انه مو مهم غني بس المهم يكون زين معاه ومايقصر عليه وانه ريال بدون مره ولا شي ..

وبس..

دعايته :

http://www.youtube.com/watch?v=vfkK1EZQO0Q

_________________________________________________________

هالكتاب قعدت يمكن اسبوع فيه ..

اهو للاديب الكبير نجيب محفوظ ..

وطلع مسوينه فيلم ..

http://www.aa4l.com/vb/showthread.php?t=124047

الشخصيات :

1- الست عين : ارمله في الخمسين رزقت بطفل ع كبر يدعى عزت واهي امراه كريمه معطاءه..

2- عزت عبدالباقي : ابن الست عين الذي تتمركز حوله الروايه وتدور الاحداث من طفولته الى ان يصل تقريبا الى الخمسينات من عمره..

3- حمدون عجرمه : صديق عزت منذو الكتاب وحت ال 18 ثم يختفي ليعود بمنتصف العشرينات تقريبا ثم يختفي مجبر هذه المره ليعود بعد ربع قرن ليتلقى ..

4- سيدة : زوجة عزت ورزق منها بطفل واحد يدعى سمير..

5- بدريه المناوشي : زوجة حمدون وحبيبة عزت .

الكتاب جيد بس كنت افضل اشاهده كفيلم لانه عندي قراتي له احسست انني اقرا سيتاريو لفيلم :\

اي خل اقولكم شكو اهو بالموضوع انا كنت اقرا بالسياره و بالمطعم عاد اختي تتحلط وتتطنز علي تقولي خلي كتابج يعني يابانيه بتسثنر وقتها اهي اهي..

جوله ممتعه بربوع المركز العلمي :)

2009-11-21T22:19:00.013+03:00

السلام..

الخميس اللي فات رحت المركز العلمي امم ليش :

1- شوقتني ع الاكواريوم جاي الضحى :)

2- مليت من السوق وابي اروح اي مكان اغير فيه جو واستانس والاختيار كان اهو ..

كل يوم احب النت اكثر لانه يسهلي وايد اشياء ..

عرفت كل شي عن المركز وانا بيتنا ..

سويت سيرج طلع عندهم سايت عرفت فيه كل شي ابيه عنه ..

http://www.tsck.org.kw/ar/index.asp

كا وصلنا :)

وحجزنا التذاكر اللي يصير 3 مع بعض الاستكشاف+ اي ماكس+ الاكواريم ..

احنا وصلنا تقريبا 11 الا ربع فكان باجي ساعه الا ربع ع عرض فيلم ودوني القمر واهو باباي ..

هذا البوستر ..

وهذي نبذه عنه من السايت ..

يقدم للمشاهدين اللحظة التاريخية التي وحدت العالم عندما هبطت أبولو 11 على سطح القمر و الخطوة الأولى لإنسان على سطحه التي نقلت مفهوم استكشاف الفضاء إلى أفق جديد ، و يأخذ المشاهدين إلى عالم لم يزوروه من قبل و يشعرهم بأنهم فعلاً جزء من هذه الرحلة التاريخية. و الجديد في هذا الفيلم هو أن الرحلة إلى القمر تكون من منظور ثلاث ذبابات ، تأثر أحدهم ، نات ، بجده البطل الذي أنقذ اميليا ايرهارت (و التي كانت أول من عبر المحيط الأطلسي بطائرة) و أصبح يحلم بأن يعيش دور البطولة الذي عاشه جده. قام نات بإقناع اثنين من أصدقائه بالذهاب إلى القمر و تسللوا إلى داخل البدلة الفضائية لرواد الفضاء نيل آرمسترونج و بز ألدرين (الذي شارك بالفيلم) و مايكل كولينز. قبل الإقلاع ، و أثناء تصوير الكاميرات التلفزيونية لهذا الحدث التاريخي الذي تابعه العالم أجمع ، شاهدت الذبابات حول العالم نات و رفاقه و هم يلوحون للكاميرات معلنين بداية رحلتهم التاريخية.

http://www.tsck.org.kw/ar/movie_details.asp?id=88

وع مايبدي الفيلم رحنا تمشينا برا ..

وكان الجو براد وناسه ..

هذي جم صوره وكالعاده في صوره اختفت @@

ولما رحنا صوب البوم لقينا سمج ويهال يوكلونه نفيش وبطاط وماوعينا الا القوطي بكبره بالبحر @@

قرب موعد الفيلم ودشينا داخل..

شريت هذا الله يزيد النعمه ..

وخلص الفيلم ورحنا الدسكفري وكانت حدها وناااااااااااااااااااااااسه..

اول لعبه بويهنا كان فيها هالسوال ..

وحسافه اختي ماصورتها كلها اهو في نفس قضبه تفرينها وهذي النتيجه ..

شكلها مو واضحه :( بس اهي فلوس تطير..

حزتها كان في هنود معانا عاد احنا مندمجين فيها ماوعينا الا الشايب الهندي يمنا عاد قعدت اشرح له ع ابو فاهمه واهو وقف يسوف معاي ياحليله وعقب هم وقف ماراح خخ اثر بيجرب ينطرنا نخلص :)

وعقب رحنا لعبه اسمها غرفة اخبار البيئة ..

جنها استديو اخبار فيها مايك وكاميرا و اخبار وشاشه وخلفيه شغل عدل :)

وهذا النص والمايك..

ها اوضح صور لها ..

وفي شاشه يمج جنه وشاشه تلفزيون حق اللي بيشوقج احنا ماانتبهنا له الا لما ضحك الموظف ويقول شوفوها بالشاشه اشوه مو انا اللي كنت قاعده العب خخخخ..

وعقب رحت العب بهالكرسي تضغطين زر يرتفع فيج انا جربته بس ماعرفت له السيكورتيه ساعدتني ..

هذي اللعبه جربتها مرتين ولا عرفت لها :(

هذي بعد تونس شلون الهوا يطير الكوره تقعد فتره بالجو تصدقو جنه ينفع استشوار :)

عقب واحنا نحوس بالقاعه نادتنا موظفه تقول في عرض اسمه عرض النجوم جنه ورحنا بهالقاعه ..

شرحت لنا عن النجوم والوانها واشكالها :

الوانه :

1- بالبدايه ابيض مزرق..

2- اصفر..

3- برتقالي محومر..

وقالت لنا اذا نشوف نجوم الصبح قلت اي الشمس قالت صح وعقب قالت انه الشمس لونها افر يعني توها بمنتصف العمر ..

وروتني اشكال النجوم نجمة الشمال و مجموعة الصياد وقالت انه بحزامه 3 نجوم تحتهم بالضبط الاهرامات وانه الفراعن هم اول من اهتم بالنجوم ..

وقالت لنا عن نجمة سهيل وخواته والسباع والخ ..

واكمل لكم العاب اللي لعبنها ..

ممتعه كل سكان يحرك عجله والمطلوب تنقلين الدائرة الخضرا بينهم ليما توصلينها لي الزحلاقيه الحديد ..

هذي اللعبه عاد غير امبيه ذكرتني بالروضه بس هذي وقلفي وناسه كانت زين قدروا ينزلوني منها خخخ..

هاللعبه مدتها دقيقه جنه قاري و كثر ماتبذلين طاقه تخلصين قطعة السكر اللي محطوطه جدامج ع الشاشه لما نزلت منها اريولي وظهري عوروني لانه شديت حيلي خخخخ ..

هذول اكثر من بلاك كل ماتركبين بلاك 1 ولازم 3 يحركونه عشان تشغلون جهاز بس جنه الراديو خربان خربوه طلبة المدارس@@

في مكان تصورون صوره ع ابو ليسن لطياره احنا صورنا 3 مع بعض عقب انا واختي ,,

وفي لعب الكترونيه طيارات ..

وعقب رحنا الزوايه وكان فيه العاب وهدوم تنكر وباروكات و كتب ..

انا صورت بهذول :)

وي وين الصوره @@

وصورنا صور عبط بالبواريك اشوه احنا متحجبات ولا البواريك معفنه بس الحجاب كان حاجز بينا خخ انا مارينز اسود واختي شعر احمر شاب ورفيجتها ثلجي ..

ولما خلصنا طلعنا رحنا الاكواريم ..

لو بتدققون في حيوان داخل :\ وهذا طبعا من القسم البري..

وعقب رحنا ..

البطاريق ..

شكلها غريب ..

مثل الباباي ..
حصان البحر

السلاحف الطائرة..

اللخمه والقرش بس جيكو ع اللخمه كشخه تايغر ..

وهذا القرش من تحت انا لما كنت عند الحوض كنت اسوالف مع اختي مر يمي قرش اخترعت حسبلي برا الحوض ماشاءالله ذكائي خارق خخخ ورقتي ذباحه @@

كسرت خاطري جنه زكريا زكرتا ..

خلصنا من الاكواريم ..

ولقينا هالصوره عندا الباب الله يرحمه يارب..

وعقب الغدا الصور تحت له ..

رحنا المحل كنت ابي شي ع الفيلم ماكو الا تيشرتا ت ..

انا خذيت الوان ..
لولد اختي ..

واختي خذت سكارف تسويه << لعبه..

اما غدانا فكان في بيتزا ..

وخلاص طلعنا ..

حاولت اختصر كثر ماقدرت ..

رسائل خوف لـ عبدالوهاب السيد + مطعم همبرجر يونيون +افلام

2009-11-18T16:53:00.003+03:00

السلام على من اتبع الهدى ..

صلوا ع احمد ..

لا وي مادري شفيني اليوم ..

كالعاده بسويت نوفمبر اللي طار بسرعه بوست مزدوج..

ببدي بالكتاب هالمره من جزئين ..

مر وقت طويل على قرائتي لاحدى مؤلفات م . عبدالوهاب السيد وقد كانت عبر الانترنت وهي بعنوان مذكرات مراهق كويتي الذي مؤخر و بعد عودتي مجدد للقراءه اشتريتها ..

وهذه مره اخر يعود فيها الينا خالد سليمان بطل مذكرات مراهق لكن هذا المره كمستضيف لنا ومستقبل للرسائل الكترونيه من متابعيه وكل جزء يحتوي ع قصتين :

#الجزء الاول :

1- 14 يوم :

للمرسل فهد وهو مراهق يبلغ ال16 من العمر يتيم الابوين تتولى رعايته خالته التي تعامله هي وعائلتها بكل جفاء وظلم ممايؤدي الى هربه منهم والدخول في مغامرة مع الوحده .

2- ايها الحب ترفق :

المرسل مجهول واما قصته فهي عن الحب الذي ينتظره وكيف يحصل عليه بشكل غريب و فجاءه دون اي استعداد .

وفي هذا الجزء تناول العديد من الظاهر النفسيه او الخارقه للطبيعه ..

كظاهرة ديجافو - تاثير الفراشة- التنويم المغناطيسي - والاحلام المتجلية -تناسخ الارواح - الوجدان الجمعي .

الجزء ال2:

القصه الاولى عندما احترقت زوجتي ..

وكذلك مرسلها مجهول وهي قصة ذكر بالثلاثينات من العمر يتحدث فيها عن زواجها وعن المشاكل والجدال اليومي بينه وبين زوجته ,والذي ادى به الى انهاء بشكل حقير << امبيه كرهت الزواج .

وخلال عرضه لتجربته يبين لنا الظواهر الغريبه التي مر بها من محاولات قتل وحبس وحرق و وتحرك الاشياء الثابته .

القصه غريبه بس تخوف مو لانه اشباح لا لانه طلعت لعانة الذكور :)طبعا مو الكل لازال هناك صفوة يتمتعون بالرجوله << اتمنى ذلك :p..

القصة الاخيره: بعنوان الذي اقتحم العقل ..

وفيها يتحدث خالد سليمان عن تجربه غريبه مر فيها ومن خلالهالامس الواقع واظهر بها مدى تدهور الاحوال في الكويت للاسف :( .

**مميزات الكتاب :

1- ذكر الظواهر وتفسيرها وشرحها بالهامش .

2- عرض بعض الحقائق والتجارب التي تدعم القصه.

3- تنوع القصص .(الاولى دراما - الثانيه عاطفيه- الثالثه اجرام- الرابعه وطنيه) ال3 الاخرين فيهم نسبة من الغرابه .

**عيوبه:

1- السرد الطويل احيانا ممايشتت القارئ وخاصة بالقصه ال3 او بالاحرى الاول من جزء الثاني وهي عندما احترقت زوجتي .

2-عبارات ذكرت طبق الاصل لعبارات رفعت اسماعيل بطل سلسلة ماوراء الطبيعه .

___________________________________________________

الاسبوع اللي فات شوقتني ام ميدو من مدونه فيونكات بهالمطعم فرحت جربته بنفس اليوم اللي رحت الفيلم ومريت المعرض ..

لقطات من المطعم ..

هالمكان كنت بقعد فيه بس قلت اخاف اكلنا وايد ونتذابح انا واختي بدال لاناكل خخ..

طلبنا من الصمون اللي بالصفحة الاولى وانا اقول زين رخيص اغلى شي بدينار وشي يمكن و100 قلت بعد معاه بطاط بس احترمت نفسي وقلت مو معقول , المهم القرسون قالي انها صغيره انا حسبالي انها ميني طلع لا وحده بس ..

لونها فوشي يشوق وحبيتها طعمها لذيذ وتشبع ..

مالتي اختي ربيان خخ وحاطين ربيانه وحده وقاصينها بالنص !!

صمونتي الصمونه اللي فيها كل شي ماعدا البصل..

العادي لاختي وحطينا جبن وياريتنا ماحطينه لزق البطاط بالصحن والودجز لي..

السيزر ماحبيتها الدياي زين والخبز ترف ويقرمش بس الصولص لا ماعجبني..

________________________________________________________

توني طالبه اليوم افلام من سايت كويت ديفيدي اللي قلت لكم عنه قبل طلبت الضحى ويالي العصر وناسه بس ماقدر اشوف شي الحين اختي عليها امتحانات و اسبونج بوب طلع عندي مثله الاصلي @@

هذول لخواتي فلونه للكبيره وبيت جدي للوسطيه ..

وبس مرسي..

يوعانه باكل طالبين حياكم ..

الحقيقة لا تقال لـ خالد النصر الله + كتب يديده+ مطعم زهر الليمون

2009-11-14T17:45:00.003+03:00

السلام ..

كالعاده بوست مزدوج احاول اجمع بين غذاء العقل والبطن :)

نبلش بالعقل..

اليوم معاي رواية جديدة وهي اخر ماالفه خالد النصر الله بعنوان الحقيقة لاتقال ..

النبذه الخلفية :

بماذا تفسر ، لو ابتعدت عن عائلتك وتركتهم لظروف قاهرة .. وعدت إليهم بعد فترة طويلة ، وتفاجأ بأن أحداً منهم لا يعرفك ؟الحقيقة مثل الحرباء ، لها القدرة على التلوّن والتخفي وفقاً للظروف . أما الظروف فقد تكون كاذبة أو خاطئة أو مبهمة ، لكن المدهش ..أن هناك حقائق ثابتة ، لكنها أبداً لا تقال !! .

تعليقي :

القصه تدور حول 3 شخصيات رئيسة حسب ترتيبها فيما يالي , وكلها لها صلة بالشخصية الاول ومرتبطة بها :

1- وليد القصي : من ابناء احدى الاسر الغنية يتصف بضعف الجسد والشخصيه ونتيجة ضغوط من احد زملائه بالمدرسه يدعى ناصر يدخل السجن .

2- بدر زيمان : صحفي مجتهد يركز على القضايا الاجتماعيه المثيره للجدل .

3- جميل فاضل : دكتور واخصائي علم ايحاء والايماء.

تتناول الروايه العديد من القضايا المتعلقه بالشباب الذكور من حب وعلاقات وعمل وطرح قضايا تتطلب الجراءه لكن الحبكة كان موفقه بذكرها بتحفظ ودون خدش للحياء .

بالنسبه لرايي اعجبتني اكثر من هرطقة و ارى ان هذا امر طبيعي يدل ع تطور اسلوب الكاتب وتمكنه ماشاءالله خصوصا كونها العمل التالي له .

واحببت تنقل بين الشخصيات بشكل سلس.

كما استفدت من ذكر بعض الحقائق في علم التنويم المغناطيسي والا يحائي بصفحة 172..

اما العبارات التي شدتني فعلى سبيل المثال :

-الحياة عبارة عن حلقات متصلة , تؤثر في بعضها ببعض , فالماضي سبب الحاضر والحاضر يخلق المستقبل وان الغائه لمجريات حياته السابقة بخبراته ومكتسباتها وايجابيتها وسلبياتها تؤدي الى الغائة لحاضره وشرخه لهويته التي صنعها بمثابرة وجهود عظيمة.

- ليس الطبيب من يدخن سيجارة , ولاهو نتدين من يرتكب المعاصي , ولن يكن شرطي اذا خالف القانون ,وما من قاضي <<( ماجنه مجرور لازم نحذف الياء ولا منهج يديد خخخ ) يتلقى رشوة كل اولئك يمتهنون التمثيل ليس الا , فالاصلح بالانسان ان يبدا بنفسه قبل ان ينشغل بغيره.. ص 171

-الثقة تجلب الارادة , والارادة تحقق المستحيل والايمان بعدم وجود مستحيل , هو قمة الثقة التي من الممكن ان يصل اليها الانسان .

****************************************

باخر يوم بمعرض الكتاب كنت محتارة اروح له او لا قايلين لي في عروض والكتب اسعارها بتصير بالقاع قلت يبيله عيل خخ رحت ع المغرب عقب ماطلعت من فيلم case 39..

لما رحت ولا في ناس بدت تشيل كتبها و المعرض يصفر سالت عن فسوق لعبده خال قالي كتب عبده خال من اول جم يوم ماشاءالله خلصت رحت ابي عدد من فانتازيا اسمه ما امام الطبيعه ولا مو موجود اهي اهي ..

جان اروح افتر بالجناح الكويتي اللي غالي واغلى من الكتب المعروفين واغلب كتابنا شباب !! شي زين بس شلون اسعارهم اغلى من الكاتب الكبير اللي كتبه امتن و خبرت كثر واسمه وشهرته اوسع !!

الدار الوحيده اللي اسعارها مثل برا لانه اذا برا اغلى محد بياخذ كتبهم خو اغلبهم شباب يديد وكتبهم مو وايد متينه عادي واهي البديل للاسف عن دايموند بوك بس بديل لا يقارن اول كان في كتاب كبار وعرب الحين بس شباب كويتين اشهر عبدالوهاب السيد ..

مبين انه بشتري وبس :)

النصرالله كان بيوقع ع الكتاب بدون لا اقوله كنت لا هيه اطلع فلوسي ولا اسمع يقول باسم منو قلت لا لاتكتب << اختي تقول فشلته..

لو بفشله جان قلت له اخوي مايصير تهديني كتاب انا دافعه فلوسه @@

وطبعا لا عروض ولا بطيخ ..

***************************************************************************

الحين دور غذاء البطن ..

اول مره اروح 360 ومافتريت فيه بس تغدينا وطلعنا لانه معانا رفيجة اختي ..

المنيو اخر شي ذكرت اني مصورته لا وطلعت روحي يالله نزلت الصور واخر شي طلعت خايسه خخخ..

ع مايختارون البرنسيسات ارويكم جم لقطة للديكوور..

التب عندهم شي مقدس الظاهر برج الدلو صاحب المطعم ..

هذي لما طلعنا صورنها وصورت وانا قاعده عليها :)

من صوب ال2 بس مو واضحه..

حتى الليت ع تب ..

المقبلات مادري شنو اهما ..

خبز جنه كيك..

كالعاده المطعم اللبناني خيارته قليله فطلبنا كان..

ملفوف = ورق عنب لاختي..

سلطة بطاط..

فتوش بدبس الرمان .. شوفوا الصحن فيه خبزتي :\

حتى ماعندهم كبه بلبن طلبت كبه وداخلها لبنه ونعنان او روب مو ذاكره بالضبط..

تبولة اختي تقول مالت ليلى بلبنان احلى..

حتى فاتورتهم بتب ..

رايي اكلهم اقل من عادي و اما الخدمه لانه المطعم فاضي ماكو غيرنا فجابلونا خطر ليشيلونا لي سيارتنا خخخ..

وبس سلامتكم ..

اليوم التالي لامس لـ وليد الرجيب + pinkberry + google

2009-11-10T22:44:00.008+03:00

السلام..

من اروع ماقرأت هم روايات وليد الرجيب موستيك :

http://sha5bo6a87.blogspot.com/2009/05/blog-post_12.html

و اليوم التالي للامس ..

كلاهما تميزا :

1- الشفافيه .

2- السرد المشوق.

3- اروع وصف للشخصيات الرجال .

4- لما تفك ما حتسك .

بالنسبه للرواية اليوم التالي للامس :

قراتها لمدة يومين ليس لانها طويل بل لاني ارغب بالاستمتاع بها باكثر وقت ممكن (شرح للنقطة 4 ) , ولثناء قرأتي لها طغى علي الجانب الروحاني انعكاس لما هو مذكور بالروايه .

ابطال الرواية :

1- عبدالرحمن : رجل ارمل في 61 من العمر مهندس يهوى التاريخ , ومن صفاته راقي ونادر ومخلص ووفي لابسط الامور ،واما اهتماماته يعشق الموسيقى و القرأه , يعاني من اهمال اهله (ابنائه وزوجته).

2- فطومة : امرأه متزوجة من ابن خالتها عن حب وهي عاقر لم تنجب , تمر بحالة نفسي تؤدي الى محاولاته للانتحار اكثر من مره بطرق مختلفه , تعشق القرأه والموسيقى والرسم .

3- ناصر: لهو دور هامشي بالقصه فهو زوج فطومة ويعد رجل اعمال ناجح , يحب فطومة ويعمل على توفير سبل راحتها .

لقاء في احد الكافيهات في المارينا ادى الى تعرفهما على بعض تجمعهم الميول وقلت المهتمين لهذا , اما علاقتهم راقيه مابين الصداقه والحب.

بعض المقتطفات التي استفدت منها وشدتني بالقصة:

*ص 106 ذكر اسباب القرأه التي لم يحصرها بامر واحد:

1-الدراسه واكتساب المعلومات والمهارات .

2-فضول واكتشاف عوالم .

*ص111 و 112تحدث عن العين فقال (دائما الحديث عن العينين محرج , فيه اقتراب وخصوصية , هما المجسمات والنوافذ التي تطل على الداخل ,وهما اقوى وسيلة اتصال عرفها البشر , واكثرها صدقا , تعكسان الحب والكراهية , الخوف والغضب .....الخ , مرآة الانسان , ماضيه وحاضره).

*ص132 لاشي يعادل الرضا عن انفسنا , عندما نحقق هدف .

*عن النوم والاستيقاظ المبكرين ص 133 : قد اثبت ان النوم والاستيقاظ المبكرين , يحميان اجهزتنا العصبية , وان محاولة تعويض النوم في النهار لاجدوى منها لان هناك هرمونات في جسم الانسان لا تعمل الا في الليل، ويقولون المختصون في علم النفس والتطور الذاتي , ان من اراد النجاح والثروة والصحتين النفسية والبدنية فليبكر في استيقلظه من النوم ما امكن.

*عن الانجذاب بين الرجل والمرأه في ص 156 : لكن الانجذاب يجعلنا احيانا نقوم بحماقات ، نفقد رصانتنا ونفسر كل لطافة من المراه على انها موافقة مبدئية للسير قدما في طريق الاقتراب اكثر , لذا تضع كثير من النساء نفسها خلف قلاع من الجدية والتجهم , كي لا تكون صيدا سهلا او كي تفنر الصيادين منها ..

* في ص 168 تطرق للرسم وان هناك علاج فيه ويستخدم اكثر للطفال كما ان هناك علاج بالرقص وعلاج بالموسيقى وعلاج بالتمثيل.

*ص177 : تعلمت من علم الطاقة انه بامكان التواصل بطرق غير مادية فطاقتنا تصل للاخرين عن بعدكالتلباثي او التخاطر ينتقل عبر الاثير فيؤثر فينا .

* تحدث عن السياسه والفكر الشيوعي واليساري و القومي (الناصري) بدايه من ص200 لكن اكثر عبارة شدتني ص 215 : السياسه انيه متغيره بشكل يومي , تغيرها الاهواء والمصالح وتتغير معاها .

* عن الطب :

-عن الطبيب بص 221 : انه يقوم بعمل روتيني , ولم يتدرب على التعامل مع نفسيات المرضى , لا فالطب متخلف في عالمنا العربي .

* عن القوة ص 231 : في داخل الانسان قوة جبارة , لا تدركها في الكثير من الاحيان قوة الفكر والمشاعر ,والآن يعتمد على هذه القوة لعلاج امراض السرطان و اطالة العمر , احيانا بتوجيه من المختصين و احيانا بلحظة تنوير ذاتيه , اشبه بقوة المؤمنين , العلماء يدكون الآن ان قوة الفكر والمشاعر اقوى من الكيمياء , فان اعطيت انسان اقوى منوم وفكره ومشاعره يعملان ضد هذه الفكرة فلن يؤثر الدواء فيه .. الخ .

ماكتب عنه بصحيفة القبس :

http://www.alqabas.com.kw/Article.aspx?id=540826&date=14102009

مدونة المؤلف :

http://osboha.blogspot.com/

********************************************

عرفته من احدى المدونات ورحت جربته :

اهو بالافنيوز ..

وهذا طلبي اخترت النوع العادي والحجم الصغير :

واخترت 4 انوع ماعرف اسمهم بالضبط بس اقرب للمكسرات اعتقد نقدر نسميهم نكهات اضافيه كان في فواكهة مثا توت وفراولة وموز وكيوي الخ ..

وبالنص في نوعين ككاو مبشور وكرون فلكس والخ ..

انا اخترت كيو وفراوله وككاو وحطيت توت لاختي.

امم تجربه لن تكرر :)

ماحبيته وايد انا اساس مو وايد اكل برد انطر يذوب هذا طعمه فانيلا ع روب مادري شلون قايل .

سايته عساس يكون عندكم فكره اكبر عنه :

http://www.pinkberry.com/

***************************************

اخر جزء من البوست عن google..

هالاسبوع يونس شعارهم كل يوم غير عن عالم سمسم لانه صارله 40 سنه سيفت جم واحد منهم ..

وبس شرايكم ؟؟

خنفروش لـ احمد الحيدر + فيلمcase 39 + مطعم ليلى من لبنان

2009-11-07T19:04:00.008+03:00

السلام ..

شلونكم عوده مجدده مع بوست مزدوج مشكل كوكتيل ..

صاير عندي فائض بوستات ومابي احط كل واحد بروحه يطلع البوست سطر وربع اخليهم مع بعض اسهل جنها مجله شخبوطيه :)

البدايه اليوم مع كتاب خنفروش لـ احمد الحيدر..

مؤخرا بدأت بقرات كتب المقالات لكن هذه المره الاولى التي اقرا فيها هذا النوع لكاتب كويتي شاب .

وكما اسلفت الذكر الكتاب عباره عن تجميع لمقالات نشرها الكاتب في الصحف (القبس , افاق) , او في مدونته الكترونيه ..

وهي منوعه ذات طابع شيابي ممتع فقد تحدث عن قضايا يوميه محليه كلازدحام - الطيران - بعض اعماله سواء الحاليه ككتبه والمعارض او اعماله السابق الجامعيه كما تطرق الى الفن والفنانين و النساء !! .. والخ ..

عيبه انه كتاب صغير ومحتواه قليل :)

الجدير بالنشر رابط مدونته :

http://bokawthar.blogspot.com/

ملاحظة : اخر موضوع نشره في مدونته هو عن كتابه..

تحديث : في ال27 من نوفمبر2009 بعد قراتي لتعليق مؤلف الكتاب وجب التنويه :

ملاحظة صغيرة فقط إن الكتاب ليس تجميع لمقالات نشرت سابقا فقط .. بل فيه ما نشر وفيه ما لم ينشر وهو الأكثر .. حيث نشر خصيصا في الكتاب :) *

* احمد الحيدر..

#############################################

من جانب اخر :

بحول كويتي رحت اليوم الافنيوز ومرتين بنفس الاسبوع لنفس لمكان يعني مافي شي يسوى الهدوم وحفظتها والمحلات وصميتها ولو امتحان جان كرهته خخخ..

المهم قلت ندش السينما نضيع وقت ليما يفتح معرض الكتاب ..

ماكان بالي فيلم معين ولا اعرف شنو منزلين افلام بس قلت بشوف my sister keeper اذا لي الحين ينعرض او لا طلع يس ينعرض بس الساعه 11 بالليل وايد متاخر شفت الاوقات في باباي عقب ثلث ساعه وفي فيلم 2 بعد مانتبهت لاسمه قلت لاختي واخترنا ال2 اللي مانعرف حتى اسمه ..

رحنا نحجز فسالت امال التذاكر اذا الفيلم رعب او لا جان يطلع رعب استانست :) وحجزته ودشينا وبلش الفيلم ..

لا لا قبل لا يبيلش انا واختي قاعدين جان تسالني الفيلم عن شنو قلت مادري بطولة منو مادري شسمه هم مادري خخ طلعت التذكره قلت له اسمه case 39..

وبلش الفيلم ..

معلومات عنه من سايت السينما :

بطولة

Renee Zellweger, Jodelle Ferland

المخرج

Christian Alvart

النوع

رعب, اثارة

مدة الفيلم

109 min

تصنيف

18

القصة
العاملة الاجتماعية إميلي جنكينز تعتقد بأنها شهدت الكثير في حياتها العملية حتى تتسلم حالة جديدة والأكثر غموضا، وهي قتاة مضطربة في العاشر من عمرها تدعي ليليث سوليفان. ياكد أسوأ مخاوف إميلي حين تتاكد من ان والدي ليليث حاول قتل ابنتها، وهي ابنتهما الوحيدة. ماذا سيحدث للفتاة وإميلي؟<< الترجمه عجيبه شكله بقوقل مسوينها خخخ..

الرابط :

http://webserver2.kncc.com/arabic_synopsis.php?mv=2819

تعليقي:

اميلي احدى العاملات الاجتماعيات في رعاية الطفل في الولايه تتلقى القضيه ال39 لفتاة تدعى ليلي تعاني من الاهمال الاسري وسوء التغذيه والنوم في الفصل وتحول سيء في علاماتها الدراسيه , تلتقي بها اميلي وتتعلق بها حتى يصل الامر الى اعتنائها بها في منزلها الخاص وخلال هذه الفتره تتولى المتاعب عليها ..

http://www.youtube.com/watch?v=9wtgVerQuso

شي 2 بالدعايه في لقطات ماشفتها بالفيلم لا انا ولا اختي فاتوقع قاطعينها مع انها عاديه جدا ..

الفيلم عجبني وفي جرعة رعب لدرجة انه غطيت ويهي وصرخت يمااااااا اشوه << بسم الله علي رقيقه خخ واختي غمضت عينها...

هذي عائلة البنت ..

****************************************************

المطعم هذا رحت له الاسبوع اللي فات وهو بالافنيوز واسمه ليلى من لبنان ..

عجبني ديكوره هادي وحسيت اني بلبنان :)

مشغلين اغاني لبنانيه ايشي دبكه اشي اغاني هاديه زين مني مسكت نفسي ومادبكت خخخ ..

المنيو احب هالستايل ودي لو كنت عايشه بهاالحزه ..

ع ما نختار الطلب شوفوا هالرسم ع الحيط حبيتها كتير ..

وهون شاشه بينعرض فيها دعايه لفيلم فيروز ..

وصلت المقابلات او الضيافه وفي نوع 2 خبز ماصورته بس حبيته لذيذ..

البيبسي بعد مكتوب ع قلاصه اسم المطعم بشكل حلو ولاحظت انه الورده مكرره بكل مكان تقريبا وهم الماي مكتوب انه اهو اللي يسقون في الارز ..
اختي تقول جان زين عندنا ارزه او شي مثلها قلت لها عندنا السدره اللي فيها ينانوه وعندنا النخل بس كلهم شالوهم الازاله :(

لقطه عامة مادري ليش صورتها ع مايي الطلب ..

وصل وصل فتوشي ..

تبولة اختي ..

احنا نسميه ملفوف بس العموم يسمونه ورق عنب هم لاختي ..

كبة بلبن لالي الكبه لذيذه بس لبن في طعم حمص شي جذي بس زين مو وااو مثل الكبه..

قرقشوا مخابيكم وخل ندفع الحساب :)

وبس سلامتكم ..

كتاب تاكسي حواديت المشاوير لـ خالد الخميسي + كاستانيا للمكسرات ..

2009-11-06T09:04:00.008+03:00

صبحج الله بالخير يام اجمل واحلى صباح ..

ياكويت يابلاد الخير يا كل عمرج افراح @@

يانبـــــــــــــــــــــــــــــــــــع الطيبه ...

ياغلى حبــــــــــــــــــيبة ..

http://www.youtube.com/watch?v=x56zq8qm_Wk

مكتوب انه ب92 يعني لما كنت بروح اول ابتدائي كنت اسمعها لما اقوم للمدرس واكرها خخ شغلتها توني اختي لفت معفسه ويها خخخ..

المهم موزوعنا اليوم عن التـــــــــــاكسي ,,

يشوق بناتي احب هاللون ..

نبدأ بالموضوع وهو تناول التاكسي بكتاب تاكسي حواديت المشاوير لـ خالد الخميسي ..

يطرح المؤلف هذا الكتاب الذي هو بمثابة لقائه مع سواق التكاسي التي تعج بهم مصر والذي يلتقيهم بشكل يومي ويحتك بهم ويتحدث اليهم ويستمع لهم وهي بعض الحكايات من ابريل 2005 الى مارس 2006..

ومقدمة الكتاب كانت عباره عن اهم واغرب النتائج التي استخلصها المؤلف <<من وجهة نظري..

على سبيل المثال :

- يتراوح المستوى التعليمي لسائق التاكسي من الامي الى الماجستير !!

كما تطرق لعددهم التقريبي و اهم المشاكل الصحيه التي تصيبهم نتيجة عملهم الشاق والطويل و القوانين الصارمة والمتعبة التي تفرض عليهم ..

اما المتن او فحوى الكتاب فهو عباره عن 58 حكاية متنوعه فيها تم التطرق للعديد من المشاكل والقضايا:

- الاجتماعيه : كالجرائم من رشاوي - تزوير- نصب-تهريب , الهجره, المظاهرات , الحب , التحرش, سوء التغذية , البطالة , الازدحام , الموصلات .

- التعليم : كالدروس الخصوصيه- منع الابناء من استكمال درستهم - الغش.

-السياسية : العنصيريه - التطرف - الانتخابات- الدستور.

-الاعلام : كالاخبار ..

-الاقتصاديه : كالبورصة - الادخار- الرواتب- ارتفاع الاسعار- الضرائب.

-الرياضة: كاس العالم - التذاكر - الزمالك والاهلي.

كما طرح بعض المشاكل التي تواجهم :

- النصب.

- القوانين.

-الوقت .

- الاقساط << احيانا ..

-الرشاوي .

وكتنوع القصص تنوعت الشخصيات فهناك المقتنع كالسيد في القصة الاولى حين قال :(نملة سودا على صخرة سوداء في ليلة حالكة الظلمة يرزقها الله ).

القصة 23 كذلك اعجبتني شخصية السائق الذي قال :كل حاجة في الدنيا لها جمالها .. يكفي انه تفتح قلبك عشان تشوف الجمال اللي حولينك ..لكن لو انت زي معظم الناس مقفل قلبك حتشوف النور اللي بيضوي حوليك ازي ؟!

السائق الحائر في قصة 16 الذي قال عن عمل الخير : ابويا الله يرحمه كان دايما يقول اعمل خير حيرجع لك خير .. عامل زي الصوت وصدى الصوت لو ماطلعتش صوت عالي من قلبك مش حتسمع صداه .. وكمان الخير لو ماعملتش خير من قلبك للناس عمر محيرجع لك خير ..

احم احم نسيت شبقول يمكن لانه يابوا الريوق خبركم عند البطون تعمى العقول جنه جذي تنقال :)

اما الطرح فمستخدم به اللهجة المحلية المصريه بالحورات والفصحى بالوصف والسرد .

<<تذكرت اللي ناسيته هو ميزه اخرى انه اغلب الهوامش كانت تعريف بشخصيات تم ذكرها بسياق الاحاديث.

في المقابل لهذا الكتاب تذكرت احد الافلام التي شاهدتها في السينما مسبق ..

فيلم ع جنب يااسطى :

لكن الاختلاف فيه ان اشرف عبد الباقي هو السائق ويعرض لنا تجاربه مع زبائنه فهناك النصاب والبنت اللعوب << تقريبا مثل اللي طرحت بالكتاب والخليجي وغيرها من قضايا ..

اعلانه ومتوفر باليوتيوب الفيلم كامل اعتقد ..

http://www.youtube.com/watch?v=PrbXR012V5c

___________________________________________________________

الموضوع ال2 احب البوست المزدوج :)

محل كاستانيا للمكسرات..

عرفته من الجريده لما كنت اشتغل بالدوام لفت انتباهي خبر لما شفته ولا عنه وفي كاجو بالككاو غرامي هالشي ومن فتره ادور ماحصله ونادر اللي القاه ويعجبني ..

والصور من جريدة :

http://www.alqabas.com.kw/Article.aspx?id=542826

وهذالخبر اللي شفته بس مافي صور بالنت بالجريده كانوا اكثر ..

http://193.200.40.42/aljarida/ArticlePrint.aspx?id=133145

وهذا اللي شريته لذيذ عجبني وعجب اختي احس فرش ككاو وفرش مو ضابطه جنه خخ بس المهم حلو ..

خذيت الصغير اتوقع نص كيلو وب3 مثل الاسعار الطبيعيه وبرا وارخص من فاكتوريا سويت وهالسوالف والذ ..

وبس سلامتكم :)

معرض الكتاب :) + هرطقة لـ خالد النصر الله + مطلوب وداعا احمد الربعي ..

2009-11-02T19:20:00.008+03:00

السلام عليكم ..

شلونكم ..

اليوم رحت معرض الكتاب مره 2 ..

وهالمره بدون لسته ..

وقبل لا ابلش الصوره اللي فوق عجبني شكلها كنت شا يفتها بتغطية المدون عاجل اذا ماخب ظني للمظاهره اللي كانت ضد الرقابه ولما رحت اليوم صورتها ذكرى :)

****

المهم هالصوره من حصيلتي امس من رفيجتي اتصلت تسالني شنو الاعداد الناقصه من سلسلة ماوراء الطبيعه قلت لها جان تقول موجودين بالمعرض @@ عقب سالتني عن اسامي كتب د.احمد توفيق اللي ابيها قلت وايد قالت قولي اساميهم لما قلت لها احس تقول اي واهي متضايقه ليما وصلت لدماغي كده جان تستانس خخ تقول لقيته @@

انا انصدمت قلت وهذي مالت الحاسب الالي شكو تقولي مافي له شي بالمعرض عموما مرسي صقيقتي << مو بدليه فرحتيني ..

نبلش بحصيلة:

- اليوم اه يادماغي مو لي لصقيقتي وال2 عجبتني صورة البنت :)

اهني تنتحت لمازا لانه دور النشر طلعت ارخص بوايد من المكتبات بتقولون شي طبيعي بقولكم الفرق وايد يعني دينارين واو دينار ونص يعتبر دبل سعر الكتاب اللي شريته الخميس من رابطة الادباء لقيته اليوم ارخص ..

وهم اهما يرخصون بعد هذي اعتقد دار الفرابي وهذي حصيلتي منهم ..

كنت ابي اقرا شي لامين معلوف وخذيت سمرقند بعد ماستشرت البياع ..

اي ذكرت سالفه وانا عند كتب باولو كويلو قالي انه اهو مال الخيمائي قلت اي اعرفه وابي له شي حلو بس مو الخيميائي ؟؟

قال: قريتيه؟

قلت :لا قريت 11 دقيقه

اهو استغرب يقول كنا بنيبها وامنعونا الرقابه منو وين ماخذتها..

قلت من الكويت مكتبة العجيري رفيجتي يابتها لي ولسان حالي يقول ياخرطي رقابتنا اي شي خخخ..

هذي من دار 2 لحظه اجيك ع الاسم اعتقد المؤسسه العربيه للدراسات والنشر امبيه هم لقيت شغله شاريتها اغلى برا قلت شكلي ماراح اشتري الا من المعرض ومن دور النشر اللي برا مو بالكويت ..

هالكتب الواحد بدينار والبرمائي بدينار ونص..

بهالمكتبه فصلت (انا كل مكاتب مصر مريتهم بالمعرض ادور كتب د.احمد توفيق ) بس هذي تنحت فيها احب الكتب المصريه خصوصا القديمه ..

غرامي ايام الثانويه تختخ ..

اي وبقول شي حسافة ع دايموند بوك كانت عجيبه اهي اهي ..

خلصنا من المعرض ..

_________________________________________________

نبلش بكتاب اليوم ..

وهو بعنوان (هرطقة )

ومن تأليف : خالد النصر الله ..

الكتاب مقسم الى 4 قصص متنوعه ومختلفه في طرح ..

الاولى بعنوان :

الظرف الاسود ..

وهي قصة يمكن ادراجها حسب وجهة نظري تحت مفهوم القصص ذات التوجه السياسي ..

حيث يروي لنا السيد رينيه مدير احد الفنادق الفرنسيه قصة تطوره الوظيفي وتدرجه من موظف علاقات عامه وحتى ادارة احد النادق الكبرى في باريس , و ينقل لنا حادث غريبه مرت به وهي صراع بين مسلم يدعى ابراهيم خالد وصاحب الغرفه المقابله له حاييم اليهودي .

وخلال هذا الصراع يشير المولف للوحده والقوميه العربيه والتداعيات السياسيه بين المسلمين واليهود.

القصة الثانيه :

سنوات مع الشيطان ..

يخبرنا في بدايتها انها قصه حقيقيه بلسان معالجة نفسيه تدعى نور لحالة احد مرضها يدعى راشد الذي يعرفنا على نفسه باول جلسه بانه مدلل من قبل جدتها و يبين لنا مدى صدمته من فراقها ومن ثم ينقلنا ال مرحلة مراهقته وسفرته الاولى مع اصدقائه للمغرب والتقائهم باحد الدجالين و التحول الهائل الذي اصابهم واستمر لاكثر من 10 سنوات مرعبة بعد لقائه به .

كنت اقراها ولسان حالي يقول كذب المنجمون ولو صدقوا ..

من العبارات التي شدتني بهذه القصه :

تحدثه عن العمل في القطاع الحكومي قائلا :

هذا القطاع الذي يحد الطموح ، يصرخ في وجهك مكانك رواح , لا تملك القدرة على التوسع والاستفادة من شهادتك وخبرتك الا من ملك الكلام المعسول والنفاق المستمر ، وكانك حصلت ع الشهادة كي تعاقب وتذل وتظلم , لا لتحترم وتعزز وتكرم .

تعرفت بشكل مبسط على نوستراداموس :

http://ar.wikipedia.org/wiki/%D9%86%D9%88%D8%B3%D8%AA%D8%B1%D8%A7%D8%AF%D8%A7%D9%85%D9%88%D8%B3

اما القصه ال3 فهي التي تحمل عنوان الكتاب :

هرطقة:

وهي قصة شاب ناصر يبلغ من العمر23 ربيعا خريج علوم سياسي وفيها يحكي لنا قصة حبه لرغد ابنة احدى صديقات امه و من ثم حبه لدينا التي تعرف عليها بالنت من خلال ردودها على مدونته << (خخ حتى بالبلوق في حب الكتروني الظاهر )..

وكيف استطاع تنمية موهبته في الكتاب وعد الكتفاء بعالم التدوين والانتقال للصحافة كل هذا بفضل والدهم الذي ربها وغرس فيه طرق الحوار و المعرفة ..

القصة الرابعه والاخيره بعنوان :

الحل الامثل..

وبطلها هو جاسم الذي فقد في بدايتها عائلته الصغيره المكونه من زوجته رجاء وطفلين هما ابرار وسالم , و يبين لنا لوعة الفراق ويوضح لنا مدى حزنه الذي يمنعه من النوم لايام عدة و ماينتج عنه من خيالات مرعبه دهمته ومحاولته للهروب منها .

جميع القصص بهذا الكتاب تشترك بالنهايات غير المتوقعه..

باختصار برافوا خالد النصر الله :)

________________________________________________

الجزء الاخير من البوست:

ابي هالكتاب محد شافه بهالفتره..

اتصلت ع الدار اللي توزعه محد رد علي :(